વીડિયો: આજે યમરાજને પણ જોઈ લીધા! એક વ્યક્તિ પાડો લઈને નીકળ્યો ચા પીવા

HD ન્યૂઝ, 14 માર્ચ :  ઇન્સ્ટાગ્રામ એકાઉન્ટ @bull_rider_077 પર એક વ્યક્તિ વારંવાર તેના વીડિયો પોસ્ટ કરે છે, જેમાં તે તેના પાડા પર બેસીને રસ્તા પર મુસાફરી કરતો જોવા મળે છે. નવાઈની વાત તો એ છે કે તે રસ્તા પર મુક્તપણે ફરે છે, ન તો તેને શરમ આવે છે કે ન તો તે પ્રાણીથી ડરે છે. તે નિર્ભયતાથી અને આનંદથી પાડા પર સવારી કરતો જોવા મળે છે. તેના તમામ વીડિયો ખુબ વાયરલ થયા છે. હાલમાં જ તેણે વધુ એક વીડિયો પોસ્ટ કર્યો છે.

ભારતમાં ઘણા લોકો પ્રાણી પ્રેમી છે. તેને માત્ર કૂતરા અને બિલાડીઓ જ નહીં પણ ગાય, ભેંસ અને પક્ષીઓ પણ ગમે છે. પરંતુ એક વ્યક્તિએ કંઈક અદ્ભુત કર્યું, તે તેના પાડા સાથે ચા પીવા ગયો, ચા પીધા પછી તેણે શું કર્યું તે જોઈને લોકો આશ્ચર્યચકિત થઈ ગયા અને કહ્યું કે, તેણે ખરેખર યમરાજને જોયા છે. આ વ્યક્તિનો વીડિયો સોશિયલ મીડિયા પર ખૂબજ વાયરલ થઈ રહ્યો છે.

વ્યક્તિ પાડા પર સવારી કરીને ફરતો જોવા મળ્યો 

 

View this post on Instagram

 

A post shared by Bull Rider (@bull_rider_077)

આ વીડિયોમાં તે પોતાના પાડા સાથે બજારમાં ગયો છે. આ વ્યક્તિ ખૂબ જ સ્માર્ટ રીતે તૈયાર થયો છે, અને તેણે તેના પાડાને પણ સારી રીતે તૈયાર કર્યો છે. તે એક દુકાન પર રોકાઈને ચા પીવે છે. તે પછી તે પાડાને રસ્તા પર લઈ જાય છે અને તેના પર કૂદકો મારીને ચઢી જાય છે. પછી તે પાડાને રસ્તા પર ચલાવવાનું શરૂ કરે છે. વીડિયોમાં દેખાતા ત્યાંથી પસાર થતા તમામ લોકો આશ્ચર્યની નજરે તે માણસને જોઈ રહ્યા છે. તે ગર્વથી પાડાની સવારી કરે છે. તેણે વીડિયોની સાથે બેકગ્રાઉન્ડમાં સલમાન ખાનનું પ્રખ્યાત ગીત ‘મેરે રંગ મેં…’ ઉમેર્યું છે, જે આ વીડિયોને વધુ મજેદાર બનાવી રહ્યું છે.

વાયરલવ વીડિયો પર લોકોના પ્રતિભાવ 

આ વીડિયોને 1 કરોડથી વધુ વ્યૂઝ મળ્યા છે જ્યારે ઘણા લોકોએ કોમેન્ટ કરીને પોતાનો પ્રતિભાવ પણ આપ્યો છે. એકે કહ્યું- ‘મેં યમરાજને જોયા છે!’ એકે કહ્યું કે હવે છોકરીઓના સપનાનો રાજકુમાર ઘોડા પર નહીં પણ પાડા પર બેસીને આવશે. એકે કહ્યું કે લાઈક્સ અને વ્યુઝ માટે આ રીતે પ્રાણીને હેરાન ન કરવું જોઈએ. એકે કહ્યું કે આ હરકત શરમજનક છે.

આ પણ વાંચો : રામલલાના દર્શન માટે મંદિર ટ્રસ્ટ દ્વારા એડવાઈઝરી જારી