UN ના આ આદેશથી હવે બાંગ્લાદેશમાં હિન્દુઓ પર થયેલા અત્યાચારનો થશે હિસાબ
ઢાકા, 31 ઓક્ટોબર : બાંગ્લાદેશમાં ઓગસ્ટ મહિનામાં સરકાર વિરોધી વિરોધ પ્રદર્શનમાં બાંગ્લાદેશી હિંદુઓ સહિત લગભગ 600 લોકો માર્યા ગયા હતા. ભારત શરૂઆતથી જ બાંગ્લાદેશી હિન્દુઓની સુરક્ષાનો મુદ્દો ઉઠાવતું આવ્યું છે. હવે સંયુક્ત રાષ્ટ્રએ પણ હિંસામાં માર્યા ગયેલા લઘુમતીઓની તપાસ અને સુરક્ષા માટે વિનંતી કરી છે.
યુએનના એક ટોચના માનવાધિકાર અધિકારીએ બુધવારે બાંગ્લાદેશના ભૂતપૂર્વ વડા પ્રધાન શેખ હસીનાના પતન પહેલાં અને પછી થયેલી હિંસક અથડામણો દરમિયાન થયેલી તમામ હત્યાઓ અને અન્ય અધિકારોના ઉલ્લંઘનની સંપૂર્ણ તપાસ કરવાની અપીલ કરી હતી.
યુએન હાઈ કમિશનર ફોર હ્યુમન રાઈટ્સ વોલ્કર તુર્કે તપાસની હાકલ કરતા કહ્યું કે, એક સમાવેશી અભિગમને આગળ વધારવા માટે તપાસ મહત્વપૂર્ણ છે, જ્યાં વર્ગ, લિંગ, જાતિ, રાજકીય વિચારધારા, ઓળખ અથવા ધર્મને ધ્યાનમાં લીધા વિના દરેક અવાજ સાંભળવામાં આવે છે.
માનવાધિકાર ઉચ્ચાયુક્તની બાંગ્લાદેશની મુલાકાત
યુનાઈટેડ નેશન્સ હાઈ કમિશનર ફોર હ્યુમન રાઈટ્સ વોલ્કર તુર્કે બુધવારે બાંગ્લાદેશની બે દિવસીય મુલાકાત પૂર્ણ કરી. તેમની આ મુલાકાત એવા સમયે થઈ છે જ્યારે નોબેલ પુરસ્કાર વિજેતા મોહમ્મદ યુનુસની આગેવાની હેઠળની વચગાળાની સરકાર દેશમાં વ્યવસ્થા સ્થાપિત કરવાના પડકારોનો સામનો કરી રહી છે.
#Bangladesh: After any period of repression & violence, there needs to be a national process of truth & healing. Inequality, cycles of revenge & and gross human rights violations must be consigned to the past.
An inclusive approach, where every voice is heard irrespective of… pic.twitter.com/XrU22zgoMi
— UN Human Rights (@UNHumanRights) October 30, 2024
યુનુસ સરકાર હિંસામાં થયેલી હત્યાઓની તપાસ કરવા માટે ઔપચારિક વિનંતી કરે તે પહેલા જ સંયુક્ત રાષ્ટ્રએ ફેક્ટ-ફાઇન્ડિંગ ટીમ બાંગ્લાદેશ મોકલી છે. આમાં શેખ હસીના શાસન વિરુદ્ધ વિરોધીઓની હત્યા તેમજ તેમના પતન પછી થયેલી હિંસાની તપાસનો સમાવેશ થાય છે.
હિન્દુઓ વિરોધ કરી રહ્યા છે
હસીનાની સરકાર બાદથી બાંગ્લાદેશમાં હિંદુઓ પર હુમલાઓ વધી ગયા છે, જેની સામે ભારત સહિત અનેક માનવાધિકાર જૂથોએ અવાજ ઉઠાવ્યો છે. બાંગ્લાદેશમાં હજારો હિંદુઓ તેમની સામેની હિંસા અને તેમની સુરક્ષા માટે વિરોધ કરી રહ્યા છે. તુર્કીએ દેશમાં લઘુમતી જૂથો પર હુમલાના આરોપોની સંપૂર્ણ તપાસ કરવાની જરૂરિયાત પર ભાર મૂક્યો હતો.
આ પણ વાંચો :- રાષ્ટ્રીય એકતા દિવસ : સરદાર પટેલને PM એ આપી શ્રદ્ધાંજલિ, જૂઓ વીડિયો
