યામી ગૌતમને ત્યાં પારણું બંધાયું, પુત્રને આપ્યું વિશિષ્ટ નામ!
- બોલિવૂડની સુંદર અભિનેત્રી યામી ગૌતમ બની માતા
- યામી ગૌતમે અક્ષય તૃતીયાના દિવસે આપ્યો પુત્રને જન્મ
- યામીનાં પુત્રનું નામ વેદ પરથી
મુંબઈ, 20 મે:બોલિવૂડની સુંદર અભિનેત્રી યામી ગૌતમ માતા બની ગઈ છે. અભિનેત્રીએ પુત્રને જન્મ આપ્યો છે. યામી ગૌતમે આ વર્ષની શરૂઆતમાં પતિ આદિત્ય ધર સાથે તેની પ્રથમ ગર્ભાવસ્થાની જાહેરાત કરી હતી અને હવે દંપતીએ પુત્રના જન્મના સમાચારથી ચાહકોને ખુશ કરી દીધા છે. યામી ગૌતમે તેના સોશિયલ મીડિયા હેન્ડલ દ્વારા ચાહકો સાથે આ સારા સમાચાર શેર કર્યા છે. યામીએ ઈન્સ્ટાગ્રામ પર સત્તાવાર જાહેરાત કરી હતી કે તેણે પુત્રને જન્મ આપ્યો છે. આ સાથે યામીએ પોતાના પુત્રનું નામ પણ જાહેર કર્યું છે.
યામી-આદિત્ય પેરેન્ટ ક્લબમાં જોડાયા
યામી અને તેના દિગ્દર્શક પતિ આદિત્ય ધર પેરેન્ટ ક્લબમાં જોડાયા બાદ ખૂબ જ ખુશ છે. આદિત્ય ધરે પણ આ અંગે એક પોસ્ટ કરી છે, જેમાં તેમણે જણાવ્યું છે કે તેમના પુત્રનો જન્મ અક્ષય તૃતીયાના દિવસે થયો હતો. જો આ દ્રષ્ટિકોણથી જોવામાં આવે તો, દંપતીએ 10 મેના રોજ તેમના પુત્રનું આ દુનિયામાં સ્વાગત કર્યું.
યામી-આદિત્યના પુત્રનું નામ
આદિત્ય અને યામીએ તેમની પોસ્ટમાં તેમના પુત્રનું નામ પણ જણાવ્યું છે. દંપતીએ ઇન્સ્ટાગ્રામ પર ખૂબ જ સુંદર તસવીર સાથે તેમના પુત્રનું નામ જાહેર કર્યું છે. આદિત્ય-યામીએ તેમના નાના પુત્રનું નામ વેદ પરથી રાખ્યું છે. દંપતીએ નવા મહેમાનનું નામ “વેદવિદ” રાખ્યું છે. આ એક સંસ્કૃત નામ છે, જે વેદ અને વિદને જોડીને બનાવવામાં આવ્યું છે
View this post on Instagram
પુત્ર માટે લખેલી પોસ્ટ
પોસ્ટ શેર કરતી વખતે, યામીએ કેપ્શનમાં લખ્યું – ‘અમે સૂર્યા હોસ્પિટલના અસાધારણ રૂપથી સમર્પિત અને અદ્ભુત તબીબી વ્યાવસાયિકો, ખાસ કરીને ડૉ. ભૂપેન્દ્ર અવસ્થી અને ડૉ. રંજના ધનુનો આભાર વ્યક્ત કરવા માંગીએ છીએ, જેમની કુશળતા અને અથાક પ્રયાસોએ આ ખુશીની પળોને સંભવ બનાવી છે. અમે આ માતા-પિતા બનવાની સુંદર સફર શરૂ કરીએ છીએ, અમે અમારા પુત્રના ઉજ્જવળ ભવિષ્યની આતુરતાથી રાહ જોઈ રહ્યા છીએ. તેની દરેક સિદ્ધિ સાથે, અમને આશા અને વિશ્વાસ છે કે તે અમારા સમગ્ર પરિવાર તેમજ અમારા પ્રિય દેશ માટે ગૌરવનું પ્રતીક બનશે.
