જ્યારે ધર્મેન્દ્રએ અમિતાભ બચ્ચન પર ચલાવી દીધી હતી અસલી ગોળી, જુઓ જે બાદ શું થયું હતું
- અમિતાભ બચ્ચને ફિલ્મ શોલેનો કિસ્સો યાદ કર્યો
- 1975માં રિલીઝ થયેલી ફિલ્મના શૂટિંગ દરમિયાન સહેજથી બચ્યો હતો જીવ
મુંબઈ, 20 જુલાઈ : અમિતાભ બચ્ચન અને ધર્મેન્દ્રની ફિલ્મ ‘શોલે‘ હિન્દી સિનેમાની સૌથી યાદગાર ફિલ્મોમાંની એક માનવામાં આવે છે. આ એક એવી આઇકોનિક ફિલ્મ છે, જેના ડાયલોગ લોકો દિલથી યાદ કરે છે. શોલે ફિલ્મ જેટલી મોટી હિટ રહી હતી, ફિલ્મના નિર્માણ દરમિયાનની વાર્તાઓ પણ એટલી જ પ્રખ્યાત બની હતી. આ ફિલ્મ સાથે જોડાયેલા કલાકારો જ્યાં પણ જાય છે, લોકો તેમની પાસેથી ફિલ્મ શોલેની વાર્તા જાણવા માંગે છે. આ ફિલ્મ સાથે જોડાયેલી આવી જ એક ઘટના એક વખત ખુદ અમિતાભ બચ્ચને શેર કરી હતી. તેણે જણાવ્યું કે કેવી રીતે ફિલ્મના એક સીન દરમિયાન તેનો જીવ માંડ-માંડ બચ્યો હતો.
આ પણ વાંચો : NEET UG 2024નું કેન્દ્ર અને શહેરવાર પરિણામ જાહેર, સીધી લિંક પરથી કરો ચેક
અમિતાભ બચ્ચને જણાવ્યો સમગ્ર કિસ્સો
અમિતાભ બચ્ચને તેના ક્વિઝ શો ‘કૌન બનેગા કરોડપતિ‘ દરમિયાન એક સ્પર્ધક સાથે આ વિશે વાત કરી હતી. વાસ્તવમાં, તે સ્પર્ધકે અમિતાભ બચ્ચનને કહ્યું હતું કે જો શોલે ફિલ્મમાં ધર્મેન્દ્રના પાત્ર ‘વીરુ’ પાસે વધુ હથિયાર હોત તો અમિતાભના પાત્ર ‘જય’નો જીવ બચી ગયો હોત. આ વાતચીત દરમિયાન અમિતાભે કહ્યું કે 1975માં રિલીઝ થયેલી આ ફિલ્મના શૂટિંગ દરમિયાન તેણે લગભગ પોતાનો જીવ માંડ-માંડ બચાવ્યો હતો.
પિસ્તોલમાં ગોળીઓ ભરતી વખતે એક અસલી ગોળી સામેલ થઇ ગઈ
અમિતાભે જણાવ્યું કે ફિલ્મના ક્લાઈમેક્સ સીનમાં ધર્મેન્દ્રને ગુંડાઓ પર ગોળીઓ ચલાવવાની હતી, પિસ્તોલને ગોળીઓથી ભરતી વખતે ધર્મેન્દ્રને ફાયરિંગ કરવાનું હતું. આ સમય દરમિયાન, જાણી શકાયું નહિ કે બંદૂકમાં એક અસલી કારતૂસ કેવી રીતે શામેલ થઈ ગયું અને શૂટિંગ દરમિયાન ધર્મેન્દ્રએ ફાયરિંગ પણ કરી દીધું. અમિતાભે કહ્યું કે આ ગોળી મારા કાન પાસેથી પસાર થઈ અને મેં તેનો અવાજ સાંભળ્યો. એ અસલી ગોળી હતી. જો સહેજ પણ ભૂલ થઈ હોત તો ગોળી લાગી ગઈ હોત.
આ પણ વાંચો : ચીનમાં પૂરના કારણે પુલ તૂટી પડ્યો, 11નાં મૃત્યુ, બચાવ કાર્ય શરુ
