યમદૂત બની આવ્યું ડમ્પર ! બેફામ ડમ્પર ચાલકે કચડતા ત્રણના ઘટના સ્થળે જ મોત

સુરતમાં શહેરના કામરેજના વિહાનથી ટીમ્બા ગામ તરફ જતા રસ્તા પર અકસ્માતની સર્જાયો હતો. જેમાં એક ડમ્પર ચાલકે ત્રણ લોકોના ભોગ લીધા છે. અકસ્માત બાદ ડમ્પરમાં આગ ફાટી નિકળી હતી. જેના પગલે ફાયરનો કાફલો ઘટના સ્થળે આવી પહોંચ્યો હતો. પાણીનો મારો ચલાવી આગ પર કાબૂ મેળવ્યો હતો.

સુરતમાં બેફામ ડમ્પર ચાલકે લીધો ત્રણનો ભોગ

સુરતમાં ફરી એકવાર દર્દનાક અકસ્માતની ઘટના સામે આવી છે. જેમાં બેફામ ડમ્પર ચાલકે ત્રણ લોકોના જીવ લીધા છે. મળતી માહિતી મુજબ સુરતના કામરેજના વિહાનથી ટીમ્બા ગામ તરફ જતા રસ્તા પર આજે ગમખ્વાર અકસ્માત સર્જાયો હતો. ડમ્પર ચાલકે ત્રણ લોકોને કચડી નાખતા તેમના ઘટના સ્થળે જ કમકમાટી ભર્યા મોત નિપજ્યા હતા.

અકસ્માત બાદ ડમ્પરમાં આગ લાગી

અકસ્માત સર્જાયા બાદ ડમ્પર ખસેડતા સમયે અચાનક આગ લાગી હતી. આ અંગે ફાયર વિભાગને જાણ કરતા ફાયર વિભાગની ટીમ તાત્કાલિક ઘટના સ્થળે આવી પહોંચી હતી. અને પાણીનો મારો ચલાવી આગ પર કાબુ મેળવ્યો હતો. તેમજ અકસ્માતને પગલે કામરેજ પોલીસની ટીમ પણ ઘટના સ્થળે આવી પહોંચી હતી. અને મૃતકોના મૃતદેહને પોસ્ટમોર્ટમ અર્થે મોકલી આ મામલે વધું તપાસ હાથ ધરી હતી.

 આ પણ વાંચો : અમરેલીમાં સસ્તા અનાજની દુકાનમાંથી સાત હજાર કિલો અનાજનો શંકાસ્પદ જથ્થો ઝડપાયો