રોહિત શર્મા સાથે કોણ ઓપનિંગ કરશે? શું હોઈ શકે ભારતની પ્લેઈંગ 11

ભારત અને ઈંગ્લેન્ડ વચ્ચે આજથી ત્રણ મેચની T20 શ્રેણી શરૂ થશે. કોવિડમાંથી સાજા થયા બાદ રોહિત શર્મા ટીમ ઈન્ડિયાનું નેતૃત્વ કરવા માટે તૈયાર છે. તે પ્રથમ મેચમાં ઓપનિંગ કરશે તેની ખાતરી છે. તેના સિવાય ટીમ ઈન્ડિયામાં ત્રણ એવા ખેલાડી છે જેમણે તાજેતરના સમયમાં સિનિયર ખેલાડીઓની ગેરહાજરીમાં જબરદસ્ત પ્રદર્શન કર્યું છે. છેલ્લા એક વર્ષમાં ઘણી વખત યુવા ખેલાડીઓએ ટીમ સાથે જોડાયા બાદ પોતાની તાકાત બતાવી છે. આવી સ્થિતિમાં સુકાની રોહિત શર્માને પ્લેઇંગ 11ની પસંદગી માટે ઘણી મહેનત કરવી પડશે.

ઋતુરાજ ગાયકવાડ અને ઈશાન કિશન બંનેમાંથી એક માટે તક
ઋતુરાજ ગાયકવાડ અને ઈશાન કિશન બંનેમાંથી કોઈ એક કરી શકે ઓપનીંગ. કિશન IPLમાં રોહિત શર્મા સાથે ઓપનિંગ કરવા ઉતરે છે. તે ડાબા હાથનો વિસ્ફોટક બેટ્સમેન છે. જોકે, આયર્લેન્ડ સામેની બે T20I શ્રેણીમાં ઈશાન માત્ર 26 અને 3 જ રન બનાવી શક્યો હતો. સાથે જ ગાયકવાડને તક મળી ન હતી.

સંજુ સેમસન પણ દાવેદાર છે
સંજુ સેમસનને આયર્લેન્ડ સામેની બે મેચમાં ઓપનિંગ કરવાની તક મળી હતી. તે પ્રથમ મેચમાં ખાતું પણ ખોલાવી શક્યો ન હતો. બીજી T20માં આ ખેલાડીએ 42 બોલમાં 77 રનની ઇનિંગ રમી હતી.

શું દીપક હુડાને ત્રીજા નંબર પર બીજી તક મળશે?
દીપક હુડ્ડા આયર્લેન્ડ-ઈંગ્લેન્ડ પ્રવાસમાં જબરદસ્ત ફોર્મમાં છે. તેણે આયર્લેન્ડ સામેની પ્રથમ મેચમાં અણનમ અને બીજી મેચમાં સદી ફટકારી હતી. આ પછી તેણે ડર્બીશાયર સામેની પ્રેક્ટિસ મેચમાં પણ 59 રનની ઇનિંગ રમી હતી. તે IPL 2022 થી જબરદસ્ત ફોર્મમાં ચાલી રહ્યો છે.

ઉમરાન મલિક રમવા માટે તૈયાર છે
રોહિત શર્માએ કહ્યું છે કે, આયર્લેન્ડ સામે ટી20માં ડેબ્યૂ કરનાર ફાસ્ટ બોલર ઉમરાન મલિક ભારતીય રણનીતિનો એક ભાગ છે. તેણે કહ્યું, ઉમરાન અમારી રણનીતિમાં સામેલ છે. અમે હાલમાં તેને તેની ભૂમિકા અને ટીમ તેની પાસેથી શું ઈચ્છે છે તે પણ સમજાવી રહ્યા છીએ.

ભારતની સંભવિત પ્લેઈંગ 11: રોહિત શર્મા (કેપ્ટન), ઈશાન કિશન, સૂર્યકુમાર યાદવ, સંજુ સેમસન, દીપક હુડા, હાર્દિક પંડ્યા, દિનેશ કાર્તિક (વિકેટમેન), યુઝવેન્દ્ર ચહલ, ભુવનેશ્વર કુમાર, અવેશ ખાન, ઉમરાન મલિક

ઈંગ્લેન્ડની સંભવિત પ્લેઈંગ 11: જેસન રોય, જોસ બટલર (c&wk), ડેવિડ મલાન, મોઈન અલી, લિયામ લિવિંગસ્ટોન, હેરી બ્રુક, સેમ કુરન, ક્રિસ જોર્ડન, ટાઇમલ મિલ્સ, રીસ ટોપલી, મેટ પાર્કિન્સન.