મનોરંજન ડેસ્કઃ રિયાલિટી ટીવી શો બિગ બોસ સિઝન 16 વિશે ચર્ચા શરૂ થઈ ગઈ છે અને સ્પર્ધકોને લઈને પણ ચર્ચાઓ શરૂ થઈ ગઈ છે. સોશિયલ મીડિયા પર આવી રહેલા કેટલાક સમાચારોમાં એવું કહેવામાં આવી રહ્યું હતું કે, આ વર્ષે ઉર્ફી જાવેદ બિગ બોસ સીઝન 16નો ભાગ બની શકે છે, પરંતુ હવે ઉર્ફી જાવેદે પોતે આ સવાલનો જવાબ આપ્યો છે કે શું તે ટીવીના સૌથી મોટા રિયાલિટી શોનો ભાગ બનવા માંગે છે?
બિગ બોસ 16માં જોવા મળશે ઉર્ફી જાવેદ?
તાજેતરમાં જ પાપારાઝી સાથેની વાતચીતમાં ઉર્ફી જાવેદે કહ્યું હતું કે, મને હજુ સુધી કોઈ ઓફર મળી નથી. સાચું કહું તો, મને હજુ સુધી કોઈ ઑફર્સ મળી નથી. અફવાઓ… તે બધી અફવાઓ છે. હવે એ અફવાઓમાં પચાસ નામ છે, તો તેમાંથી એક મારું પણ છે, પણ મને હજુ સુધી કોઈ ઓફર મળી નથી.
ઉર્ફી જાવેદ આખા વર્ષ દરમિયાન ચર્ચામાં રહી
એટલે એટલું તો સ્પષ્ટ જ છે કે અત્યાર સુધી બિગ બોસ સીઝન 16ના મેકર્સે ઉર્ફી જાવેદનો સંપર્ક કર્યો નથી. પરંતુ આ સિઝનમાં ઉર્ફીના નામને લઇને ખૂબ શક્યતાઓ સેવાઈ રહી છે. ઉર્ફી જાવેદ તેના વિચિત્ર પહેરવેશ અને અન્ય કારણોસર આખું વર્ષ સમાચારોમાં રહે છે અને ચાહકો એવું પણ માની રહ્યા છે કે, વહેલા કે મોડા નિર્માતાઓ ઉર્ફીને ફરી એકવાર શોમાં બોલાવશે.
પ્લાસ્ટિકની થેલીઓથી બનેલું ટોપ પહેર્યું હતું
લોકડાઉન દરમિયાન ઉર્ફી જાવેદ શો ‘બિગ બોસ ઓટીટી’નો ભાગ હતી. શોમાં પણ તે તેના આઉટફિટ અને અન્ય વસ્તુઓના કારણે ચર્ચામાં રહી હતી, પરંતુ પહેલાં એલિમિનેશનમાં જ તે બહાર થઈ ગઈ હતી. ઉલ્લેખનીય છે કે, બિગ બોસ ઓટીટી દરમિયાન ઉર્ફી જાવેદે પ્લાસ્ટિકની થેલીઓમાંથી બનેલા કપડાં પહેરીને હેડલાઈન્સમાં છવાઈ ગઈ હતી.
