દાઉદનું કરાચીમાં ક્યાં છે ઠેકાણું? બંગલા નંબર 37 બહાર ચુસ્ત બંદોબસ્ત
પાકિસ્તાન, 19 ડિસેમ્બર 2023: અંડરવર્લ્ડ ડોન અને મુંબઈ બોમ્બ બ્લાસ્ટના માસ્ટરમાઈન્ડ દાઉદ ઈબ્રાહિમને ઝેર આપવાના સમાચાર વચ્ચે દાઉદના વેવાઈ જાવેદ મિયાંદાદની પ્રતિક્રિયા સામે આવી છે. પૂર્વ પાકિસ્તાની ક્રિકેટર જાવેદ મિયાંદાદે કહ્યું કે તેને નજરકેદમાં રાખવાના સમાચાર ખોટા છે અને દાઉદ પર જે પણ કહેવું હશે તે પાકિસ્તાન સરકાર કહેશે.
હવે દાઉદ ઈબ્રાહિમના ઘર તરફ જતો રસ્તો પણ બંધ કરી દેવામાં આવ્યો છે અને સુરક્ષા વધારી દેવામાં આવી છે. દાઉદ અને તેના ઘરની સુરક્ષા માટે ISI જવાબદાર છે. તેના ઘરમાં બહુ ઓછા લોકોને એન્ટ્રી મળે છે.
અંડરવર્લ્ડ ડોન દાઉદ ઈબ્રાહિમને ઝેર આપીને મારવાનો પ્રયાસ ! કરાચીની હોસ્પિટલમાં દાખલ
બંગલા નંબર 37માં રહે છે અંડરવર્લ્ડ ડોન દાઉદ
કરાચીના ક્લિફ્ટન વિસ્તારની સમગ્ર પાકિસ્તાનમાં એક ખાસ ઓળખ છે, પરંતુ ક્લિફ્ટનની ઓળખ ‘બે તલવાર’થી થાય છે. આ પાકિસ્તાનના સૌથી પોશ વિસ્તારોમાંથી એક છે. દરિયા કિનારે વસેલા આ વિસ્તારમાં માત્ર પ્રભાવશાળી લોકો જ રહે છે, પરંતુ પોશ અને દો તલવાર હોવા ઉપરાંત આજકાલ આ વિસ્તાર એક નવા કારણથી ઓળખાય છે. આ કારણ છે ડોન દાઉદ ઈબ્રાહિમ. હા, દાઉદ ઈબ્રાહિમનો કરાચીની ડિફેન્સ હાઉસિંગ ઓથોરિટી શેરી નંબર 30માં બંગલો છે. આ બંગલાનો નંબર 37 છે.
દાઉદ ઈબ્રાહિમ માર્યો ગયો હોવાનો એક સમાચાર એજન્સીનો દાવો
બંગલા તરફ જતો રસ્તો પણ બંધ કરી દેવાયો
આ બંગલાના દરેક ખૂણા પર સુરક્ષાકર્મીઓ તૈનાત છે. ISIના જવાનો અહીં તૈયાર જોવા મળે છે. ઘરની અંદર માત્ર અમુક જ લોકોને પ્રવેશ આપવામાં આવે છે. દાઉદ ઈબ્રાહિમને ઝેર આપવાના અહેવાલો વચ્ચે સુરક્ષા વધારી દેવામાં આવી છે. હવે દાઉદના બંગલા તરફ જતો રસ્તો પણ બંધ કરી દેવામાં આવ્યો છે. આ રસ્તા પર કોઈને પણ અવર-જવર કરવા દેવામાં આવતી નથી.
