WPL 2025: મુંબઈ ઈંડિયન્સ બીજી વાર ચેમ્પિયન્સ બની, દિલ્હી કેપિટલ્સનું ટ્રોફી જીતવાનું સપનું રોળાયું

WPL 2025 Final: WPL 2025 Final: મુંબઈ ઈંડિયન્સે દિલ્હી કેપિટલ્સનું ખિતાબ જીતવાનું સપનું ચકનાચૂર કરી નાખ્યું છે. મુંબઈ ઈંડિયન્સે વૂમેન્સ પ્રીમિયર લીગ 2025ની રોમાંચક ફાઈનલમાં દિલ્હી કેપિટલ્સને 8 રને હરાવીને બીજી વાર WPLમાં ટ્રોફી જીતી છે. આ અગાઉ મુંબઈની ટીમ વર્ષ 2023માં પહેલી સીઝનની ચેમ્પિયન બની હતી. મુંબઈ ઈંડિયન્સના કપ્તાન હરમનપ્રીત કૌરની કપ્તાની ઈનિંગ્સના દમ પર દિલ્હીની ટીમને માત આપી. તેની સાથે જ દિલ્હી કેપિટલ્સ ફરી એક વાર ચેમ્પિયન બની શકી નહીં. દિલ્હીની ટીમ સતત ત્રીજી વાર WPLની ફાઈનલમાં પહોંચી હતી, પણ આ વખતે પણ તેઓ ફાઈનલમાં જીતી શક્યા નહીં. અત્યાર સુધી WPLVR 3 સીઝન રમાઈ ગઈ, જેમાં મુંબઈ સૌથી વધારે 2 ખિતાબ જીતનારી ટીમ બની છે. ગત વર્ષે RCBની ટીમે પહેલી વાર ખિતાબ જીત્યો હતો.

મુંબઈએ 150 રનનો લક્ષ્યાંક આપ્યો

ફાઇનલમાં ટોસ જીત્યા બાદ, દિલ્હી કેપિટલ્સે પ્રથમ બોલિંગ કરવાનો નિર્ણય લીધો. પ્રથમ બેટિંગ કરતા, મુંબઈ ઈન્ડિયન્સે હરમનપ્રીત કૌરની શાનદાર અડધી સદીની મદદથી 20 ઓવરમાં 7 વિકેટે 149 રનનો સન્માનજનક સ્કોર બનાવ્યો હતો. હરમનપ્રીતે 44 બોલમાં 9 ચોગ્ગા અને 2 છગ્ગાની મદદથી 66 રનનો સર્વોચ્ચ સ્કોર બનાવ્યો હતો. તે જ સમયે, નેટ સાયવર બ્રન્ટે 30 રનનું યોગદાન આપ્યું હતું. આ ઇનિંગ દરમિયાન, નેટ સાયવર WPL ઇતિહાસમાં 1000 રન પૂર્ણ કરનારી વિશ્વની પ્રથમ બેટર બની ગઈ હતી.

દિલ્હીના બેટ્સમેનોએ નિરાશ કર્યા

દિલ્હી કેપિટલ્સ માટે બોલિંગ કરતા, મેરિઝેન કાપે મુંબઈ ઇન્ડિયન્સના બંને ઓપનરોની વિકેટ લીધી. તેમના સિવાય જેસ જોનાસેન અને શ્રી ચારાનીએ બે-બે વિકેટ લીધી, જ્યારે એનાબેલ સધરલેન્ડે એક વિકેટ લીધી હતી. મુંબઈ ઈન્ડિયન્સના સ્કોરનો પીછો કરતી વખતે દિલ્હી કેપિટલ્સની શરૂઆત ખૂબ જ ખરાબ રહી. ઓપનર મેગ લેનિંગ અને શેફાલી વર્મા માત્ર 17 રન બનાવીને પેવેલિયન પરત ફર્યા હતા. આ પછી પણ બહાર નીકળવાનો ક્રમ ચાલુ રહ્યો. જેમિમાએ ટકવાનો પ્રયાસ કર્યો પણ 30 રન બનાવીને આઉટ થઈ ગઈ. અડધી ટીમ ૧૦.૪ ઓવરમાં ૬૬ રન પર પેવેલિયન પાછી ફરી હતી.

માર્ઝન કાપની ઇનિંગ્સ નકામી ગઈ

સારાહ બ્રાયસ 13મી ઓવરમાં રન આઉટ થઈને પેવેલિયન પરત ફર્યા. આ સાથે, દિલ્હીને છઠ્ઠો ઝટકો લાગ્યો. આ પછી, મારિજેન કાપે વિસ્ફોટક બેટિંગ કરીને જીતની આશા જગાવી, પરંતુ નેટ સિવર-બ્રન્ટે 18મી ઓવરમાં સતત બે વિકેટો લઈને મુંબઈની જીત સુનિશ્ચિત કરી. કપે 26 બોલમાં 40 રનની ઇનિંગ રમી. શિખા પાંડે શૂન્ય રને પેવેલિયન પરત ફરી હતી. 20 ઓવરમાં, દિલ્હીની ટીમ 9 વિકેટ ગુમાવ્યા બાદ માત્ર 141 રન જ બનાવી શકી. નેટ સાયવર બ્રન્ટે સૌથી વધુ 3 વિકેટ લીધી.

આ પણ વાંચો: માર્ચમાં ક્યારે ઉજવાશે રંગપંચમી? જાણો તારીખ અને શુભ મુહૂર્ત