ટ્રાફિક વચ્ચે રોડ પર ઓપન કારમાં યુવતીએ કર્યો ડાન્સ, જૂઓ વીડિયો
નવી દિલ્હી, 08 જાન્યુઆરી: ટ્રાફિક વચ્ચે રોડ પર ખુલ્લી કારની સીટ પર ઊભી રહીને યુવતીએ ડાન્સ કર્યો હતો. આ ઘટનાનો વીડિયો સોશિયલ મીડિયા પર વાયરલ થઈ રહ્યો છે. કારમાં ડાન્સ કરતી યુવતીનો વાયરલ વીડિયો રાષ્ટ્રીય રાજધાની દિલ્હીનો હોવાનું કહેવાય છે. વીડિયોમાં એક યુવતી ઓપન કારની સીટ પર ઊભી રહીને ‘ના જા, ના જા’ ગીત પર ડાન્સ કરતી જોવા મળી રહી છે. ટ્રાફિક વચ્ચે યુવતીની આ હરકત જોઈને આસપાસના વાહનચાલકો તો જોતા જ રહી ગયા હતા.
View this post on Instagram
ઈન્ટરનેટ પર લોકોએ જાતજાતની ટિપ્પણી કરી
આ વીડિયોને ‘_epic69’ નામના ઈન્સ્ટાગ્રામ એકાઉન્ટથી શેર કરવામાં આવ્યો છે. વીડિયો શેર કરતી વખતે લખવામાં આવ્યું છે કે, ‘Just Delhi Things.’ ઈન્સ્ટાગ્રામ પર આ વીડિયો જોયા બાદ ઘણા લોકોએ પ્રતિક્રિયાઓ પણ આપી છે. shantanu_jaid7 નામના યુઝરે લખ્યું કે, ‘હું તેના પડવાની રાહ જોઈ રહ્યો છું.’ અન્ય યુઝરે લખ્યું, ‘ફ્રી વુમન.’ ઇન્સ્ટાગ્રામ પર પ્રતિક્રિયા આપતાં, ઘણા લોકો યુવતીના ડાન્સને શરમજનક ગણાવી રહ્યા છે અને શિષ્ટાચાર શીખવાની સલાહ આપી છે જ્યારે કેટલાક લોકો તેનું સમર્થન કરી રહ્યા છે. હમ દેખેંગે ન્યૂઝ આ વીડિયોની પુષ્ટિ કરતું નથી.
આ વીડિયોને અત્યાર સુધી 6 મિલિયન વ્યૂઝ મળી ગયા છે. જો કે, આજકાલ આવા વીડિયો સોશિયલ મીડિયા પર ખૂબ ઝડપથી વાઇરલ થઈ રહ્યા છે. મહત્ત્વનું છે કે, ચાલતા વાહન પર ડાન્સ કે કોઈ પણ અન્ય કૃત્ય કરવું એ જોખમકારક સાબિત થઈ શકે છે.
આ પણ વાંચો: બુલેટ ટ્રેનઃ મુંબઈ-અમદાવાદ વચ્ચે જમીન સંપાદનનું કામ 100% પૂર્ણ
