15 ઓગસ્ટે કેજરીવાલની જગ્યાએ કોણ ફરકાવશે તિરંગો?
![Text To Speech Text To Speech](https://www.humdekhenge.in/wp-content/themes/jannah/assets/images/play.png)
![independence day](https://www.humdekhenge.in/wp-content/uploads/2024/08/independence-day-2.jpg)
- સ્વતંત્રતા દિવસના અવસર પર દિલ્હીના છત્રસાલ સ્ટેડિયમમાં ત્રિરંગો ફરકાવવાના મામલે સસ્પેન્સનો અંત આવ્યો
દિલ્હી, 13 ઓગસ્ટ: સ્વતંત્રતા દિવસ એટલે કે 15મી ઓગસ્ટના અવસરે દિલ્હીના છત્રસાલ સ્ટેડિયમમાં રાષ્ટ્રધ્વજ ફરકાવવામાં આવે છે. જો કે, આ વર્ષે સ્વતંત્રતા દિવસ પર ત્રિરંગો ફરકાવવાને લઈને દિલ્હીના એલજી વીકે સક્સેના અને આમ આદમી પાર્ટી વચ્ચે ટક્કર છે. દિલ્હીના સીએમ કેજરીવાલે આતિશીને ધ્વજ ફરકાવવાની મંજૂરી આપવાની માંગ કરી હતી, જેને સામાન્ય વહીવટ વિભાગે ફગાવી દીધી હતી. હવે દિલ્હીના એલજી વીકે સક્સેનાએ ખુલાસો કર્યો છે કે સ્વતંત્રતા દિવસ પર અરવિંદ કેજરીવાલની જગ્યાએ છત્રસાલ સ્ટેડિયમમાં કોણ તિરંગો ફરકાવશે.
કૈલાશ ગેહલોત ફરકાવશે તિરંગો
આખરે સ્વતંત્રતા દિવસ પર દિલ્હીના છત્રસાલ સ્ટેડિયમમાં કોણ તિરંગો ફરકાવશે તે અંગે સસ્પેન્સનો અંત આવ્યો છે. દિલ્હીના લેફ્ટનન્ટ ગવર્નર વીકે સક્સેનાએ માહિતી આપી છે કે 15 ઓગસ્ટ, 2024ના રોજ છત્રસાલ સ્ટેડિયમ કાર્યક્રમમાં રાષ્ટ્રધ્વજ ફરકાવવા માટે દિલ્હીના ગૃહમંત્રી કૈલાશ ગેહલોતને નામાંકિત કરવામાં આવ્યા છે.
ગોપાલ રાયે જણાવ્યું હતું આતિશીનું નામ
ગોપાલ રાયે પોતાના પત્રમાં લખ્યું હતું કે તેઓ સીએમ કેજરીવાલને મળ્યા છે અને સીએમ ઈચ્છે છે કે આતિશી આ વખતે સ્વતંત્રતા દિવસના અવસર પર ત્રિરંગો ઝંડો ફરકાવે. તેના પર સામાન્ય વહીવટ વિભાગે કહ્યું કે સીએમ કેજરીવાલ જેલમાંથી કોઈ લેખિત કે મૌખિક આદેશ આપી શકે નહીં. તેથી આ માન્ય રહેશે નહીં. 15 ઓગસ્ટના કાર્યક્રમ અંગે સીએમ ઓફિસને જાણ કરવામાં આવી, જવાબ મળ્યો કે સીએમ હજુ જેલમાં છે.
આ પણ વાંચો: કાર પર ભારતીય ધ્વજ લગાવતા પહેલા જાણો આ નિયમો, ફક્ત આ લોકોને જ હોય છે પરવાનગી