Zwigato ફિલ્મનું Trailer રિલીઝ, કોમેડિયન બતાવશે ડિલિવરી બોયનો સંઘર્ષ
કોમેડી કિંગ અને ‘ધ કપિલ શર્મા શો’ના હોસ્ટ કપિલ શર્મા ટૂંક સમયમાં જ ફિલ્મ Zwigatoમાં મેઈન રોલ પ્લે કરતો જોવા મળશે. હંમેશા કોમેડી કરતો કપિલ તેની ઈમેજથી વિપરીત સિરીયસ રોલમાં જોવા મળશે. તમને જણાવી દઈએ કે કપિલ શર્મા આ ફિલ્મમાં ફૂડ ડિલિવરી બોય બન્યો છે, જેમાં તેનો અને તેના પરિવારનો સંઘર્ષ બતાવવામાં આવ્યો છે.
Zwigato ફિલ્મનું ટ્રેલર લોન્ચ
Zwigato ફિલ્મનું ટ્રેલર કપિલ શર્મા, ફિલ્મમાં તેની પત્નીની ભૂમિકા ભજવી રહેલી શહાના ગોસ્વામી અને ફિલ્મના નિર્દેશક નંદિતા દાસ દ્વારા મુંબઈના એક સિનેમા હૉલમાં સંયુક્ત રીતે લૉન્ચ કરવામાં આવ્યું હતું. જેને ફેન્સ તરફથી જોરદાર રિસ્પોન્સ મળી રહ્યો છે અને બધા કપિલની એક્ટિંગના વખાણ પણ કરી રહ્યા છે.
કપિલની આ ફિલ્મ દુનિયાભરના ઘણા ફિલ્મ ફેસ્ટિવલમાં બતાવવામાં આવી છે. હવે તે ભારતમાં મોટા પડદા પર 17 માર્ચે રિલીઝ થઈ રહી છે.
ફિલ્મમાં ડિલિવરી બોયનો સંઘર્ષ
કપિલ શર્મા ફિલ્મ ‘Zwigato’માં એક સામાન્ય વ્યક્તિની ભૂમિકા ભજવી રહ્યો છે. જે ફૂડ ડિલીવરી કરે છે. આ દરમિયાન તેને ઘણા સંઘર્ષનો પણ સામનો કરવો પડે છે. ફિલ્મના ટ્રેલર લોન્ચ સમયે ફિલ્મના હીરો કપિલે પોતાના સંઘર્ષના દિવસોને યાદ કર્યા હતા. તેણે ફિલ્મમાં એક સામાન્ય વ્યક્તિના પાત્ર માટે તેની તૈયારીઓ વિશે વાત કરી. કપિલે કહ્યું, ‘ફૂડ ડિલિવરી કરનારા લોકો પ્રત્યે દરેક વ્યક્તિએ સહાનુભૂતિ દર્શાવવી જોઈએ. આ સંદર્ભમાં, તેણે તેની પત્નીનો એક એપ દ્વારા કેક ઓર્ડર કરવાનો એક રસપ્રદ કિસ્સો પણ સંભળાવ્યો અને લોન્ચના અંતે, દરેકની રિકવેસ્ટ પર કપિલે કિશોર કુમારની ફિલ્મ ‘આંધી’ નું એક સરસ ગીત પણ સંભળાવ્યું.
KAPIL SHARMA – SHAHANA GOSWAMI: ‘ZWIGATO’ TRAILER OUT NOW… #KapilSharma and #ShahanaGoswami embark on a journey of hope, love, laughter and life in #Zwigato… Watch #KapilSharma portray a never-seen-before character… Written-directed by #NanditaDas… #ZwigatoTrailer: pic.twitter.com/DKYU5U8EHr
— taran adarsh (@taran_adarsh) March 1, 2023
