પશ્ચિમ બંગાળમાં ચક્રવાતી તોફાનના લીધે 5નાં મૃત્યુ, PM મોદીએ સંવેદના વ્યક્ત કરી
કોલકાતા (પશ્ચિમ બંગાળ), 01 એપ્રિલ: પશ્ચિમ બંગાળમાં રવિવારે રાજ્યના જલપાઈગુડી જિલ્લાના ભાગોમાં આવેલા તોફાનના કારણે મૃત્યુઆંક વધીને પાંચ થઈ ગયો છે. આ તોફાનમાં 100થી વધુ લોકો ઘાયલ થયા છે. ભારે પવન અને કરા સાથે જિલ્લાના મુખ્ય મથકના મોટાભાગના વિસ્તારોમાં અને પડોશી મૈનાગુરીના ઘણા વિસ્તારોમાં ત્રાટક્યું હતું. જેના પરિણામે ઘણા ઝૂંપડાઓ અને ઘરોને નુકસાન થયું હતું, વૃક્ષો ઉખડી ગયા હતા અને વીજળીના થાંભલા પડી ભાંગ્યા છે.
#WATCH | West Bengal: Devastation in Jalpaiguri in the aftermath of the district hit by storms, yesterday. pic.twitter.com/keK3yuUPZs
— ANI (@ANI) April 1, 2024
સીએમ બેનર્જીએ તોફાનગ્રસ્ત વિસ્તારની મુલાકાત લીધી
મુખ્યમંત્રી મમતા બેનર્જીએ રવિવારે મોડી રાત્રે જિલ્લાની મુલાકાત લીધી હતી અને લોકોને વહીવટીતંત્ર તરફથી શક્ય તમામ મદદની ખાતરી આપી હતી. તેમણે કહ્યું, અત્યાર સુધી અમારી પાસે પાંચ મૃત્યુના અહેવાલ છે. ઘાયલોની સંખ્યા ઘણી વધારે છે. રાજ્ય પ્રશાસન અસરગ્રસ્ત પરિવારોને મદદ કરવા માટે શક્ય તેટલી મદદ કરશે. રાજારહાટ, બાર્નિશ, બકાલી, જોરપાકડી, માધબદંગા અને સપ્તીબારી જેવા વિસ્તારો વાવાઝોડાને કારણે સૌથી વધુ પ્રભાવિત થયા છે અને કેટલાક એકર વિસ્તારમાં ઉગાડવામાં આવેલા પાકને નુકસાન થયું છે.
પીએમ મોદીએ પણ સંવેદના વ્યક્ત કરી
My thoughts are with those affected by the storms in Jalpaiguri-Mainaguri areas of West Bengal. Condolences to those who have lost their loved ones.
Spoke to officials and asked them to ensure proper assistance to those impacted by the heavy rains.
I would also urge all…
— Narendra Modi (@narendramodi) March 31, 2024
PM નરેન્દ્ર મોદીએ જલપાઈગુડીમાં ચક્રવાતી તોફાન અને અસરગ્રસ્ત પરિવારોને લઈને સોશિયલ મીડિયા સાઈટ X પર નિવેદન આપ્યું હતું. તેમણે લખ્યું, પશ્ચિમ બંગાળના જલપાઈગુડી-મૈનાગુરી વિસ્તારોમાં તોફાનથી પ્રભાવિત લોકો સાથે મારી સંવેદના છે. જેમણે તેમના પ્રિયજનોને ગુમાવ્યા છે તેમના પ્રત્યે સંવેદના વ્યક્ત કરું છું. અધિકારીઓ સાથે વાત કરી અને ભારે વરસાદથી પ્રભાવિત લોકોને યોગ્ય સહાય સુનિશ્ચિત કરવા જણાવ્યું છે. હું દરેકને અને ભાજપ બંગાળના કાર્યકરોને પણ અસરગ્રસ્ત લોકોને મદદ કરવા વિનંતી કરું છું.
આ પણ વાંચો: મમતા બેનર્જીએ BJPને 200 સીટનો આંકડો પાર કરવાનો પડકાર ફેંક્યો
