ફ્લાઇટમાં આસારામ કેમ ગુસ્સે થયા? પોલીસને આપવા લાગ્યા સલાહ, જૂઓ વીડિયો
જોધપુર, 28 ઓગસ્ટ, યૌન શોષણના કેસમાં આજીવન કેદની સજા કાપી રહેલા આસારામને ફ્લાઈટ દ્વારા સારવાર માટે મહારાષ્ટ્ર મોકલવામાં આવ્યા હતા. આસારામને રાજસ્થાન હાઈકોર્ટમાંથી સાત દિવસની સારવાર માટે પેરોલ મળ્યો છે. આસારામને સારવાર માટે આજે જોધપુરથી મુંબઈ લાવવામાં આવ્યા હતા. આ દરમિયાન આસારામ ફ્લાઈટમાં કોઈ મુદ્દે પોલીસ પર ગુસ્સે થતા જોવા મળ્યા હતા. ઈન્ડિગો ફ્લાઈટની અંદર આસારામનો એક વીડિયો સામે આવ્યો છે, જેમાં તે પોલીસકર્મીઓ પર ગુસ્સે થતા જોવા મળ્યા છે.
आसाराम के तेवर pic.twitter.com/ChsUch9qmK
— parmod chaudhary (@parmoddhukiya) August 27, 2024
આસારામ બાપુને બળાત્કારના કેસમાં કોર્ટે દોષિત ઠેરવ્યા હતા. તેમનો પુત્ર નારાયણ સાંઈ પણ બળાત્કારના કેસમાં જેલમાં છે. જોધપુર સેન્ટ્રલ જેલમાં બંધ આસારામ બાપુ મંગળવારે સારવાર માટે મહારાષ્ટ્ર ગયા હતા. હાલમાં જ આસારામને જોધપુર હાઈકોર્ટમાંથી સારવાર માટે પેરોલ મળ્યો હતો. આસારામ ઈન્ડિગોની રૂટિન ફ્લાઈટમાં ટેકઓફ થયા હતા. જોધપુર પોલીસ કમિશનરેટ ઈસ્ટના એરપોર્ટ સ્ટેશન ઓફિસર હનુમાન સિંહે જણાવ્યું કે આસારામને સેન્ટ્રલ જેલમાંથી કડક સુરક્ષા હેઠળ એરપોર્ટ લાવવામાં આવ્યા હતા. સેન્ટ્રલ જેલમાંથી નીકળ્યા બાદ એમ્બ્યુલન્સ આસારામને લઈને રવાના થઈ હતી. પરંતુ આસારામે ફ્લાઈટમાં ચઢતાની સાથે જ પોતાના તેવર દેખાડયા હતા. આસારામ તેમની જૂની સ્ટાઈલમાં જોવા મળ્યા હતા. આસારામ પોલીસ કર્મચારીઓ અને સમર્થકોને નિર્દેશ આપતા જોવા મળ્યા હતા. જેનો વીડિયો સોશિયલ મીડિયામાં વાયરલ થઈ રહ્યો છે.
શું છે વીડિયોમાં ?
આસારામનો એક વીડિયો સામે આવ્યો છે, જે ઈન્ડિગો ફ્લાઈટનો છે. આસારામ ફ્લાઈટની અંદર પોલીસકર્મીઓ પર ગુસ્સે થતા જોવા મળી રહ્યા છે. તે જ સમયે તે તેમને બહાર જવા માટે સંકેત આપી રહ્યો છે. તે પોલીસકર્મીઓને આંગળી ચીંધીને ધમકાવતો જોવા મળે છે. વધુ એક વીડિયો સામે આવ્યો છે, જેમાં કેટલાક મુસાફરો ફ્લાઇટમાં આસારામ સાથે વાત કરતા જોવા મળી રહ્યા છે. આસારામ બાપુનો આ વીડિયો સોશિયલ મીડિયા પર ઝડપથી વાયરલ થઈ રહ્યો છે.
હવે આસારામને મહારાષ્ટ્રના ખાપોલીની માધવબાગ હોસ્પિટલમાં સારવાર માટે દાખલ કરવામાં આવશે. પોલીસની સશસ્ત્ર ટુકડી પણ તેની સાથે છે. ગત સોમવારે સમગ્ર કાગળની કાર્યવાહી પૂર્ણ કર્યા બાદ તેને જેલમાંથી પેરોલ આપવામાં આવ્યો હતો. આસારામ પાસેથી 50 હજાર અને 25 હજાર રૂપિયાના અલગ-અલગ બોન્ડ પણ લેવામાં આવ્યા છે. જસ્ટિસ પુષ્પેન્દ્ર ભાટી અને મુન્નારી લક્ષ્મણની બેંચે જોધપુર એઈમ્સના મેડિકલ રિપોર્ટના આધારે તેમને સાત દિવસ માટે પેરોલ આપ્યો છે. વચગાળાના પેરોલના આદેશમાં હાઈકોર્ટે ઘણા નિયંત્રણો લાદવામાં આવ્યા છે. આસારામ બાપુ મદદનીશ અને ડોક્ટર સિવાય કોઈને મળી શકતા નથી. આસારામની સારવાર ખાનગી રૂમમાં કરવામાં આવશે. રૂમની આસપાસ 24 કલાક પોલીસ બંદોબસ્ત રહેશે.
આ પણ વાંચો..શું ભારતીય વિદ્યાર્થીઓએ કેનેડા છોડવું પડશે? વિદ્યાર્થીઓ કેમ કરી રહ્યા છે દેખાવો? જાણો
