CBI મારી ઓફિસ પહોંચી છે, તેમનું સ્વાગત છે’ – ડેપ્યુટી સીએમ મનીષ સિસોદિયાએ કર્યો દાવો

સીબીઆઈએ દિલ્હી સચિવાલયમાં સ્થિત ડેપ્યુટી સીએમ મનીષ સિસોદિયાની ઓફિસ પર દરોડા પાડ્યા છે. દરમિયાન તેમણે દાવો કર્યો હતો કે સીબીઆઈને પહેલા કંઈ મળ્યું નથી અને હવે પણ મળશે નહીં. ડેપ્યુટી સીએમ મનીષ સિસોદિયાએ ટ્વિટ કરીને દાવો કર્યો કે, આજે ફરી સીબીઆઈ મારી ઓફિસ પહોંચી છે. તેમનું સ્વાગત છે. તેઓએ મારા ઘરે દરોડા પાડ્યા, મારી ઓફિસ પર દરોડા પાડ્યા, મારા લોકરની તલાશી લીધી, મારા ગામની તપાસ કરાવી. મારી સામે કંઈ મળ્યું નથી અને મળશે પણ નહીં કારણ કે મેં કંઈ ખોટું કર્યું નથી. દિલ્હીના બાળકોના શિક્ષણ માટે નિષ્ઠાપૂર્વક કામ કર્યું.

Delhi | CBI raids are underway at the office of Delhi Deputy CM Manish Sisodia in Delhi Secretariat. pic.twitter.com/ZZQIKXaSVm

— ANI (@ANI) January 14, 2023

સીબીઆઈ સૂત્રોએ કહ્યું કે અમે ડેપ્યુટી સીએમ મનીષ સિસોદિયાની ઓફિસ પર દરોડા પાડ્યા નથી. હાલમાં સીબીઆઈ તરફથી કોઈ સત્તાવાર માહિતી આવી નથી.

સીબીઆઈએ પહેલા જ દારૂના કૌભાંડને લઈને દિલ્હીના ડેપ્યુટી સીએમ મનીષ સિસોદિયાની ઓફિસ અને નિવાસસ્થાન પર દરોડા પાડ્યા છે. આ દરમિયાન તેમના લોકરની પણ તલાશી લેવામાં આવી હતી. સીબીઆઈએ તાજેતરમાં જ એક્સાઈઝ પોલીસી કૌભાંડ અંગે કોર્ટમાં ચાર્જશીટ દાખલ કરી હતી. આ દરમિયાન, સીબીઆઈએ કોર્ટમાં કહ્યું હતું કે તેણે આ કેસમાં 7 લોકો વિરુદ્ધ ચાર્જશીટ દાખલ કરી છે, જેમાંથી 3 સરકારી કર્મચારીઓ છે. વધુમાં કહેવામાં આવ્યું હતું કે મનીષ સિસોદિયા વિરુદ્ધ તપાસ ચાલી રહી છે.

આ પણ વાંચો : મહારાષ્ટ્ર : કેન્દ્રીયમંત્રી નીતિન ગડકરીને જાનથી મારી નાખવાની ધમકી આપતાં ત્રણ કોલ આવ્યા !