વર્લ્ડ ચેમ્પિયન મેરી કોમે નિવૃત્તિ અંગે કરી સ્પષ્ટતા, કહ્યું : હજુ સન્યાસ લીધો નથી

• મેં નિવૃત્તિ લીધી નથી, મારી વાત ખોટી રીતે રજૂ કરવામાં આવી, નિવૃત્તિ જાહેર કરીશ ત્યારે જણાવીશ : મેરી કોમ 

નવી દિલ્હી, 25 જાન્યુઆરી: છ વખતની વર્લ્ડ ચેમ્પિયન અને 2012ની ઓલિમ્પિક મેડલ વિજેતા મેરી કોમે બોક્સિંગમાંથી નિવૃત્તિ લીધી હોવાના અહેવાલો પ્રસિદ્ધ થયાં બાદ આ અંગે  તેણીએ સ્પષ્ટતા કરી છે. મેરી કોમે જણાવ્યું છે કે, ” મેં નિવૃત્તિ લીધી નથી. મારી વાત ખોટી રીતે રજૂ કરવામાં આવી છે. જ્યારે પણ હું મારી નિવૃત્તિની જાહેરાત કરીશ ત્યારે મીડિયાની સામે આવીશ. મેં કેટલાક મીડિયા રિપોર્ટ્સ જોયા છે જેમાં કહેવામાં આવ્યું છે કે મેં મારી નિવૃત્તિની જાહેરાત કરી છે અને તે સાચું નથી. મેં 24 જાન્યુઆરી 2024ના રોજ ડિબ્રુગઢમાં એક શાળાના કાર્યક્રમમાં ભાગ લીધો હતો, જેમાં હું બાળકોને પ્રોત્સાહિત કરવા મેં કહ્યું હતું કે મને હજી પણ રમતગમતમાં આગળ વધવાની ઈચ્છા છે, પરંતુ ઓલિમ્પિકમાં વય મર્યાદા મને ભાગ લેવાની મંજૂરી આપતી નથી. હું રમતગમતને આગળ લઈ જવા માંગુ છું. હું હજી પણ મારી ફિટનેસ પર ધ્યાન આપી રહી છું અને જ્યારે પણ હું મારી નિવૃત્તિની જાહેરાત કરીશ ત્યારે બધાને જાણ કરીશ.

VIDEO | "I can't participate in any competition due to age restrictions. I want to play, and I can play for the next five years easily. I still have that hunger. I am so sorry, but I will have to take retirement under compulsion," said Olympic bronze-medallist and six-time boxing… pic.twitter.com/inGAIReXKA

— Press Trust of India (@PTI_News) January 25, 2024

Boxing champion Mary Kom says, "I haven’t announced retirement yet and I have been misquoted. I will personally come in front of media whenever I want to announce it. I have gone through some media reports stating that I have announced retirement and this is not true. I was… pic.twitter.com/VxAcFsq44v

— ANI (@ANI) January 25, 2024

વર્ષ 2018માં, મણિપુર સરકારે મેરી કોમને તેમના અસાધારણ પ્રદર્શન માટે ‘મીથોઈ લીમા’ ના બિરુદથી સન્માનિત કર્યા હતા. તેમને પદ્મ ભૂષણ, પદ્મશ્રી, અર્જુન એવોર્ડ અને અન્ય ઘણા પુરસ્કારોથી પણ સન્માનિત કરવામાં આવ્યા છે. તેમના જીવન પર આધારિત હિન્દી બાયોપિક ફિલ્મ ‘મેરી કોમ’ 2014માં રિલીઝ થઈ હતી, જેમાં પ્રિયંકા ચોપરાએ મેરી કોમનું પાત્ર ભજવ્યું હતું.

તેમણે 2012 લંડન ઓલિમ્પિક ગેમ્સમાં ફ્લાયવેટ 51 કિગ્રા વર્ગમાં બ્રોન્ઝ મેડલ જીત્યો હતો. 2014માં દક્ષિણ કોરિયાના ઇંચિયોનમાં એશિયન ગેમ્સમાં ગોલ્ડ મેડલ જીતનારી તે પ્રથમ ભારતીય મહિલા બોક્સર અને 2018 કોમનવેલ્થ ગેમ્સમાં ગોલ્ડ જીતનાર પ્રથમ ભારતીય મહિલા બોક્સર બની હતી.

ત્રીજા બાળકને જન્મ આપ્યા બાદ આ ખિતાબ જીત્યો

2012 ઓલિમ્પિક મેડલ જીત્યા બાદ, મેરી કોમે તેના ત્રીજા બાળકને જન્મ આપ્યો, જે પછી તે ફરી એકવાર બ્રેક પર ગઈ. આ પછી તેણીએ પુનરાગમન કર્યું, પરંતુ દિલ્હીમાં આયોજિત 2018 વર્લ્ડ ચેમ્પિયનશિપમાં યુક્રેનની હેના ઓખોટા સામે 5-0થી વિજય નોંધાવ્યો. એક વર્ષ પછી, તેણીએ તેણીનો આઠમો વર્લ્ડ કપ મેડલ જીત્યો, જે કોઈપણ પુરુષ અથવા સ્ત્રી બોક્સર દ્વારા મેળવેલા સૌથી વધુ મેડલ છે.

આ પણ જુઓ :ભારત અને ઈંગ્લેન્ડની પ્રથમ ટેસ્ટ મેચ કેટલા વાગે શરુ થશે? ક્યાં જોઈ શકાશે લાઈવ?