લગ્ન ક્યારે થયાં? ઋતિક રોશને સબા આઝાદ સાથે એનિવર્સરી પોસ્ટ શેર કરી, ફેન્સ મૂંઝવણમાં
- ઋતિક રોશન દ્વારા શેર કરવામાં આવેલી પોસ્ટમાં ઘણા સેલિબ્રિટીઓએ પ્રતિક્રિયા આપી
નવી દિલ્હી, 2 ઓકટોબર: ઋતિક રોશન લાંબા સમયથી સબા આઝાદને ડેટ કરી રહ્યો છે. બંને ઘણીવાર જાહેર કાર્યક્રમોમાં સાથે જોવા મળે છે. આ બંને રજાઓ પણ સાથે મનાવે છે. બંને ક્યારેય તેમના સંબંધોને સ્વીકારવામાં પાછળ પડ્યા નથી. સોશિયલ મીડિયા પર તેમના પ્રેમને શેર કરવાથી લઈને ઇન્ટરવ્યુમાં તેમના સંબંધો વિશે વાત કરવા સુધી, બંને ક્યારેય શરમાતા નથી. જોકે સબા આઝાદ ઋતિક રોશન કરતા 12 વર્ષ નાની છે, તેમ છતાં બંને વચ્ચે અદ્ભુત તાલમેલ અને કેમેસ્ટ્રી છે. બંનેને રિલેશનશિપમાં રહ્યાને હવે ત્રણ વર્ષ થઈ ગયા છે અને આ ખાસ અવસર પર બંનેએ ખાસ પોસ્ટ શેર કરી છે, જેના પર ઘણા સેલિબ્રિટીઓએ પ્રતિક્રિયા આપી છે. પરંતુ આ પોસ્ટ્સ જોઈને કેટલાક લોકો કન્ફ્યુઝ થઈ ગયા છે.
જૂઓ અહીં આ પોસ્ટ
View this post on Instagram
ઋતિક અને સબાની ખાસ પોસ્ટ
ઋતિક રોશન અને સબા આઝાદ આ દિવસોમાં રજાઓ સેલિબ્રેટ કરી રહ્યા છે અને બંનેએ પોતાના ઈન્સ્ટાગ્રામ હેન્ડલ પર તેની એક તસવીર શેર કરી છે. ઋતિકે તેની પોસ્ટને કેપ્શન આપ્યું છે કે, ‘હેપ્પી એનિવર્સરી પાર્ટનર (હાર્ટ ઇમોજી) 1.10.2024’. અભિનેતાની પૂર્વ પત્ની સુઝેન ખાને આ પોસ્ટ પર તેની પ્રતિક્રિયા શેર કરી છે. તેણીએ લખ્યું છે કે, ‘સુપર ફોટો.’ ઋતિકની બહેન પશ્મિનાએ કમેન્ટ કરી કે, ‘ઓહ માય ડે’. જ્યારે ફાઈટરના કો-સ્ટાર અક્ષય ઓબેરોયે લખ્યું કે, ‘તમે બંનેને ઘણી બધી ખુશીઓ મળે.’ સબાએ પણ આ જ ફોટો પોતાના ઈન્સ્ટાગ્રામ હેન્ડલ પર શેર કર્યો અને લખ્યું છે, ‘હેપ્પી 3 વર્ષ પાર્ટનર (હાર્ટ ઈમોજી) 1.10.2024.’
લોકો મૂંઝવણમાં મુકાયા
હવે આ એનિવર્સરી પોસ્ટ જોઈને લોકો કન્ફ્યુઝ થઈ ગયા છે અને તેને લગ્ન સાથે જોડી રહ્યા છે. લોકો પ્રશ્ન પૂછી રહ્યા છે કે બંનેના લગ્ન ક્યારે થયા. ઋતિક રોશનના એક પ્રશંસકે લખ્યું કે, ‘લગ્ન ક્યારે થયાં?‘ એક વ્યક્તિએ લખ્યું કે, ‘શું તેઓના લગ્ન પરિણીત થઈ ગયા છે?‘ જ્યારે બીજાએ પૂછ્યું કે, ‘તમે લગ્ન વિશે તો જણાવ્યું નથી તો હવે એનિવર્સરી કેવી રીતે.’ આવા બીજા ઘણા પ્રશ્નો છે. મહત્ત્વપૂર્ણ છે કે, ઋતિક રોશન અને સબા આઝાદે લગ્ન કર્યા નથી, બંને હજુ પણ રિલેશનશિપમાં છે. બંનેએ ડેટિંગના ત્રણ વર્ષ પૂરા કર્યા છે, જેની ઉજવણી તેઓ સાથે કરી રહ્યા છે.
પહેલીવાર આ રીતે સાથે જોવા મળ્યા
ઉલ્લેખનીય છે કે, ઋતિક અને સબા પહેલીવાર ફેબ્રુઆરી 2022માં ડિનર ડેટ પર સાથે જોવા મળ્યા હતા. આ પછી બંને 2022માં કરણ જોહરના 50મા જન્મદિવસ પર પાર્ટીમાં હાથમાં હાથ નાખીને પહોંચ્યા હતા. સબા હાલમાં જ ઋતિકના પિતા રાકેશ રોશનના ઘરે ગણેશ ચતુર્થી 2024ની ઉજવણીમાં જોવા મળી હતી. ગત દિવાળીએ પણ તે પરિવાર સાથે જોવા મળી હતી. તે પિંકી રોશન, સુનૈના રોશન અને રોશન પરિવારના અન્ય સભ્યો સાથે ઘણી પૂજાઓમાં ભાગ લેતી જોવા મળી છે અને હવે તે ફેમિલી ફોટોઝનો પણ ભાગ બનવા લાગી છે.
અગાઉ સુઝાન સાથે કર્યા હતા લગ્ન
ઋતિક રોશને અગાઉ ઈન્ટિરિયર ડિઝાઈનર સુઝેન ખાન સાથે લગ્ન કર્યા હતા અને તેમને બે પુત્રો છે, રિહાન અને ઋદાન. બંનેએ 2014માં છૂટાછેડા લીધા હતા અને તેઓ તેમના પુત્રોનો ઉછેર કરી રહ્યા છે. સુઝેન પીઢ અભિનેતા સંજય ખાન અને ઝરીન ખાનની પુત્રી છે. હાલમાં તે અભિનેતા અર્સલાન ગોનીને ડેટ કરી રહી છે. ઋતિક આગામી સમયમાં અયાન મુખર્જી દ્વારા નિર્દેશિત YRFની ‘વોર 2’માં જોવા મળશે. ફિલ્મમાં જુનિયર NTR અને કિયારા અડવાણી પણ મહત્ત્વની ભૂમિકામાં છે.
આ પણ જૂઓ: બધી ફરિયાદો ભૂલીને કાશ્મીરા શાહ મામા ગોવિંદાને મળવા પહોંચી હોસ્પિટલ, જુઓ વીડિયો
