કયાં કારણોસર વિપક્ષ નેતાને મળ્યું સીધું ડેપ્યુટી CMનું પદ?

Maharashtra Politics:  આજ રોજ રવિવારે અજીત પવાર મહારાષ્ટ્રના ડેપ્યુટી સીએમ તરીકે શપથ લીધી છે. શપથ લીધાના બાદ અજીત પવારે પ્રેસ કોન્ફરન્સને સંબોધી હતી આ પ્રેસ કોન્ફરન્સમાં અજીત પવારે કહ્યું કે “આગામી વિસ્તરણમાં વધુ મંત્રીઓને સામેલ કરવામાં આવશે”.

પ્રેસ કોન્ફરન્સમાં , અજિત પવારે વડા પ્રધાન નરેન્દ્ર મોદીના નેતૃત્વની પ્રશંસા કરતાં કહ્યું હતું કે “PM મોદીના નેતૃત્વમાં દેશ આગળ વધી રહ્યો છે. તેઓ ખૂબ લોકપ્રિય છે અને વિદેશમાં પણ સમર્થન મેળવે છે.”

આ કારણોસર લીધી પવારે શપથ 

તેમણે ઉમેર્યું, “પક્ષ (NCP)ના તમામ ધારાસભ્યો, સાંસદો અને કાર્યકરો અમારી સાથે છે તેથી જ મેં ડેપ્યુટી સીએમ તરીકે શપથ લીધા છે. “NCP નેતા અજિત પવાર રવિવારે શિવસેના (એકનાથ શિંદે) કેમ્પમાં જોડાયા અને મહારાષ્ટ્રના નાયબ મુખ્યમંત્રી તરીકે શપથ લીધા. પવાર એક મોટી રાજકીય ચાલમાં NCPમાંથી 29 ધારાસભ્યોને શિંદે જૂથમાં લાવ્યા છે અને વિપક્ષના નેતા તરીકે રાજીનામું આપી દીધું છે.

Newly appointed Maharashtra Deputy CM Ajit Pawar, says "Today, we have decided to support the Maharashtra government and took oath as ministers. There will be a discussion on the portfolios later. Considering all aspects at the national level, we thought that we should support… pic.twitter.com/GxVoo2RWQQ

— ANI (@ANI) July 2, 2023

રાષ્ટ્રને એક પત્રકાર પરિષદને સંબોધતા પવારે  વધુમાં એ પણ કહ્યું કે આગામી વિસ્તરણમાં વધુ મંત્રીઓને સામેલ કરવામાં આવશે. “અમે NCPના લગભગ તમામ ધારાસભ્યો સાથે શિંદે-ફડણવીસ સરકાર સાથે આવવાનો નિર્ણય લીધો છે. અમે શપથ લીધા છે અને આગામી વિસ્તરણમાં કેટલાક અન્ય મંત્રીઓને ઉમેરવામાં આવશે.”

તેમણે ઉમેર્યું, “ઘણા લોકો હવે થોડી ટીકા કરશે. અમે તેને મૂલ્ય આપતા નથી અને અમે મહારાષ્ટ્રની પ્રગતિ માટે કામ કરતા રહીશું અને તેથી જ અમે આ નિર્ણય લીધો છે. અમારા મોટાભાગના ધારાસભ્યો તેનાથી સંતુષ્ટ છે. અમે NCP પાર્ટી સાથે આ સરકારને સમર્થન આપ્યું છે. અમે તમામ ચૂંટણી NCPના નામે જ લડીશું.”

રાષ્ટ્રીય સ્તરે આ પાસાઓને ધ્યાનમાં રખાશે 

“આજે, અમે મહારાષ્ટ્ર સરકારને ટેકો આપવાનું નક્કી કર્યું છે અને મંત્રીઓ તરીકે શપથ લીધા છે. પોર્ટફોલિયો પર પછીથી ચર્ચા થશે. રાષ્ટ્રીય સ્તરે તમામ પાસાઓને ધ્યાનમાં રાખીને, અમે વિચાર્યું કે આપણે વિકાસને ટેકો આપવો જોઈએ,” તેમણે મીડિયા કહ્યું.

કઈ રીતે ભાજપનો પક્ષ મજબૂત થયો 

અજિત પવાર ઉપરાંત એનસીપીના અન્ય આઠ ધારાસભ્યોએ પણ રાજ્ય કેબિનેટમાં મંત્રી તરીકે શપથ લીધા છે.
નવા સામેલ કરાયેલા મંત્રીઓમાં હસન મુશ્રીફ, છગન ભુજબળ, દિલીપ વાલસે પાટીલ, ધનંજય મુંડે, અદિતિ તટકરે, સંજય બાબુરાવ બંસોડ, અનિલ ભાઈદાસ પાટીલ અને ધર્મરાવ આત્રામના નામ છે. અજિત પવારનું શિંદે ભાજપ સરકારમાં જોડાવાથી એક રીતે ભાજપનો પક્ષ મજબૂત થઈ રહ્યો છે. આવી સ્થિતિમાં શિંદે જૂથના સમર્થન વિના પણ ભાજપ બહુમતીના આંકડા સુધી પહોંચી રહ્યું છે. હાલમાં સરકાર પાસે 166 ધારાસભ્યોનું સમર્થન છે, જેમાં ભાજપના 125 ધારાસભ્યો અને શિંદે કેમ્પના 40 ધારાસભ્યો છે. જો અજિત પવાર કેમ્પના 30 ધારાસભ્યો ભાજપ સાથે હાથ મિલાવે છે, તો તેની પાસે 156 ધારાસભ્યોનું સમર્થન હશે, જે બહુમતી કરતા 11 વધુ હશે.

આ પણ વાંચો:Maharashtra Live : ડેપ્યુટી CM અજિત પવારે NCP નિશાન અને સિમ્બોલ ઉપર કર્યો દાવો