મારા પતિને સેક્સમાં કોઈ રસ નથી, ખાલી મંદિર અને આશ્રમમાં જાય છે: જાણો કોર્ટે શું ચુકાદો આપ્યો

divorce case: હાલમાં જ છુટાછેડાના એક કેરલમાં મહિલાએ કેરલ હાઈકોર્ટમાં દાવો કર્યો કે, તેના પતિને સેક્સમાં કોઈ રસ નથી અને તે ખાલી મંદિર અને આશ્રમમાં જ જાય છે. ત્યાં સુધી કે તેના પતિએ તેને પણ પોતાની માફક આધ્યાત્મિક બનાવવાની કોશિશ કરી. કોર્ટે આ મામલે સુનાવણી કરતા ફેમિલી કોર્ટના છૂટાછેડાવાળા આદેશને યથાવત રાખ્યો, જેનાથી પતિ-પત્ની વચ્ચે છુટાછેડાનો માર્ગ મોકળો થયો.

બાર અને બેન્ચના અહેવાલ મુજબ, “લગ્ન એક જીવનસાથીને બીજા જીવનસાથીની વ્યક્તિગત માન્યતાઓ, પછી ભલે તે આધ્યાત્મિક હોય કે અન્યથા, નક્કી કરવાનો અધિકાર આપતો નથી,” ન્યાયાધીશ દેવન રામચંદ્રન અને એમબી સ્નેહલાની બનેલી બેન્ચે તેમના ચુકાદામાં જણાવ્યું હતું. પત્નીને આધ્યાત્મિક જીવન જીવવા માટે મજબૂર કરવી એ માનસિક ક્રૂરતાથી ઓછું કંઈ નથી. આ પતિને પારિવારિક જીવનમાં રસનો અભાવ અને તેની વૈવાહિક ફરજો પૂર્ણ કરવામાં અસમર્થતા દર્શાવે છે.”

કોર્ટે કહ્યું કે પત્નીના દાવા પર વિશ્વાસ ન કરવો જોઈએ તેવું કોઈ કારણ નથી. કોર્ટે કહ્યું કે માનસિક ક્રૂરતા – જે હિન્દુ લગ્ન અધિનિયમ, 1955 ની કલમ 13(1)(ia) હેઠળ છૂટાછેડા માટેનું કારણ છે – ત્યારે લાગુ પડે છે જ્યારે પતિ તેની વૈવાહિક ફરજોની અવગણના કરે છે.

આ દંપતીએ વર્ષ 2016 માં કોર્ટ મેરેજ કર્યા હતા. જોકે, તે પછી લગ્નજીવનમાં તણાવ જોવા મળ્યો હતો. પત્નીએ દાવો કર્યો હતો કે આ બધું પતિના અતિશય ધાર્મિક પ્રથાઓને કારણે થયું છે. પત્નીએ કહ્યું કે તેના પતિને સેક્સ કરવામાં કે બાળકો પેદા કરવામાં કોઈ રસ નથી. ઓફિસથી પાછા ફર્યા પછી, તે ફક્ત મંદિર અને આશ્રમની મુલાકાત લેતા. આ જ વાતમાં તેના પતિને રસ હતો. તે જ સમયે, તેણે તેની પત્નીને પણ એવી બનાવવાનો પ્રયાસ કર્યો. તેને ભણવાનું પણ બંધ કરી દેવામાં આવ્યું.

મહિલાએ સૌપ્રથમ 2019 માં છૂટાછેડા માટે અરજી કરી હતી પરંતુ બાદમાં તેના પતિએ તેનું વર્તન બદલવાનું વચન આપ્યા બાદ અરજી પાછી ખેંચી લીધી. જોકે, આ પછી પત્નીએ 2022 માં ફરીથી છૂટાછેડા માટે અરજી કરી. તેણે દાવો કર્યો કે તેના પતિના વર્તનમાં કોઈ ફેરફાર થયો નથી. આ આધાર પર ફેમિલી કોર્ટે સંમતિ આપી, જેના કારણે મહિલા અને તેના પતિ વચ્ચે છૂટાછેડા થયા. ત્યારબાદ પતિએ હાઈકોર્ટમાં અરજી કરી અને દાવો કર્યો કે તેની આધ્યાત્મિક પ્રથાઓને ગેરસમજ કરવામાં આવી છે. પત્ની પોતે પણ અનુસ્નાતકનો અભ્યાસ પૂર્ણ કર્યા વિના બાળકો ઇચ્છતી ન હતી. જોકે, બંને પક્ષોને સાંભળ્યા બાદ કોર્ટે મહિલાના છૂટાછેડાના હુકમને માન્ય રાખ્યો.

આ પણ વાંચો: Image Generator: ઈન્સ્ટાગ્રામથી ફેસબુક સુધી, Ghibliનો સોશિયલ મીડિયા પર જલવો; ફ્રીમાં ક્રિએટ કરો ઈમેજ