YouTube ક્રિએટર્સ માટે કંપનીએ લોન્ચ કર્યું નવું ફીચર, હવે વધુ પૈસા કમાઈ શકશે

23 ડિસેમ્બર, 2023: કંપનીએ પોડકાસ્ટ ક્રિએટર્સ માટે ગૂગલના વીડિયો સ્ટ્રીમિંગ પ્લેટફોર્મ YouTube પર એક નવું ફીચર ઉમેર્યું છે. જેમાં ક્રિએટર્સ હવે તેમના પોડકાસ્ટ સરળતાથી અપલોડ કરી શકશે. કંપની યુટ્યુબ સ્ટુડિયોની અંદર પોડકાસ્ટ વિડીયો શેર કરવા માટે એક નવો વિકલ્પ આપી રહી છે, જેના હેઠળ ક્રિએટર્સ તેને યુટ્યુબ તેમજ યુટ્યુબ મ્યુઝિક પર શેર કરી શકશે. પોડકાસ્ટર્સ પણ YouTube મ્યુઝિક હોમપેજ પર પોડકાસ્ટ વિકલ્પનો લાભ લઈ શકે છે.

યુઝર્સ યુટ્યુબ મ્યુઝિક પર ઑન-ડિમાન્ડ, ઑફલાઇન અને બેકગ્રાઉન્ડમાં પોડકાસ્ટ સાંભળી શકશે. આ સાથે, ક્રિએટર્સને જાહેરાતો અને સબ્સ્ક્રિપ્શન્સમાંથી વધુ પૈસા મળશે અને તેમની આવકમાં વધારો થશે.

તમે આ રીતે પણ YouTube પર પૈસા કમાઈ શકો છો

YouTube પર પૈસા કમાવવાની માત્ર એક જ રીત નથી, પરંતુ કંપની લાઇવ સ્ટ્રીમ દરમિયાન ફેન ફંડિગ અથવા સુપર ચેટ સહિત ક્રિએટર્સને ઘણા વિકલ્પો પ્રોવાઈડ કરે છે. કંપનીએ કહ્યું કે ડિસેમ્બર 2022 સુધીમાં, ફેન ફંડિંગ દ્વારા પૈસા કમાતી ચેનલોની સંખ્યામાં ગયા વર્ષની સરખામણીમાં 10% વધારો થયો છે અને આ ચેનલોની મોટાભાગની કમાણી ફેન ફંડિંગ દ્વારા થઈ છે. તેના ક્રિએટર્સ બ્રાન્ડ પ્રમોશન, ડીલ્સ વગેરેમાંથી પણ સારી કમાણી કરી શકે છે. તમે તમારી YouTube ચેનલમાંથી કેટલી કમાણી કરો છો તે તમારી ચેનલ પર ચાલી રહેલી જાહેરાતો પર આધારિત છે.

બ્રાન્ડ કન્ટેન્ટ

થોડા સમય પહેલા, YouTube એ બ્રાન્ડેડ કન્ટેન્ટની પણ શરૂ કર્યું છે જે હાલમાં ભારતમાં કેટલાક ક્રિએટર્સ અને એ઼ડવટાઈઝર્સ પાસે ઉપલબ્ધ છે. બ્રાન્ડ કન્ટેન્ટ હેઠળ, કંપની બંનેને સરળતાથી જોડવાનું કામ કરે છે જેથી સરળ કાર્યને પ્રોત્સાહન મળે. અહીંથી, ક્રિએટર્સ અને એડવટાઈઝર્સ સરળતાથી એકબીજા સાથે જોડાઈ શકે છે અને કંપની તેની પ્રોડક્ટ માટે યોગ્ય ક્રિએટર્સને શોધી શકે છે.