ટ્રેન્ડિંગલાઈફસ્ટાઈલહેલ્થ
30 પ્લસની મહિલાઓએ ખાસ ખાવી જોઈએ આ પાંચ વસ્તુઓ
- મહિલાઓએ 30 વર્ષની ઉંમર બાદ પોષક તત્વોથી ભરપૂર ખોરાક ખાવો જોઈએ, જેથી તેઓ લાંબા સમય સુધી ફિટ અને સ્વસ્થ રહી શકે
HD ન્યુઝ ડેસ્કઃ 30 વર્ષની ઉંમર પછી સ્ત્રીઓના શરીરમાં ઘણા પ્રકારના હોર્મોનલ ચેન્જીસ આવવા લાગે છે. આ ઉંમરે હાડકાં નબળા પડવા લાગે છે. તે તમારી ત્વચા અને વાળના સ્વાસ્થ્ય પર પણ અસર કરી શકે છે . આવી સ્થિતિમાં યોગ્ય આહાર ખૂબ જ મહત્ત્વનો છે. તેથી આ ઉંમરે મહિલાઓએ પોષક તત્વોથી ભરપૂર ખોરાક ખાવો જોઈએ, જેથી તેઓ લાંબા સમય સુધી ફિટ અને સ્વસ્થ રહી શકે.
અખરોટ અને બદામ
- અખરોટ અને બદામમાં કેલ્શિયમ અને મેગ્નેશિયમ હોય છે.
- અખરોટ અને બદામ હાડકાંને મજબૂત બનાવવા માટે સારા છે.
- દરરોજ સવારે પલાળેલા બદામ અને અખરોટ ખાઓ.
દહીં અથવા છાશ
- તેમાં કેલ્શિયમ અને વિટામિન ડી ભરપૂર માત્રામાં હોય છે. જે હાડકાંને મજબૂત બનાવે છે.
- તે ત્વચા અને વાળ માટે ફાયદાકારક છે. કારણ કે તેમાં પ્રોટીન અને સ્વસ્થ બેક્ટેરિયા હોય છે.
- દરરોજ બપોરના ભોજન કે રાત્રિભોજન સાથે છાશ પીવો અથવા દહીંનું સેવન કરો.
લીલા પાંદડાવાળા શાકભાજી
- પાલક, મેથી અને અન્ય લીલા પાંદડાવાળા શાકભાજી સ્ત્રીઓ માટે ખૂબ જ ફાયદાકારક છે.
- તેને શાકભાજી, સૂપ અથવા જ્યુસ તરીકે લો.
- તમે તેને સલાડ કે પરાઠામાં મિક્સ કરીને ખાઈ શકો છો.
ચિયા અથવા અળસીના બીજ
- હોર્મોન્સ સંતુલિત કરવામાં મદદરૂપ હોય છે. અનિયમિત માસિક ધર્મ અને મેનોપોઝ દરમિયાન તેને ખાવા ફાયદાકારક છે.
- વજન ઘટાડવામાં મદદ કરે છે. કારણ કે તેમાં ફાઇબર ભરપૂર માત્રામાં હોય છે.
- તેને પાણીમાં પલાળી રાખો અને સવારે ખાલી પેટે પીવો.
નારંગી અને બીટરૂટ
- રક્ત પરિભ્રમણ વધારે છે, તેનાથી ત્વચા અને વાળના સ્વાસ્થ્યમાં સુધારો થાય છે.
- તે એનર્જી લેવલ વધારે છે, લેડીઝ માટે પિરિયડ્સમાં ફાયદાકારક છે.
- તમે નારંગી અથવા બીટનો રસ પી શકો છો.
આ પણ વાંચોઃ શું તમારા દાંત પીળા છે? તો આ ઉપાય અજમાવો
