યોગિની એકાદશી કેમ છે મહત્ત્વની, જાણો કેમ છે વિષ્ણુ ભગવાનને પ્રિય?

• યોગિની એકાદશી વિષ્ણુ ભગવાનને ખૂબ જ પ્રિય છે કારણ કે આ એકાદશી પછી ભગવાન વિષ્ણુ શયન માટે ક્ષીર સાગરમાં જાય છે. આ વર્ષે 2 જુલાઈના રોજ યોગિની એકાદશીનું વ્રત રાખવામાં આવશે

વર્ષની 24 એકાદશીઓને શ્રેષ્ઠ કહેવાય છે કારણ કે એકાદશીની તિથિ ભગવાન વિષ્ણુને સમર્પિત હોય છે. અષાઢ મહિનાની પ્રથમ એકાદશી એટલે કે કૃષ્ણ પક્ષની એકાદશીને યોગિની એકાદશી કહેવામાં આવે છે. આ દિવસે ભગવાન વિષ્ણુની પૂજા સાથે ઉપવાસ કરવામાં આવે છે. યોગિની એકાદશી વિષ્ણુ ભગવાનને પ્રિય છે કારણ કે આ એકાદશી પછી ભગવાન વિષ્ણુ શયન માટે ક્ષીર સાગરમાં જાય છે. આ વર્ષે 2 જુલાઈના રોજ યોગિની એકાદશીનું વ્રત રાખવામાં આવશે.

યોગિની એકાદશી વિષ્ણુ ભગવાનને પ્રિય

આ વર્ષે યોગિની એકાદશી 2જી જુલાઈએ આવી રહી છે. તેના પછી તરત જ ભગવાન વિષ્ણુ ચાર મહિના માટે આરામ કરવા જાય છે. આ વર્ષે અષાઢ મહિનાના કૃષ્ણ પક્ષની યોગિની એકાદશી 2 જુલાઈના રોજ છે. આ દિવસે તેનું વ્રત રાખવામાં આવશે. ભક્તો આ એકાદશીના વ્રતના પારણા 3 જુલાઈના રોજ સવારે 5:27 થી 7:11 વચ્ચે કરી શકશે.

યોગિની એકાદશીનું મહત્ત્વ

નિર્જલા એકાદશી પછી યોગિની એકાદશી આવે છે અને તે પછી દેવશયની એકાદશી આવે છે. યોગિની એકાદશીના દિવસે ઉપવાસ કરવાથી વ્યક્તિના તમામ પાપોનો નાશ થાય છે. આ દિવસે ભગવાન વિષ્ણુની પૂજા અને ઉપવાસ કરવાથી મોક્ષની પ્રાપ્તિ થાય છે અને સાંસારિક દુઃખોમાંથી મુક્તિ મળે છે. જો તમે આ દિવસે ભગવાન વિષ્ણુને પ્રસન્ન કરો છો તો તમને દેવી લક્ષ્મીની કૃપા પણ મળે છે. આ દિવસે વ્રત કરનારને સુખ, પારિવારિક શાંતિ અને સૌભાગ્યનું વરદાન મળે છે.

આ પણ વાંચોઃ પૈસાની બાબતમાં લક્કી હોય છે આ રાશિના લોકો, બચત કરવામાં માહેર