દેશના 8 મુખ્ય શહેરોમાં 1.7 લાખ ઘરોનું વેચાણ, NCR એ અલ્ટ્રા લક્ઝરી સેગમેન્ટમાં મુંબઈને પાછળ છોડ્યું

અમદાવાદ, 03 જુલાઈ: વર્ષ 2025 ના પ્રથમ 6 મહિનામાં, દેશના ટોચના 8 શહેરોમાં કુલ 1,70,201 ઘરોનું વેચાણ થયું, જે ગયા વર્ષના પ્રથમ છ મહિના કરતા 2 ટકા ઓછું છે. નાઈટ ફ્રેન્ક ઈન્ડિયાના તાજેતરના અહેવાલમાં આ માહિતી પ્રકાશમાં આવી છે. જોકે, તાજેતરના આંકડા સતત ખરીદીને પ્રતિબિંબિત કરે છે. આ સમયગાળા દરમિયાન, મુંબઈમાં સૌથી વધુ 47,035 ઘરો વેચાયા, ત્યારબાદ દિલ્હી-NCRમાં 26,795 અને બેંગલુરુમાં 26,599 ઘરો વેચાયા. પ્રથમ છ મહિનામાં પ્રીમિયમ સેગમેન્ટના ઘરોનું વેચાણ મજબૂત રહ્યું, જેમાં રૂ. 1 કરોડથી વધુ કિંમતના ઘરોમાં વાર્ષિક ધોરણે 17% નો વધારો નોંધાયો.

કુલ વેચાણના 49 ટકા રૂ. 1 કરોડથી વધુ કિંમતના ઘરો છે
અહેવાલ મુજબ, મુંબઈ એકમોની સંખ્યાની દ્રષ્ટિએ સૌથી મોટું હાઉસિંગ બજાર રહ્યું, જેમાં વેચાણ વાર્ષિક ધોરણે સ્થિર રહ્યું. જ્યારે, NCRમાં 8% નો ઘટાડો નોંધાયો છે. કોલકાતામાં ઘરોના વેચાણમાં 11% નો ઘટાડો થયો છે. જ્યારે ચેન્નાઈ, 12% ના વધારા સાથે, એકમાત્ર શહેર હતું જ્યાં વેચાણમાં મોટો ઉછાળો જોવા મળ્યો છે. તે જ સમયે, અમદાવાદમાં 9370 ઘરો વેચાયા હતા, જે ગયા વર્ષની સરખામણીમાં લગભગ સ્થિર રહ્યા. નાઈટ ફ્રેન્કના ડેટા દર્શાવે છે કે કુલ ઘર વેચાણમાંથી 49 ટકા ઘર 1 કરોડ રૂપિયા અને તેનાથી વધુ કિંમતના હતા, જ્યારે 51 ટકા ઘર 1 કરોડ રૂપિયાથી ઓછી કિંમતના હતા.

અલ્ટ્રા-લક્ઝરી સેગમેન્ટમાં NCR મુંબઈથી આગળ નીકળી ગયું છે
નાઈટ ફ્રેન્ક ઈન્ડિયા દ્વારા 3 જુલાઈના રોજ બહાર પાડવામાં આવેલા એક અહેવાલમાં જણાવાયું છે કે 1 થી 5 કરોડ રૂપિયાની શ્રેણીમાં વેચાયેલા ઘરોની સૌથી વધુ સંખ્યા 75,042 હતી, ત્યારબાદ 50 લાખ રૂપિયાથી 1 કરોડ રૂપિયાની શ્રેણીમાં 48,972 ઘર અને 50 લાખ રૂપિયાથી ઓછી કિંમતના 37,796 ઘર વેચાયા હતા. NCR એ અલ્ટ્રા-લક્ઝરી સેગમેન્ટમાં સૌથી વધુ વેચાણ નોંધાવ્યું હતું, જેમાં 10 થી 20 કરોડ રૂપિયાની શ્રેણીમાં 1055 ઘર અને 50 કરોડ રૂપિયાથી વધુ કિંમતના 159 ઘર હતા. NCR એ આ સેગમેન્ટમાં મુંબઈને પણ પાછળ છોડી દીધું. અહેવાલમાં જણાવાયું છે કે મુંબઈમાં 20 થી 50 કરોડ રૂપિયાના શ્રેણીમાં 124 એકમો વેચાયા હતા.

ઝડપથી સમાચાર મેળવવા માટે જોઈન કરો અમારા વોટ્સઅપ ગ્રુપમાં
https://chat.whatsapp.com/FU8bgMOynfgJl4wCoEeiJw