મહાકુંભ ત્રિવેણી સંગમમાં સ્નાન પહેલા કયા દેવતાની પૂજા કરાય છે?
- 13 જાન્યુઆરી, 2025થી મહાકુંભનો પ્રારંભ થયો છે. ત્રિવેણી સંગમમાં સ્નાન કરવા માટે દરરોજ લાખો લોકો આવી રહ્યા છે. મહાકુંભનું સમાપન 26મી ફેબ્રુઆરી, 2025ના રોજ શિવરાત્રીના દિવસે થશે
HD ન્યુઝ ડેસ્કઃ હિંદુ ધર્મમાં પ્રયાગરાજનું એક અલગ જ મહત્ત્વ છે. પ્રયાગરાજમાં ત્રિવેણી સંગમ ખૂબ જ પવિત્ર માનવામાં આવે છે. પ્રયાગરાજમાં આ સ્થાન પર ત્રણ પવિત્ર નદીઓનો સંગમ થાય છે, તેથી જ તેને ત્રિવેણી કહેવામાં આવે છે. અહીં ગંગા, યમુના અને સરસ્વતી નદીઓ મળે છે.
13 જાન્યુઆરી, 2025થી મહાકુંભનો પ્રારંભ થયો છે. મહાકુંભમાં સ્નાન કરવા માટે દરરોજ લાખો લોકો આવી રહ્યા છે. મહાકુંભનું સમાપન 26મી ફેબ્રુઆરી, 2025ના રોજ શિવરાત્રીના દિવસે થશે. મહાકુંભને લાખો લોકોના તીર્થ સમાન માનવામાં આવે છે. આ સમય દરમિયાન લોકો ત્રિવેણી કિનારે સ્નાન કરે છે, દાન કરે છે, જપ કરે છે, તપ કરે છે અને પુણ્યનો લાભ લે છે.
આટલું રાખો ખાસ ધ્યાન
ત્રિવેણી સંગમમાં શ્રદ્ધાથી ડૂબકી મારતા પહેલા ચાલો જાણીએ કે સૌથી પહેલા કયા દેવતાની પૂજા કરવામાં આવે છે. જો તમે પણ મહાકુંભમાં સ્નાન કરવા જઈ રહ્યા છો તો તમારે એ વાતનું પણ ખાસ ધ્યાન રાખવું જોઈએ કે મહાકુંભમાં ત્રિવેણી સંગમમાં સ્નાન કરતા પહેલા તમારે વરુણ દેવની પૂજા અવશ્ય કરવી જોઈએ.
આ પણ વાંચોઃ અવકાશમાંથી જુઓ મહાકુંભનો નજારો, ઇસરો સેટેલાઇટ તસવીરોમાં આ રીતે દેખાય છે મેળો
વરુણ દેવને પાણી અને સમુદ્રના દેવતા માનવામાં આવે છે. તેમના કારણે આપણે બધા પવિત્ર સ્નાનનું પુણ્ય કમાઈએ છીએ. વરુણદેવ વગર જળમાં સ્નાન કરવાથી મહત્ત્વ પ્રાપ્ત થતું નથી. વેદ અને પુરાણોમાં વરુણ દેવનો મહિમા વર્ણવવામાં આવ્યો છે. એટલા માટે જો તમે મહાકુંભમાં જઈ રહ્યા હોવ તો પહેલા વરુણ દેવની પૂજા કરો અને તેમના આશીર્વાદ લઈને પવિત્ર ત્રિવેણી સંગમમાં પ્રવેશ કરો.
મહાકુંભમાં ત્રિવેણી સંગમમાં સ્નાન કરતા પહેલા ભગવાન વિષ્ણુની પૂજા કરો, તેમને પુંડરીકાક્ષ પણ કહેવામાં આવે છે, જેનો અર્થ કમળ જેવી આંખો થાય છે.
આ પણ વાંચોઃ પ્રયાગરાજ મહાકુંભનું છેલ્લું શાહી સ્નાન ક્યારે છે? જાણો તારીખ અને મહત્ત્વ
