એપાર્ટમેન્ટના ગોડાઉનમાં ચાલતા કાર રિપેરિંગ ગેરેજમાં આગ ફાટી નીકળતા 9નાં મૃત્યુ
હૈદરાબાદ: નામપલ્લી વિસ્તારમાં આવેલા એક એપાર્ટમેન્ટના ગોડાઉનમાં લાગેલી આગમાં નવ લોકોનાં કરુણ મૃત્યુ થયાં છે. પોલીસના જણાવ્યા અનુસાર, નામપલ્લી પોલીસ સ્ટેશન વિસ્તારમાં બડાર ઘાટ સ્થિત ચાર માળના એપાર્ટમેન્ટની નીચે આવેલા કાર રિપેરિંગ ગેરેજમાં અચાનક આગ ફાટી નીકળી હતી. આગની જ્વાળાઓ એટલી ઝડપથી આખા એપાર્ટમેન્ટમાં ફેલાઈ ગઈ હતી કે લોકો તેની ચપેટમાં આવી ગયા હતા.
#WATCH | Six people have died in a fire at a godown located in an apartment complex in Bazarghat, Nampally of Hyderabad, says DCP Venkateshwar Rao Central Zone. pic.twitter.com/sXepmTPB2f
— ANI (@ANI) November 13, 2023
પોલીસના જણાવ્યા અનુસાર, આગમાં ફસાયેલા 9 (નવ) લોકો મૃત્યુ પામ્યાં છે, ઘણા લોકોને બચાવી લેવામાં આવ્યા છે. જ્યારે ઘાયલોને સારવારઅર્થે હોસ્પિટલમાં દાખલ કરવામાં આવ્યા છે. ફાયરની ત્રણ ગાડીઓ ઘટનાસ્થળે આગ ઓલવવાનો પ્રયાસ કરી રહી છે. ઘટનાની માહિતી મળતાં ફાયર વિભાગની ત્રણ ગાડીઓ ઘટનાસ્થળે દોડી આવી હતી. ફાયર ટીમ આગ ઓલવવાનો પ્રયાસ કરી રહી છે.
#WATCH | Daring rescue of a child and woman amid massive fire in a storage godown located in an apartment complex in Bazarghat, Nampally of Hyderabad pic.twitter.com/Z2F1JAL8wa
— ANI (@ANI) November 13, 2023
આગમાં ફસાયેલી એક નાની બાળકી અને મહિલાનું દિલધડક રેસ્ક્યૂ કરાયું છે. આગ એટલી ભયાનક હતી કે આકાશમાં ધુમાડાના ગોટેગોટા દૂરથી પણ જોઈ શકાતા હતા. આજુબાજુમાં બીજા પણ ઘણાં મકાનો છે પરંતુ હાલમાં નજીકના મકાનોને કોઈ નુકસાનની કોઈ માહિતી સામે આવી નથી. ડીજી નાગી રેડ્ડીએ કહ્યું, બિલ્ડીંગમાં કેમિકલનો સંગ્રહ ગેરકાયદેસર રીતે કરવામાં આવ્યો હોઈ શકે છે. જેના કારણે આગની ઘટના બનવાની શક્યતા છે.
#WATCH | On the Nampally fire incident which has claimed 6 lives, DG (Fire Services) Nagi Reddy says, “The storage of chemicals in the building might have been done illegally….”
“Chemicals were stored in the stilt area of the building and the fire was caused due to these… pic.twitter.com/DfNoKw5cNh
— ANI (@ANI) November 13, 2023
શરૂઆતના તબક્કે તપાસ કરતાં જાણવા મળ્યું છે કે, શોર્ટ સર્કિટના કારણે આગ ફાટી નીકળી હતી. હાલ પોલીસે કેસ નોંધીને વધુ તપાસ હાથ ધરી છે. જો કે, સોમવારે વહેલી સવારે તેલંગાણાના હૈદરાબાદના શાલીબંદામાં એક ઇલેક્ટ્રોનિક શોરૂમમાં પણ આગ લાગી હતી. જો કે આ ઘટનામાં કોઈ જાનહાનિના થઈ ન હતી. 30 ફાયર ફાયટરો સાથે છ ફાયર એન્જિન ઘટનાસ્થળે મોકલવામાં આવ્યા હતા અને આગને કાબૂમાં લેવામાં આવી હતી.
આ પણ વાંચો: ચેન્નાઈના માયલાપુર સાંઈ બાબા મંદિરની છત પર આગ લાગી, આગથી અફરાતફરી
