શા માટે ગુસ્સે થયા અમિત શાહ? પૂર્વ રાજ્યપાલને બધાની સામે આપી ચેતવણી, જુઓ વીડિયો

• આ અમિત શાહ તરફથી તમિલિસાઈ અક્કાને કડક ચેતવણી જેવું લાગે છે: કાર્તિક ગોપીનાથ

વિજયવાડા, 12 જૂન: કેન્દ્રીય ગૃહપ્રધાન અમિત શાહ આંધ્રપ્રદેશના નવા મુખ્યપ્રધાન ચંદ્રબાબુ નાયડુના શપથ ગ્રહણ સમારોહમાં નારાજ જોવા મળ્યા હતા. હકીકતમાં, સોશિયલ મીડિયા પર એક વીડિયો વાયરલ થઈ રહ્યો છે, જેમાં કહેવામાં આવી રહ્યું છે કે, તે તેલંગાણાના પૂર્વ રાજ્યપાલ તમિલિસાઈ સૌંદરરાજનને ‘ચેતવણી’ આપતા જોવા મળી રહ્યા છે. જો કે, અત્યાર સુધી ન તો ભારતીય જનતા પાર્ટી કે ન તો તમિલિસાઈ સૌંદરરાજને આ અંગે સત્તાવાર રીતે કંઈ કહ્યું છે. આ વીડિયો તમિલનાડુ સોશિયલ મીડિયા સેલના ઉપાધ્યક્ષ કાર્તિક ગોપીનાથે પણ શેર કર્યો છે. તેમણે લખ્યું છે કે, ‘આ અમિત શાહ તરફથી તમિલિસાઈ અક્કાને કડક ચેતવણી જેવું લાગે છે….”

That looks like a strong admonishment from Amit shah ji to Tamilisai akka . But what could be the reason for this “public” warning ? Unwarranted public comments ? pic.twitter.com/AExfbjak95

— karthik gopinath (@karthikgnath) June 12, 2024

શું અમિત શાહ પૂર્વ ગવર્નર તમિલિસાઈ સૌંદરરાજન પર ભડક્યા?

સૌંદરરાજન તમિલનાડુથી ભાજપની ટિકિટ પર લોકસભા ચૂંટણી લડ્યા હતા, પરંતુ તેમને હારનો સામનો કરવો પડ્યો હતો. અમિત શાહ અને તેમની વચ્ચેની વાતચીતનો વીડિયો હાલ સોશિયલ મીડિયા પર વાયરલ થઈ રહ્યો છે. મહત્ત્વપૂર્ણ વાત એ છે કે, આ વાત એવા સમયે બહાર આવી છે જ્યારે સૌંદરરાજન અને તમિલનાડુના રાજ્ય પ્રમુખ અન્નામલાઈના સમર્થકો વચ્ચે ઝપાઝપીના અહેવાલો છે. તાજેતરમાં પૂર્ણ થયેલી ચૂંટણીમાં અન્નામલાઈને કોઈમ્બતુરથી હારનો સામનો કરવો પડ્યો હતો અને ચેન્નાઈ દક્ષિણ બેઠક પરથી સૌંદરરાજનને હારનો સામનો કરવો પડ્યો હતો. લગભગ 20 સેકન્ડના વીડિયોમાં જોવા મળે છે કે, સૌંદરરાજન સ્ટેજ પર બેઠેલા અમિત શાહ સાથે વાત કરે છે અને આગળ વધે છે. આ પછી અમિત શાહ તેમને પાછા બોલાવે છે અને કેટલીક સલાહ આપતા જોવા મળે છે.

આ વીડિયોને બીજેપી સ્ટેટ સોશિયલ મીડિયા સેલના ઉપાધ્યક્ષ કાર્તિક ગોપીનાથે પણ શેર કર્યો છે. તેમણે લખ્યું છે કે, “આ અમિત શાહ તરફથી તમિલિસાઈ અક્કાને કડક ચેતવણી જેવું લાગે છે, પરંતુ જાહેર ચેતવણીનું કારણ શું હોઈ શકે? જાહેરમાં બિનજરૂરી નિવેદનો કરવા?” આ દરમિયાન મંચ પર અમિત શાહની નજીક કેન્દ્રીય મંત્રી જગત પ્રકાશ નડ્ડા અને નીતિન ગડકરી પણ જોવા મળે છે. છેલ્લા કેટલાક દિવસોથી સોશિયલ મીડિયા પર અન્નામલાઈ અને સૌંદરરાજનના સમર્થકો વચ્ચે તણાવ જોવા મળી રહ્યો છે. હાલમાં જ એક ઈન્ટરવ્યુ દરમિયાન સૌંદરરાજને આડકતરી રીતે અન્નામલાઈ પર નિશાન સાધ્યું હતું.

આ પણ જુઓ: 18મી લોકસભાનું પ્રથમ સત્ર અને રાજ્યસભાની કાર્યવાહી ક્યારથી શરૂ થશે? જાણો