જમીન ખરીદ-વેચાણનો 117 વર્ષ જૂનો કાયદો બદલાશે: જાણો રજિસ્ટ્રેશન પ્રોસેસ
નવી દિલ્હી, ૨૮ મે ૨૦૨૫: આ ડિજિટલ યુગમાં હવે મિલકત નોંધણી ઘરે બેઠા પણ કરી શકાશે. કેન્દ્ર સરકાર આ માટે કાયદો બનાવવાની તૈયાર કરી રહી છે. કેન્દ્ર સરકારે મિલકતની ઓનલાઈન નોંધણી ફરજિયાત બનાવવા અને દસ્તાવેજોની ડિજિટલ જાળવણી સુનિશ્ચિત કરવાના હેતુથી એક મહત્વપૂર્ણ બિલનો વિધેયક તૈયાર કર્યો છે. આ પ્રસ્તાવિત કાયદો 117 વર્ષ જૂના નોંધણી કાયદા(Registration Act)નું સ્થાન લેશે. ગ્રામીણ વિકાસ મંત્રાલય હેઠળના જમીન સંસાધન વિભાગે આ ડ્રાફ્ટ જાહેર અભિપ્રાય માટે બહાર પાડ્યો છે.
હાલમાં નોંધણી અધિનિયમ સમગ્ર દેશમાં લાગુ છે, પરંતુ રાજ્ય સરકારોને તેમાં સુધારો કરવાનો અધિકાર છે. જોકે, આ માટે કેન્દ્ર સાથે પરામર્શ જરૂરી છે. ઘણા રાજ્યોએ પહેલાથી જ કાયદામાં સુધારો કરીને ઓનલાઈન નોંધણીને મંજૂરી આપી દીધી છે. આને ધ્યાનમાં રાખીને, કેન્દ્રએ એક વ્યાપક કાયદો લાવવાનો નિર્ણય લીધો છે, જેનો અમલ સમગ્ર દેશમાં સમાન રીતે થઈ શકે છે. ડ્રાફ્ટ બિલ હેઠળ, વેચાણ કરાર, પાવર ઓફ એટર્ની, વેચાણ પ્રમાણપત્ર અને સમાન મોર્ટગેજ જેવા દસ્તાવેજોની નોંધણી હવે ફરજિયાત બનાવવામાં આવશે.
સરકાર આ બિલ દ્વારા ઇલેક્ટ્રોનિક નોંધણી પ્રમાણપત્રો અને રેકોર્ડ ડિજિટલ રીતે રાખવાની સિસ્ટમ દાખલ કરવા માંગે છે. જેમાં દસ્તાવેજો ઓનલાઈન સબમિટ કરવા અને સ્વીકારવાની સુવિધા પણ હશે. આ ઉપરાંત, છેતરપિંડી અટકાવવા માટે આધાર-આધારિત ચકાસણી સિસ્ટમનો પ્રસ્તાવ મૂકવામાં આવ્યો છે, જેમાં વ્યક્તિની સંમતિ જરૂરી રહેશે. જે લોકો તેમની આધાર માહિતી શેર કરવા માંગતા નથી તેમના માટે અન્ય વિકલ્પો પણ રહેશે.
જમીન ખરીદ-વેચાણના નવા કાયદાથી શું ફાયદો થશે?
– આ નવા કાયદા દ્વારા, મિલકત નોંધણીની પ્રક્રિયાને વધુ પારદર્શક, ઝડપી અને સુરક્ષિત બનાવી શકાશે.
– ઓનલાઈન નોંધણી અને ડિજિટલ રેકોર્ડ સમય અને મહેનત બચાવશે.
– આધાર ચકાસણી અને અન્ય વિકલ્પો છેતરપિંડીની શક્યતા ઘટાડશે.
– અન્ય એજન્સીઓ સાથે માહિતી શેર કરવાથી પ્રક્રિયા વધુ કાર્યક્ષમ બનશે.
– આ બિલ મિલકત સંબંધિત વ્યવહારોને સરળ અને વિશ્વસનીય બનાવશે.
આ પણ વાંચો : ઘોર કળિયુગ: ઈડરમાંથી આવ્યો હચમચાવી નાખતો કિસ્સો, પિતાએ તિક્ષ્ણ હથિયાર વડે દીકરાની હત્યા કરી
