સંયુક્ત રાષ્ટ્રમાં પ્રથમ વખત વિશ્વ ધ્યાન દિવસની ઉજવણી, શ્રી શ્રી રવિશંકરે કર્યું સંબોધન

• ન્યુયોર્કમાં સંયુક્ત રાષ્ટ્રના મુખ્યાલય ખાતે પ્રથમ વિશ્વ ધ્યાન દિવસના અવસરે ‘મેડિટેશન ફોર ગ્લોબલ પીસ એન્ડ હાર્મની’નું આયોજન કરવામાં આવ્યું

ન્યુયોર્ક, 21 ડિસેમ્બર: સંયુક્ત રાષ્ટ્રમાં પ્રથમ વખત આજે શનિવારે વિશ્વ ધ્યાન દિવસની ઉજવણી કરવામાં આવી છે. ભારતના કાયમી મિશન દ્વારા ન્યુયોર્કમાં સંયુક્ત રાષ્ટ્રના મુખ્યાલય ખાતે પ્રથમ વિશ્વ ધ્યાન દિવસના અવસરે ‘મેડિટેશન ફોર ગ્લોબલ પીસ એન્ડ હાર્મની’નું આયોજન કરવામાં આવ્યું હતું. આ ઐતિહાસિક કાર્યક્રમમાં મહાસભાના પ્રમુખ ફિલેમોન યાંગ, અન્ડર સેક્રેટરી જનરલ અતુલ ખરે અને અન્ય ઘણા અધિકારીઓ હાજર રહ્યા હતા. આ પ્રસંગે મુખ્ય વક્તવ્ય આધ્યાત્મિક નેતા શ્રી શ્રી રવિશંકરે આપ્યું હતું. શ્રી શ્રી રવિશંકરે ઇવેન્ટ દરમિયાન 600થી વધુ ઉત્સાહી સહભાગીઓને વિશેષ ધ્યાન સત્ર પણ આપ્યું હતું. આધ્યાત્મિક નેતા શ્રી શ્રી રવિશંકરે સહભાગીઓ સાથે આના ફાયદાઓની ચર્ચા કરી હતી.

Gave the keynote address at the launch of the 1st World Meditation Day at @UN Headquarters, facilitated by Permanent Representative of India @AmbHarishP in the presence of @UN_PGA H.E. Philemon Yang, USG Atul Khare @UN_OpSupport, senior UN officials, PRs, members of the… pic.twitter.com/brwyMBzWXd

— Gurudev Sri Sri Ravi Shankar (@Gurudev) December 21, 2024

‘ધ્યાન એ આંતરિક શાંતિનું સાધન’

સંયુક્ત રાષ્ટ્રમાં ભારતના સ્થાયી પ્રતિનિધિ રાજદૂત પાર્વથાનેની હરીશે વેલકમ સ્પીચ આપી હતી. આ સમય દરમિયાન તેમણે ધ્યાનની પ્રાચીન ભારતીય પ્રથાના મહત્ત્વને વ્યક્તિગત પરિપૂર્ણતા અને આંતરિક શાંતિના સાધન તરીકે રેખાંકિત કરી, જે ‘વસુધૈવ કુટુંબકમ: સમગ્ર વિશ્વ એક પરિવાર છે’ના સંસ્કૃતિના સિદ્ધાંત પર આધારિત છે. તેમણે કહ્યું કે, વિશ્વ ધ્યાન દિવસ પર સંયુક્ત રાષ્ટ્ર મહાસભાના ઠરાવમાં યોગ અને ધ્યાન વચ્ચેના સંબંધને આરોગ્ય અને સુખાકારીના પૂરક અભિગમ તરીકે સ્વીકારવામાં આવ્યો છે.

‘કરુણા અને આદર કેળવે છે ધ્યાન’

જનરલ એસેમ્બલીના પ્રમુખ ફિલેમોન યાંગે કહ્યું કે, ધ્યાન લોકો પ્રત્યે કરુણા અને આદર કેળવે છે. આ પ્રસંગે બોલતા, અન્ડર-સેક્રેટરી-જનરલ અતુલ ખરેએ માનસિક સ્વાસ્થ્ય અને ધ્યાન વચ્ચેના સહજ જોડાણ અને UN શાંતિ રક્ષકો પર ધ્યાનની ઊંડી અસર પર ભાર મૂક્યો હતો. ગુરુદેવ શ્રી શ્રી રવિશંકરે તેમના મુખ્ય વક્તવ્યમાં ધ્યાન સાથે સંકળાયેલા ઘણા ફાયદા અને પરિમાણો પર ભાર મૂક્યો હતો.

21મી ડિસેમ્બર એટલે વિશ્વ ધ્યાન દિવસ 

મહત્ત્વપૂર્ણ છે કે, 6 ડિસેમ્બર, 2024ના રોજ સંયુક્ત રાષ્ટ્ર મહાસભાએ સર્વસંમતિથી 21 ડિસેમ્બરને વિશ્વ ધ્યાન દિવસ તરીકે જાહેર કરતો ઠરાવ પસાર કર્યો હતો. આ ઠરાવને સર્વસંમતિથી અપનાવવામાં ભારતે મહત્ત્વની ભૂમિકા ભજવી હતી. ઠરાવને અપનાવવાથી વિશ્વ જ્યારે સંઘર્ષ અને દુઃખનો અનુભવ કરી રહ્યું છે ત્યારે શાંતિ, સુલેહ અને સમગ્ર માનવ સુખાકારીને પ્રોત્સાહન આપવાના મહત્ત્વ પર પ્રકાશ પાડે છે. તે ધ્યાનની પરિવર્તનશીલ સંભાવનાની વૈશ્વિક માન્યતામાં એક મહત્ત્વપૂર્ણ સીમાચિહ્નરૂપ પણ છે.

#WATCH | Spiritual guru Sri Sri Ravi Shankar delivers a keynote address at the inaugural session of the first-ever World Meditation Day at the United Nations headquarters, in New York.

He says “Today, meditation is not a luxury as it was thought, but it is a necessity. I would… pic.twitter.com/dhRaYXmuRm

— ANI (@ANI) December 21, 2024

આ વર્ષનો સૌથી શુભ સમય છે

21મી ડિસેમ્બરે શિયાળુ સંક્રાંતિ હોય છે. ભારતીય પરંપરામાં, ઉત્તરાયણની શરૂઆત શિયાળુ સંક્રાંતિથી થાય છે. તેને વર્ષનો સૌથી શુભ સમય માનવામાં આવે છે. તે ખાસ કરીને ધ્યાન અને આંતરિક ચિંતન માટે શુભ છે. તે 21 જૂનના રોજ આંતરરાષ્ટ્રીય યોગ દિવસના બરાબર છ મહિના પછી આવે છે, જે ઉનાળુ સંક્રાંતિ છે.

આ પણ જૂઓ: વિશ્વ ધ્યાન દિવસ-2024: ગુજરાત યુનિવર્સિટીના સેનેટ હોલમાં મુખ્ય કાર્યક્રમનું આયોજન