સિંગર માસૂમ શર્માએ ગાયું ‘2 ખટોલે’ ગીત, પોલીસે છીનવ્યું માઈક; જાણો સમગ્ર મામલો
HD ન્યુઝ ડેસ્ક : આજકાલ આપણા દેશમાં લાઈવ મ્યુઝિક કોન્સર્ટનો ટ્રેન્ડ ઘણો વધી ગયો છે. લોકો તેમના મનપસંદ સિંગરના લાઇવ કોન્સર્ટમાં જવાનો આનંદ માણી રહ્યા છે. એવું નથી કે લોકો પહેલા સિંગરના લાઈવ કોન્સર્ટમાં જતા નહોતા, પરંતુ હવે આ ટ્રેન્ડ ઘણો વધી ગયો છે. તમે છેલ્લા કેટલાક દિવસોમાં જોયું હશે કે લોકો ઘણા સિંગરના લાઈવ કોન્સર્ટમાં હાજરી આપવા માટે મોંઘી ટિકિટ ખરીદી રહ્યા છે. હવે તમે વિચારતા હશો કે આપણે અચાનક સિંગરના લાઈવ કોન્સર્ટ વિશે કેમ વાત કરી રહ્યા છીએ. વાત જાણે એમ છે કે હાલમાં સોશિયલ મીડિયા પર એક લાઈવ કોન્સર્ટનો વીડિયો વાયરલ થઈ રહ્યો છે જેમાં પોલીસ માસૂમ શર્માના હાથમાંથી માઈક છીનવી લેતી જોવા મળી રહી છે. પોલીસે માસૂમ શર્માના હાથમાંથી માઈક છીનવી લીધું કારણ કે તે કોન્સર્ટમાં હરિયાણા સરકાર દ્વારા પ્રતિબંધિત ગીત ગાઈ રહ્યો હતો.
View this post on Instagram
માસૂમ શર્માના લાઈવ કોન્સર્ટનો વીડિયો વાયરલ થયો
હાલમાં વાયરલ થઈ રહેલા વીડિયોમાં જોઈ શકાય છે કે હરિયાણવી સિંગર માસૂમ શર્મા સ્ટેજ પર ઉભા છે અને તેમના હાથમાં એક પેમ્ફલેટ છે. ઘણા બધા પોલીસકર્મીઓ પણ ત્યાં ઉભા છે. તે પોતાના ચાહકોને કહી રહ્યો છે કે, ‘ખાટોલા ગીત ગાઈ શકતો નથી. ઠીક છે, સરકારે ના પાડી, બીજા ગાશે. આજે હું ખટોલા ગીત નહીં ગાઈશ, તું ગા. આ પછી માસૂમ શર્મા પોતે આ ગીતની એક પંક્તિ ગાય છે અને જનતા તેની પાછળ ગાવાનું શરૂ કરે છે. જોકે, એક લાઈન ગા્યા પછી, પોલીસ માસૂમ શર્માના હાથમાંથી માઈક છીનવી લે છે. બીજા એક વીડિયોમાં, પોલીસ લોકોને ઘરે જવા અને સંગીત બંધ કરવાનું કહેતી જોવા મળે છે, કારણ કે સમય પૂરો થઈ ગયો છે.
View this post on Instagram
ખટોલા ગીત પર પ્રતિબંધ કેમ મૂકવામાં આવ્યો છે?
વાયરલ થઈ રહેલા મ્યુઝિક લાઈવ કોન્સર્ટનો વીડિયો ગુરુગ્રામના લેસર વેલી પાર્કનો છે. હવે તમને થશે કે આ ગીત પર પ્રતિબંધ કેમ મૂકવામાં આવ્યો છે. વાત જાણે એમ છે કે હરિયાણા સરકારે ગન કલ્ચરનો ઉલ્લેખ કરતા કેટલાક ગીતો પર પ્રતિબંધ મૂક્યો છે જેથી ગન કલ્ચરને રોકી શકાય. તે પ્રતિબંધિત ગીતોમાંનું એક માસૂમ શર્માનું ‘2 ખટોલે’ છે, જે પોલીસે તેમને ગાતા અટકાવ્યું હતું. હરિયાણા સરકારે ગન કલ્ચર હેઠળ માસૂમ શર્માના કેટલાક વધુ ગીતો પર પ્રતિબંધ મૂક્યો છે. શોમાં આ ગીત ગાયા પછી, પોલીસે તેને આ શરતે છોડી દીધો કે જો આવું ફરીથી થશે તો FIR નોંધવામાં આવશે.
આ પણ વાંચો : ફિક્સ્ડ ડિપોઝિટ: માર્ચ 31 પૂર્વે આ બે FDમાં કરો રોકાણ, આપી રહી છે મજબૂત વળતર
