કાન ફિલ્મ ફેસ્ટિવલમાં 80 વર્ષીય શર્મિલા ટાગોર છવાયા: રોયલ સ્ટાઈલમાં સિમી ગરેવાલે શોભા વધારી
મુંબઈ, 20 મે 2025 : કાન ફિલ્મ ફેસ્ટિવલ 2025 ચર્ચામાં છે. અત્યાર સુધી ઘણા ફેમસ સ્ટાર્સે રેડ કાર્પેટ પર પોતાનો જલવો દેખાડી દીધો છે. એવામાં એક્ટ્રેસ શર્મિલા ટાગોર અને સિમી ગરેવાલ પણ મહોત્સવમાં હાજરી આપી હતી, જ્યાં તેઓ સત્યજીત રેની ક્લાસિક બંગાળી ફિલ્મ ‘અરનૈયર દિન રાતરી’ના સ્ક્રીનિંગ માટે પહોંચ્યાં હતાં.
View this post on Instagram
સ્ટાર્સ શર્મિલા ટાગોર અને સિમી ગ્રેવાલ 2025 કાન્સ ફિલ્મ ફેસ્ટિવલમાં રેડ કાર્પેટ પર ચમક્યા હતા, જ્યાં તેઓ સત્યજીત રેની ફિલ્મ ‘અરનૈયર દિન રાતી’ના ઐતિહાસિક સ્ક્રીનિંગ માટે પહોંચ્યા હતા. આ ૧૯૭૦ની ક્લાસિક ફિલ્મનું નવું ૪K વર્ઝન છે. આ ફિલ્મ સત્યજીત રેના સિનેમાના લાંબા સમયથી ચાહક રહેલા વેસ એન્ડરસન દ્વારા રજૂ કરવામાં આવી હતી. આ બંને સ્પાઇક લીની ફિલ્મ હાઇએસ્ટ 2 લોએસ્ટના રેડ કાર્પેટ પર પણ જોવા મળ્યા હતા.
કાન્સની રેડ કાર્પેટ બોલિવૂડના વારસાથી ભરેલી હતી. શર્મિલા ટાગોર ગોલ્ડ જરી બોર્ડરવાળી ક્લાસિક એમેરાલ્ડ ગ્રીન સિલ્ક સાડીમાં ખૂબ જ સુંદર દેખાતી હતી. તેનો દેખાવ સરળ છતાં શાહી હતો, જે સોનાના ક્લચ, નાજુક લીલા કાનની બુટ્ટીઓ અને તેના સિગ્નેચર ગ્રેસફૂલ પોઝ દ્વારા પૂર્ણ થયો હતો.
77 વર્ષીય સિમી ગરેવાલે શર્મિલા ટાગોર સાથે કાન ફેસ્ટિવલમાં ડેબ્યૂ કર્યું હતું. તેમણે સફેદ ગાઉન અને મોતીઓની માળા સાથે રોયલ સ્ટાઈલમાં લુક પૂર્ણ કર્યો હતો. સિમી ગરેવાલ લોકોમાં તેના ચેટ શો ‘રેન્ડેઝવસ વિથ સિમી ગરેવાલ’ માટે જાણીતાં છે. થોડા સમય પહેલા, સિમીએ તેના સોશિયલ મીડિયા હેન્ડલ પર શેર કર્યું હતું કે- તે આ વખતે તેઓ કાનમાં ડેબ્યૂ કરશે.
સત્યજીત રેની ક્લાસિક ફિલ્મ ‘અરનૈયર દિન રાતી’ 1970માં રિલીઝ થઈ હતી. આ ફિલ્મ ફેસ્ટિવલમાં અંગ્રેજીમાં બતાવવામાં આવી હતી. તેમજ તેને ક્લાસિક વિભાગમાં વર્ગીકૃત કરવામાં આવ્યું હતું. આ બંગાળી ફિલ્મને ડેઝ એન્ડ નાઇટ્સ ઇન ધ ફોરેસ્ટ તરીકે પણ ઓળખવામાં આવે છે. આ બંને એક્ટ્રેસ સાથે રેડ કાર્પેટ પર હોલિવૂડ ફિલ્મ નિર્માતા વેસ એન્ડરસન પણ હતા, જેમણે ફિલ્મની છ વર્ષ લાંબી રિસ્ટોરેશન પ્રોસેસ પર કામ કર્યું હતું.
આ પણ વાંચો : મૈસૂરના રાજમાતાએ તિરુપતિ મંદિરમાં 100 કિલોના ચાંદીના દીવા દાનમાં આપ્યા, 300 વર્ષ જૂની પરંપરા ફરી જીવંત થઈ
