ધોનીની ફેરવેલ મેચ ક્યારે? IPLમાં આ ટીમ સામે છેલ્લી મેચ રમી શકે

ક્રિકેટર મહેન્દ્ર સિંહ ધોનીની IPLમાંથી વિદાય માટે તખ્તો તૈયાર થઈ ગયો છે. તમિલનાડુમાં થાલા તરીકે પ્રખ્યાત માહી તેની છેલ્લી મેચ 14 મેના રોજ ચેન્નાઈના ચેપોક સ્ટેડિયમમાં રમી શકે છે. IPLની 16મી આવૃત્તિનું શેડ્યૂલ જાહેર કરવામાં આવ્યું છે. જો CSK પ્લેઓફ માટે ક્વોલિફાય કરવામાં નિષ્ફળ જાય, તો ધોનીની વિદાય મેચ કોલકાતા નાઈટ રાઈડર્સ સામે થઈ શકે છે. IPLમાં CSK તેમના અભિયાનની શરૂઆત ડિફેન્ડિંગ ચેમ્પિયન ગુજરાત ટાઇટન્સ સામે કરશે.

CSKના એક અધિકારીએ કહ્યું, ‘હા, એક ખેલાડી તરીકે એમએસની આ છેલ્લી સિઝન હશે. આ આપણે અત્યાર સુધી જાણીએ છીએ. દેખીતી રીતે તે તેનો નિર્ણય છે. તેણે ટીમ મેનેજમેન્ટને સત્તાવાર રીતે કહ્યું નથી કે તે નિવૃત્તિ લેશે. CSK ચાહકો માટે સારા સમાચાર છે કે IPL ચેન્નાઈમાં પરત ફરી રહ્યું છે. પરંતુ ધોની તેની છેલ્લી સિઝન રમશે તે અમારા માટે સારું રહેશે નહીં.

આ પણ વાંચોઃ IND vs AUS: રોમાંચક બની દિલ્હી ટેસ્ટ, બીજા દિવસના અંતે ઓસ્ટ્રેલિયાને 62 રનની લીડ

ધોની 2008થી CSKના કેપ્ટન

મહેન્દ્ર સિંહ ધોની પહેલી સીઝન એટલે કે 2008થી CSKની કેપ્ટનશીપ કરી રહ્યો છે. CSK પર 2 વર્ષનો પ્રતિબંધ મુકાયા બાદ ધોની કેપ્ટન તરીકે પરત ફર્યો હતો. ગત સિઝનમાં ધોનીએ કેપ્ટનશિપની જવાબદારી રવિન્દ્ર જાડેજાને સોંપી હતી પરંતુ જાડેજા ટીમને જીત અપાવવામાં નિષ્ફળ રહ્યો હતો. આવી સ્થિતિમાં જાડેજા પાસેથી ધોનીને કેપ્ટનશિપ આપવામાં આવી હતી. IPLની 15મી સિઝનમાં 8 મેચ બાદ જ ધોનીને બે વખત કેપ્ટનશિપ આપવામાં આવી હતી.

14મીએ છેલ્લી મેચ રમી શકે છે ધોની

41 વર્ષીય ધોની તેની છેલ્લી IPL સિઝનને યાદગાર બનાવવા માંગે છે. ધોનીની કપ્તાનીમાં CSK પાંચમી વખત ટાઈટલ જીતવાના ઈરાદા સાથે મેદાનમાં ઉતરશે. જો CSK પ્લેઓફ માટે ક્વોલિફાય કરવામાં નિષ્ફળ જાય છે, તો ધોની 14 મેના રોજ ચેન્નાઈમાં કોલકાતા નાઈટ રાઈડર્સ સામે તેની છેલ્લી મેચ રમશે. ધોની પહેલા જ કહી ચૂક્યો છે કે તે છેલ્લી મેચ તેના ઘરઆંગણાના દર્શકોની સામે રમવા માંગશે.