PM મોદીને પ્રચાર દરમિયાન મોહમ્મદ શમી કેમ યાદ આવ્યો? ચારે બાજુ ચર્ચા

• લોકસભા ચૂંટણીના પ્રથમ તબક્કાના મતદાન વચ્ચે વડાપ્રધાન મોદીએ ભારતીય ક્રિકેટર મોહમ્મદ શમીના વખાણ કર્યા છે. શમીનો ઉલ્લેખ કરતા તેમણે કહ્યું કે અમરોહા માત્ર ઢોલક જ નહીં પરંતુ દેશનો ડંકા પણ વગાડે છે

અમરોહા (ઉત્તર પ્રદેશ), 19 એપ્રિલ: વડાપ્રધાન નરેન્દ્ર મોદીએ શુક્રવારે (19 એપ્રિલ) અમરોહામાં ભાજપના ઉમેદવાર કંવર સિંહ તંવરના સમર્થનમાં ચૂંટણી રેલીને સંબોધિત કરી હતી. આ દરમિયાન તેમણે પોતાના સંબોધનમાં ક્રિકેટર મોહમ્મદ શમીના વખાણ કર્યા હતા. વાસ્તવમાં મોહમ્મદ શમી અમરોહાનો રહેવાસી છે. આવી સ્થિતિમાં પીએમ મોદીએ પણ અમરોહા આવ્યા બાદ ચૂંટણી રેલીમાં શમીનો ઉલ્લેખ કર્યો છે.

PM મોદીએ મોહમ્મદ શમી વિશે શું કહ્યું?

પીએમ મોદીએ કહ્યું, ‘અમરોહા માત્ર ઢોલક જ નહીં પરંતુ દેશનો ઢોલ પણ વગાડે છે. તેમણે કહ્યું, “ ક્રિકેટ વર્લ્ડ કપમાં ભાઈ મોહમ્મદ શમીએ જે કમાલ બતાવી છે તે પુરી દુનિયાએ જોઈ છે. રમતગમતમાં જોરદાર પ્રદર્શન કરવા બદલ કેન્દ્ર સરકારે તેમને અર્જુન પુરસ્કાર પણ આપ્યો છે અને યોગી સરકાર પણ અહીં યુવાનો માટે એક સ્ટેડિયમ બનાવી રહી છે. તેમણે વધુમાં કહ્યું કે, ‘અમરોહામાં એક જ છાપ છે – કમલ છાપ અને અમરોહામાં એક જ અવાજ છે – ફરી એકવાર મોદી સરકાર.”

અહીં જૂઓ વીડિયો:

Amroha, Uttar Pradesh: “In the Cricket World Cup, Mohammed Shami’s remarkable performance was witnessed by the entire world. The splendid display in the game has earned Shami the Arjuna Award from the Centre government,” says Prime Minister Narendra Modi pic.twitter.com/ZmCCYq2633

— IANS (@ians_india) April 19, 2024

વર્લ્ડ કપ ફાઇનલમાં હાર પછી PM મોદીએ કરી હતી મુલાકાત

જ્યારે ભારતીય ટીમને વર્લ્ડ કપ ફાઇનલમાં ઓસ્ટ્રેલિયાના હાથે હારનો સામનો કરવો પડ્યો હતો ત્યારે પીએમ ભારતીય ક્રિકેટ ટીમને મળ્યા હતા. આ દરમિયાન પીએમ મોદી શમીને પણ મળ્યા હતા. તેમણે શમીની પીઠ થપથપાવી હતી અને તેમની સાથે વાત પણ કરી હતી. તે દરમિયાન પીએમ મોદીનો શમી સાથેની મુલાકાતનો વીડિયો સોશિયલ મીડિયામાં ઘણો વાયરલ થયો હતો.

અમરોહા મહેનતુ ખેડૂતો માટે જાણીતું: PM મોદી

અમરોહામાં ભાજપના ઉમેદવારના સમર્થનમાં ચૂંટણી રેલીને સંબોધિત કરીને વધુમાં પીએમ મોદીએ કહ્યું કે, ‘2024ની લોકસભા ચૂંટણી દેશના ભવિષ્યની ચૂંટણી છે. આ ચૂંટણીમાં તમારો દરેક મત ભારતનું ભાગ્ય સુનિશ્ચિત કરશે. બીજેપી ગામડાઓ અને ગરીબો માટે મોટા વિઝન અને મોટા ધ્યેયો સાથે આગળ વધી રહી છે, પરંતુ ઈન્ડી ગઠબંધનના લોકો ગામડાઓ અને ગ્રામીણ વિસ્તારોને પછાત બનાવવા માટે તેમની તમામ શક્તિ ખર્ચી રહ્યા છે. આ માનસિકતાથી અમરોહા અને પશ્ચિમ ઉત્તર પ્રદેશ જેવા વિસ્તારોને સૌથી વધુ નુકસાન થયું છે.’

લોકસભા ચૂંટણીના પ્રથમ તબક્કામાં લોકોને અપીલ કરતા મોદીએ કહ્યું કે, “હું તમામ મતદાતાઓને વિનંતી કરું છું કે બંધારણ દ્વારા આપવામાં આવેલા આ અધિકારનો ચોક્કસપણે ઉપયોગ કરો. ખાસ કરીને હું અમારા યુવાનોને વિનંતી કરીશ, જેઓ પહેલીવાર મતદાન કરવા જઈ રહ્યા છે, તેઓએ આવી તક જવા ન દેવી, તેઓએ મતદાન કરવું જ જોઈએ.” મોદીએ કહ્યું કે અમરોહા અને પશ્ચિમ ઉત્તર પ્રદેશનો આ વિસ્તાર મહેનતુ ખેડૂતોથી જાણીતો છે. તેમણે કહ્યું કે, ‘કોંગ્રેસ, સપા અને બસપાની સરકારમાં અહીંના ખેડૂતોની સમસ્યાઓ સાંભળવામાં આવી નથી અને તેમની પરવા કરવામાં આવી નથી, પરંતુ ભાજપ સરકાર ખેડૂતોની સમસ્યાઓ ઘટાડવા માટે રાત-દિવસ કામ કરી રહી છે.’

આ પણ વાંચો: શાહરૂખ ખાન કોંગ્રેસ માટે પ્રચાર કરવા નીકળ્યો? રોડ શોનો વીડિયો થયો વાયરલ