ક્યારે ઉજવવામાં આવશે કરવા ચોથ? જાણો ચંદ્રોદયનો ચોક્કસ સમય

દર વર્ષે કારતક મહિનાના કૃષ્ણ પક્ષની ચતુર્થીના દિવસે કારવા ચોથનો તહેવાર ઉજવવામાં આવે છે. આ દિવસે પરિણીત મહિલાઓ તેમના પતિના લાંબા આયુષ્ય માટે વ્રત રાખે છે. ઘણી જગ્યાએ અવિવાહિત છોકરીઓ પણ સારા વરની ઈચ્છા માટે કરવા ચોથનું વ્રત રાખે છે.

સમગ્ર ઉત્તર ભારતમાં કરવા ચોથનો તહેવાર ધામધૂમથી ઉજવવામાં આવે છે. આ વ્રત સૂર્યોદય પહેલા શરૂ કરવામાં આવે છે અને ચંદ્ર ઉગે ત્યાં સુધી રાખવામાં આવે છે. ચંદ્રના દર્શન થયા પછી જ મહિલાઓ ઉપવાસ તોડે છે. આવો જાણીએ કે આ વખતે કરવા ચોથનો તહેવાર ક્યારે મનાવવામાં આવશે અને તેની સાચી પૂજા પદ્ધતિ શું છે.

કરવા ચોથની તારીખ

આ વખતે કરવા ચોથનો તહેવાર 13 ઓક્ટોબરે ઉજવવામાં આવશે. કરવા ચોથ વ્રતના દિવસે ચંદ્રોદય એટલે કે ચંદ્ર ઉદયનો સમય રાત્રે 8:10 કલાકે છે. આ સમય સુધી મહિલાઓએ નિર્જલા વ્રત રાખવાનું હોય છે. કરવા ચોથની પૂજાનો શુભ સમય સાંજે 6.01 થી 07.15 સુધીનો છે. કરવા ચોથના તહેવારની શરૂઆત સરગીથી થાય છે. તે કરવા ચોથના દિવસે સૂર્યોદય પહેલા ખાવામાં આવે છે. જે મહિલાઓ કરાવવા ચોથ રાખે છે, તેમની સાસુ સરગી બનાવે છે. કરવા ચોથની સાંજે, ચંદ્રોદયના એક કલાક પહેલા, સમગ્ર શિવ પરિવારની વિધિવત પૂજા કરવામાં આવે છે.

આ પણ વાંચો : એક શ્રાપના કારણે રાવણ સીતાજીને સ્પર્શ શુદ્ધા કરી શકતો ન હતો, જાણો તેની પાછળનું કારણ 

કરવા ચોથ પૂજા પદ્ધતિ

કરવા ચોથના દિવસે મહિલાઓએ સવારે સૂર્યોદય પહેલા જાગીને સ્નાન કરી પૂજા ઘરની સફાઈ કરવી જોઈએ. આ પછી સાસુએ આપેલી સરગી ખાધા પછી નિર્જળા વ્રત લેવું. સાંજે બધા દેવી-દેવતાઓને માટીની વેદીમાં સ્થાપિત કરો. તેમાં ઓછામાં ઓછા 13 કરવા જરૂર રાખવા.

પૂજાની થાળીને ધૂપ, દીવો, ચંદન, રોલી અને સિંદૂરથી શણગારો. ચંદ્ર નીકળવાના લગભગ એક કલાક પહેલા પૂજા શરૂ કરો. પૂજા દરમિયાન મહિલાઓ કરવા ચોથની કથા સાંભળે છે. ચાળણી દ્વારા ચંદ્રના દર્શન કર્યા બાદ અર્ઘ્ય ચઢાવવામાં આવે છે. આ પછી, સ્ત્રીઓ પાણી પીને તેમનો ઉપવાસ તોડે છે અને અખંડ સૌભાગ્યવતી હોવા માટે તેમની સાસુ પાસેથી આશીર્વાદ લે છે.