કઈ ચાર ટીમો સેમિફાઇનલમાં આવશે ?

WORLD CUP 2023: વર્લ્ડ કપ 2023માં અત્યાર સુધી 26 મેચ રમાઈ છે, જ્યારે આજે (28 ઓક્ટોબરે) બે મેચો છે. પણ એ પેલા આ 26 મેચોના પરિણામ પરથી પણ ખબર પડી રહી છે કે વર્લ્ડ કપ 2023ના સેમિફાઈનલમાં પ્રવેશ માટે કઈ ચાર ટીમો આગળ વધી રહી છે. આવો અમે તમને તે ચાર ટીમો વિશે જણાવીએ અને એ પણ જણાવીએ કે આ ટોપ-4 ટીમો સિવાય બીજી કઈ ટીમ સેમીફાઈનલમાં જગ્યા બનાવી શકે છે.

જો ટેકનિકલી રીતે જોઈએ તો આ વર્લ્ડ કપમાંથી હજુ સુધી કોઈ ટીમ બહાર થઈ નથી. બધી ટીમો 10 પોઈન્ટ સાથે ક્વોલિફાય થઈ શકે છે અને અત્યાર સુધી એવી કોઈ ટીમ નથી કે જે ઓછામાં ઓછા દસ પોઈન્ટ સુધી પહોંચી ન શકે. દસમા ક્રમની નેધરલેન્ડની ટીમ પણ દસ પોઈન્ટ સુધી પહોંચીને સેમિફાઈનલમાં પહોંચી શકે છે.

ટોપ-4 ટીમ સેમિફાઇનલમાં જશે

જો આપણે ટોપ-4 ટીમો વિશે વાત કરીએ, તો હાલમાં પોઈન્ટ ટેબલ પર નંબર વન ટીમ સાઉથ આફ્રિકા છે, જેની પાસે 6 મેચમાં 10 પોઈન્ટ છે અને +2.032 નો ઉત્તમ નેટ રન રેટ છે. તેમના પછી, ભારતીય ટીમ બીજા સ્થાને છે, જેણે અત્યાર સુધી તમામ પાંચ મેચ જીતી છે અને દસ પોઈન્ટ્સ મેળવ્યા છે. ન્યુઝીલેન્ડ પોઈન્ટ ટેબલમાં ત્રીજા સ્થાને છે જેણે 5માંથી 4 મેચ જીતી છે અને 8 પોઈન્ટ બનાવ્યા છે. ત્યારે ચોથા સ્થાને ઓસ્ટ્રેલિયાની ટીમ છે, જેણે 5માંથી ત્રણ મેચ જીતીને 6 પોઈન્ટ મેળવ્યા છે અને પોઈન્ટ ટેબલમાં ચોથા સ્થાને છે. આજે નંબર-3 અને નંબર-4 એટલે કે ન્યુઝીલેન્ડ અને ઓસ્ટ્રેલિયા વચ્ચે મેચ રમાશે, જેના પછી સેમિફાઇનલનો રસ્તો વધુ સ્પષ્ટ થઈ જશે.

POINTS TABLE:

અત્યારે એવું લાગી રહ્યું છે કે દક્ષિણ આફ્રિકા, ભારત, ન્યુઝીલેન્ડ અને ઓસ્ટ્રેલિયા સેમિફાઇનલમાં પહોંચી શકે છે. આ ચાર ટીમોની સેમિફાઇનલમાં પહોંચવાની સૌથી વધુ તકો છે. જો કે, પાંચમા નંબરે શ્રીલંકા છે, જેણે 5માંથી 2 મેચ જીતી છે, અને તેમની ટીમ 12 પોઈન્ટ સુધી પહોંચી શકે છે, તેથી તે સેમીફાઈનલમાં પણ જગ્યા બનાવી શકે છે. આવી જ સ્થિતિ અફઘાનિસ્તાનની છે જો તે બાકીની મેચો જીતે છે, તો તે 12 પોઈન્ટ સુધી પહોંચી શકે છે અને સેમીફાઈનલમાં જઈ શકે છે. આ સિવાય, જો પાકિસ્તાન, બાંગ્લાદેશ, ઈંગ્લેન્ડ અને નેધરલેન્ડની ટીમો બાકીની તમામ મેચો જીતી લે છે, તો તેઓ મહત્તમ દસ પોઈન્ટ સુધી પહોંચવામાં સક્ષમ હશે, અને દસ પોઈન્ટ, સારી નેટ રન રેટ અને અન્ય ટીમોના પ્રદર્શનના આધારે, આ ચાર ટીમો સેમિફાઇનલમાં પણ પહોચી શકે છે. આમ જોવા જઈએ તો હજુ સુધી કોઈ ટીમ સેમીફાઈનલની રેસમાંથી બહાર નથી થઈ.

આ પણ વાંચો: વર્લ્ડકપ બાદ ભારતને મળી શકે છે નવા કોચ, જાણો કોણ છે દાવેદાર