બાંગ્લાદેશ/ દિગ્ગજ મહિલા પત્રકારને કટ્ટરપંથીઓએ ઘેરી, ઈન્ડિયન એજન્ટ ગણાવતા લોકો તૂટી પડ્યા
બાંગ્લાદેશ, 1 ડિસેમ્બર 2024 : બાંગ્લાદેશની રાજધાની ઢાકામાં એક મહિલા પત્રકારને ટોળાએ ઘેરી લીધી હતી અને થોડા સમય માટે બંધક બનાવ્યા હતા. પોલીસે તેમને ભીડથી બચાવ્યા. આ ઘટના શનિવારે કવારન બજાર વિસ્તારમાં બની જ્યારે ટીવી પર્સનાલિટી મુન્ની સાહા એક મીડિયા કંપનીની ઓફિસમાંથી બહાર નીકળી રહ્યા હતા. ટોળાએ મુન્ની સાહા પર ભારતીય એજન્ટ અને પદભ્રષ્ટ વડાપ્રધાન શેખ હસીનાના સમર્થક હોવાનો આરોપ લગાવ્યો હતો.
સ્થાનિક મીડિયાના અહેવાલો અનુસાર, પત્રકાર મુન્ની સાહાની કારને ટોળાએ રોકી હતી અને તેમની સાથે મારપીટ કરવામાં આવી હતી, જેના કારણે ઢાકા મેટ્રોપોલિટન પોલીસને દરમિયાનગીરી કરવાની ફરજ પડી. સાહા પોલીસની કારમાં સ્થળ પરથી નીકળી ગયા, જ્યારે ભીડ તેમના વિરુદ્ધ સૂત્રોચ્ચાર કરતી રહી. સાહાને પહેલા તેજગાંવ પોલીસ સ્ટેશન અને ત્યાંથી ઢાકા મેટ્રોપોલિટન ડિટેક્ટીવ બ્રાન્ચની ઓફિસ લઈ જવામાં આવ્યા. આનાથી તેમની ધરપકડ કરવામાં આવી હોવાની ઓનલાઈન અટકળોને વેગ મળ્યો હતો.
A journalist Munni Saha is surrounded by a mob in Dhaka, heckled and called an ‘Indian agent’. Subsequently, she’s detained by the police.
Meanwhile the advisor to Bangladesh Govt says ‘there’s no pressure’ on media in the country #AllIsWell pic.twitter.com/9QxQHCWDDG— Padmaja Joshi (@PadmajaJoshi) December 1, 2024
જોકે, પોલીસે પાછળથી સ્પષ્ટતા કરી હતી કે વરિષ્ઠ પત્રકાર મુન્ની સાહાની અટકાયત કરવામાં આવી ન હતી, અને રવિવારે સવારે તેમને મુક્ત કરવામાં આવ્યા હતા. સાહાએ જણાવ્યું કે જ્યારે ભીડે તેમને ઘેરી લીધા ત્યારે તેમને પેનિક એટેક આવ્યો અને તે બીમાર પડી ગયા. એક પોલીસ અધિકારીએ બાંગ્લાદેશી ન્યૂઝ આઉટલેટ ડેઈલી ઓબ્ઝર્વરને કહ્યું, ‘પોલીસે મુન્ની સાહાને કસ્ટડીમાં લીધા નથી. કાવારન માર્કેટમાં લોકોના ટોળાએ તેમને ઘેરી લીધા હતા. સુરક્ષાના કારણોસર તેજગાંવ પોલીસ તેમને ડિટેક્ટીવ બ્રાન્ચ ઓફિસમાં લઈ ગઈ હતી.
અધિકારીએ કહ્યું કે મુન્ની સાહા ચાર કેસમાં આરોપી છે. તેમણે જામીન મેળવવા અને ભાવિ પોલીસ સમન્સનું પાલન કરવા માટે કોર્ટમાં હાજર રહેવું પડશે. પત્રકાર સાહાને હેરાન કરનાર ટોળા સામે કાર્યવાહી અંગે પોલીસ તરફથી કોઈ નિવેદન આવ્યું નથી. ઉલ્લેખનીય છે કે બાંગ્લાદેશમાં હસીના સરકારના પતન પછી પત્રકારોને ટોળાએ નિશાન બનાવવાના ઘણા મામલા સામે આવ્યા છે.
ડઝનબંધ પત્રકારોએ ટીકા, પક્ષપાતના આરોપો અને કાનૂની મુશ્કેલીઓનો સામનો કરવો પડ્યો છે. નોબેલ પુરસ્કાર વિજેતા મુહમ્મદ યુનુસની આગેવાની હેઠળની વચગાળાની સરકારે ઘણા પત્રકારોની માન્યતા રદ કરી દીધી છે અને પોલીસે ઘણા લોકો સામે એફઆઈઆર નોંધી છે. તાજેતરના દિવસોમાં, પ્રથમ આલો અને ડેઈલી સ્ટાર જેવા મોટા અખબારોની ઓફિસની બહાર વિરોધ પ્રદર્શન જોવા મળી રહ્યું છે.
આ પણ વાંચો : રાજ્યની તમામ હોસ્પિટલોએ ૧૨ માર્ચ ૨૦૨૫ સુધીમાં ફરજિયાત આ કામ કરી લેવુંઃ જાણો શું છે નવો નિર્દેશ?
