સિનેમાઘરોમાં ધૂમ મચાવતી ગદર 2 ક્યારે અને કયા OTT પ્લેટફોર્મ પર થશે રિલીઝ? જાણો અહીં

• સની દેઓલની ફિલ્મ ગદર 2 હજુ પણ સિનેમાઘરોમાં ધૂમ મચાવી રહી છે. ત્યારે હવે આ ફિલ્મ ટૂંક સમયમાં OTT પ્લેટફોર્મ પર રિલીઝ થવા જઈ રહી છે.

Gadar 2 OTT Release: સની દેઓલની ફિલ્મ ગદર-2 સિનેમાઘરોમાં 11 ઓગસ્ટ 2023ના રોજ રિલીઝ થઈ હતી. આ ફિલ્મને રિલીઝ થયાને એક મહિનાથી વધુ સમય થઈ ગયો છે અને તેની કમાણી હજુ પણ બોક્સ ઓફિસ પર ચાલુ જ છે. અનિલ શર્માના ડાયરેક્શનમાં બનેલી ગદર-2 ને દર્શકો તરફથી ખુબજ સારો પ્રતિસાદ મળ્યો છે. જેના કારણે આ ફિલ્મ બોક્સ ઓફિસ પર સફળ સાબિત થઈ છે. શાહરૂખ ખાનની જવાન રિલીઝ થયા બાદ પણ ગદર 2ની સફળતાનો સિલસિલો યથાવત રહ્યો છે. ગદર 2 એ બોક્સ ઓફિસ પર ઘણા રેકોર્ડ તોડ્યા છે અને હવે તે OTT પ્લેટફોર્મ પર રિલીઝ થવાની તૈયારમાં છે.

OTT પ્લેટફોર્મ પર ગદર 2 કઈ તારીખે અને કયાં રિલીઝ થશે?

રિપોર્ટ અનુસાર, ગદર 2નું OTT પ્રીમિયર 6 ઓક્ટોબર 2023ના રોજ ZEE5 પર રિલીઝ થશે. જો કે ફિલ્મ તેના થિયેટરમાં રિલીઝ થયાના ચાર અઠવાડિયા પછી જ OTT પ્લેટફોર્મ પર રિલીઝ થઈ શકે છે, પરંતુ ગદર 2 બોક્સ ઓફિસ પર મજબુત કમાણી કરી રહી હતી, તેથી તેને OTT પ્લેટફોર્મ પર રિલીઝ કરવામાં રાહ જોવડાવામાં આવી રહી છે.

ગદર 2એ બોક્સ ઓફિસ પર કેટલું કર્યું કલેક્શન?

ગદર 2ના બોક્સ ઓફિસ કલેક્શનની વાત કરીએ તો ફિલ્મે શરૂઆતના દિવસે 35 કરોડ રૂપિયાનું કલેક્શન કર્યું હતું. અત્યાર સુધી આ ફિલ્મે ભારતમાં 517.28 કરોડ રૂપિયાનો બિઝનેસ કર્યો છે. ગદર 2 એ પણ વિશ્વભરમાં જોરદાર કલેક્શન કર્યું છે.

આ પણ વાંચો: આસિસ્ટન્ટના લગ્નમાં સરપ્રાઇઝ આપવા પહોંચેલા ધનુષની સાદગી પર ફેન્સ ફીદા