ભારત પર 500 ટકા ટેરિફ લગાવશે ટ્રમ્પ? અમેરિકી સાંસદ બોલ્યા ‘રશિયા પાસેથી ઓઇલ ખરીદનારાઓને મળશે સજા’
વોશિંગ્ટન, 12 જુલાઇ, 2025: અમેરિકા હવે ભારત અને રશિયા વચ્ચેની મિત્રતાથી વધુ નારાજ છે. બે મોટા અમેરિકન નેતાઓ લિન્ડસે ગ્રેહામ (રિપબ્લિકન) અને રિચાર્ડ બ્લુમેન્થલ (ડેમોક્રેટ) એ સંયુક્ત રીતે એક બિલ રજૂ કર્યું છે, જેમાં રશિયા પાસેથી ઓઇલ અને યુરેનિયમ ખરીદતા દેશો પર વધુ કર લાદવાની વાત કરવામાં આવી છે. આમાં ખાસ કરીને ભારત અને ચીનનો સમાવેશ થાય છે, જે રશિયા પાસેથી 70 ટકા ઉર્જા ઉત્પાદનો ખરીદે છે. આ બિલને સેન્ક્શનિંગ રશિયા એક્ટ ઓફ 2025 નામ આપવામાં આવ્યું છે.
રશિયા પાસેથી ઓઇલ ખરીદતા દેશોને સજા કરવામાં આવશે
આ બિલ મુજબ, જો કોઈ દેશ રશિયા પાસેથી ઓઇલ, ગેસ અથવા યુરેનિયમ ખરીદે છે, તો તે દેશમાંથી અમેરિકા આવતા માલ પર 500 ટકા કર લાદવામાં આવશે. અમેરિકન નેતા રિચાર્ડ બ્લુમેન્થલે કહ્યું કે આ નિર્ણય એટલા માટે લેવામાં આવ્યો છે જેથી દુનિયા ઊર્જા માટે રશિયા પર નિર્ભર ન રહે અને યુક્રેન યુદ્ધ માટે રશિયાને સજા મળી શકે.
‘રશિયાના યુદ્ધ ભંડોળને ઘટાડવા માટે જરૂરી બિલ’
જો આ બિલ લાગુ કરવામાં આવે છે, તો તેની સૌથી મોટી અસર ભારત પર પડી શકે છે. આ બિલને અમેરિકાના બંને પક્ષોના 80થી વધુ સાંસદોનું સમર્થન છે. અમેરિકાનું કહેવું છે કે રશિયાના યુદ્ધ ભંડોળમાં ઘટાડો કરવા માટે આ જરૂરી છે. યુએસ સેનેટર રિચાર્ડ બ્લુમેન્થલ આ સપ્તાહે રોમમાં યુક્રેનના રાષ્ટ્રપતિ વોલોડીમીર ઝેલેન્સકીને મળ્યા હતા અને તેમને મજબૂત યુએસનું મજબૂત વચન આપ્યું હતું.
ભારતનો માલ અમેરિકા જતો બંધ થઈ શકે છે
આ બિલ સામાન્ય આર્થિક પ્રતિબંધોથી અલગ છે. આનાથી ફક્ત રશિયન કંપનીઓ અને બેંકો જ નહીં, પરંતુ તે બધા દેશો માટે આંચકો છે જે રશિયા પાસેથી ઊર્જા અથવા ઓઇલ ખરીદે છે. ભારતે વર્ષ 2024માં તેની કુલ ઓઇલ આયાતનો લગભગ 35 ટકા હિસ્સો રશિયા પાસેથી ખરીદ્યો હતો. જો આવો ટેક્સ લાદવામાં આવે છે, તો ભારત, ચીન, તુર્કી અને આફ્રિકા જેવા દેશોનો માલ અમેરિકા જતો બંધ થઈ જશે.
ભારત અને રશિયાએ સસ્તું ઓઇલ ખરીદીને સ્થાનિક ફુગાવાને નિયંત્રણમાં રાખ્યો છે. જો અમેરિકા 500 ટકા ટેક્સ લાદે છે, તો ત્યાં મોકલવામાં આવતા માલના ભાવ એટલા વધી જશે કે તેને ખરીદવા માટે કોઈ નહીં રહે.
આ બિલની જોગવાઈઓ અનુસાર, યુએસ પ્રમુખ ડોનાલ્ડ ટ્રમ્પની તેમાં ખૂબ જ મહત્વપૂર્ણ ભૂમિકા રહેશે. તેમની પાસે 180 દિવસ માટે આ ટેરિફ રોકી શખવાની સત્તા હશે, પરંતુ તેમને યુએસ સંસદની પરવાનગીની જરૂર પડશે.
આ પણ વાંચોઃ ભારતમાં ટેસ્લાની પહેલી કાર આ હશે, ગ્રાહકો તેને જોઈને પાગલ થઈ જશે
