જલેબી પછી આજકાલ સમોસા ટ્રેન્ડિંગમાં છે ત્યારે શું તમે જાણો છો આ જગ્યાએ 22 પ્રકારના સમોસા બને છે?

હિમાચલ પ્રદેશ, 9 નવેમ્બર: હિમાચલ પ્રદેશમાં સમોસાને લઈને રાજકારણ ગરમાયું છે. પ્રશ્ન એ છે કે, સમોસાના કારણે પણ CIDની તપાસ બોલાવી શકાય. હકીકતમાં, સમગ્ર મામલો CM સુખવિંદર સિંહ સુખુ સાથે જોડાયેલો છે. CM માટે મંગાવેલા સમોસા ભૂલથી તેમના સુરક્ષાકર્મીઓ ખાઈ ગયા હતા. જે બાદ આ કેસની CID તપાસ ચાલી રહી છે. વિપક્ષ પણ આ મામલે CM અને કોંગ્રેસ પર પ્રહારો કરી રહી છે. પરંતુ તમે હિમાચલની એક ખૂબ પ્રખ્યાત સમોસાની દુકાન વિશે જાણો છે. આ દુકાન 51 વર્ષ પહેલા 1973માં સિરમૌર જિલ્લાના પાંવટા સાહિબમાં પાહવા સ્વીટ્સના નામે ખોલવામાં આવી હતી. આ એક દુકાનની હાલ ખૂબ ચર્ચા થઈ રહી છે, કારણ કે આ દુકાન પર 22 પ્રકારના સમોસા બનાવવામાં આવે છે અને વેચાય છે.

પરંતુ હાલમાં અહીં માત્ર 2-3 પ્રકારના સમોસા જ વેચાય છે. આ દુકાનના માલિક કેએસ અરોરા પાહવા છે. તેઓ કહે છે કે, હાલમાં તેઓ સ્ટાફની અછતનો સામનો કરી રહ્યા છે. આવી સ્થિતિમાં માત્ર 2-3 પ્રકારના સમોસા જ બનાવીને વેચવામાં આવી રહ્યા છે. પરંતુ તેની દુકાન પર 22 પ્રકારના સમોસા તૈયાર કરવામાં આવે છે.

આટલા પ્રકારના સમોસા

હાલમાં સ્ટાફની ભરતી કરવામાં આવી રહી છે. જે બાદ ફરીથી 22 પ્રકારના સમોસા વેચવામાં આવશે. તેમની દુકાન પાંવટા સાહિબથી રાજમંદ સતૌન રોડ પર બદ્રીપુર ચોકમાં છે. આ દુકાન તેના પિતાએ શરૂ કરી હતી. તેમની દુકાનના પનીર સમોસા, બટાકાના સમોસા, નૂડલ્સ સમોસા, પાસ્તા સમોસા, ચાઈનીઝ સમોસા, પીઝા સમોસા, સ્ટ્રોબેરી સમોસા, ચોકલેટ ફ્રુટ નટ સમોસા, ચીઝ નૂડલ્સ સમોસા, મંચુરિયન સમોસા, મટર મશરૂમ સમોસા, રબડી સમોસા, પીઝા સમોસા, પનીર સમોસા, મેગી સમોસા, ડ્રાયફ્રુટ સમોસા, મેકરોની સમોસા, ચીલી ચીઝ સમોસા, ચીઝ પનીર સમોસા, મિલ્ક પુડિંગ સમોસા અને કઢાઈ પનીર સમોસા પ્રખ્યાત છે. પરંતુ હાલમાં આ બનાવવામાં આવી રહ્યા નથી.

સમોસાનો ઓર્ડર ઓનલાઈન ઉપલબ્ધ 

મહત્ત્વપૂર્ણ છે કે, આ દુકાન લગ્ન અને અન્ય કાર્યક્રમોના ઓર્ડર પણ લે છે. તેઓ ઓનલાઈન માંગ પર સમોસા પણ સપ્લાય કરે છે. આસપાસના રાજ્યોના લોકો પણ દુકાનમાં સ્ટાફ તરીકે કામ કરે છે. તેમના સમોસા દેશમાં જ નહીં વિદેશમાં પણ પ્રખ્યાત છે. આ દુકાનમાં દરરોજ ઘણા પ્રવાસીઓ સમોસા ખાવા આવે છે. નોંધનીય છે કે આ કેસની તપાસ CIDને સોંપવામાં આવી ત્યારથી હિમાચલમાં સમોસાનો ટ્રેન્ડ ચાલી રહ્યો છે. લોકોમાં પાહવા મીઠાઈની પણ ચર્ચા છે.

આ પણ જૂઓ: જ્યાં સુધી ભાજપ છે ત્યાં સુધી લઘુમતીઓને અનામત નહીં મળે; અમિત શાહની ચેતવણી