અલ્લુ અર્જુનના સસરા કોંગ્રેસના મોટા નેતા, જમાઈને મળવા પોલીસ સ્ટેશન પહોંચ્યા ચંદ્રશેખર રેડ્ડી
HD ન્યૂઝ ડેસ્ક : સાઉથનો સુપરસ્ટાર અલ્લુ અર્જુન મુશ્કેલીમાં છે. અભિનેતાની તેલંગાણા પોલીસે ધરપકડ કરી છે અને તેને ચિક્કડપલ્લી પોલીસ સ્ટેશનમાં રાખવામાં આવ્યો છે. અલ્લુ પર લગાવવામાં આવેલી કલમો બિનજામીનપાત્ર છે. તેલંગાણામાં કોંગ્રેસની સરકાર છે અને અલ્લુ અર્જુનના સસરા કાંચરલા ચંદ્રશેખર રેડ્ડી કોંગ્રેસના મોટા નેતા છે. અલ્લુની ધરપકડના સમાચાર બાદ તે પોલીસ સ્ટેશન પહોંચી ગયા છે.
સાઉથમાં અલ્લુ અને કોનિડેલાનો પરિવાર ઘણો મોટો અને સેલિબ્રિટીથી ભરેલો છે. અલ્લુ અર્જુન પોતે સાઉથનો મોટો ચહેરો છે અને તેમના સસરા કંચરાલા ચંદ્રશેખર રેડ્ડી રાજકારણમાં છે. તેઓ અગાઉ BRS (હવે TRS)માં હતા, પરંતુ ચૂંટણી પહેલા કોંગ્રેસમાં જોડાયા હતા.
#WATCH | Telangana: Actor Allu Arjun’s father-in-law Kancharla Chandrasekhar Reddy arrives at the Chikkadpally police station in Hyderabad.
Allu Arjun has been brought here for questioning in connection with the case of death of a woman at Sandhya theatre on December 4. pic.twitter.com/ojUDX4WO3y
— ANI (@ANI) December 13, 2024
અલ્લુ અર્જુનના સસરા કાંચરલા ચંદ્રશેખર રેડ્ડી અગાઉ પૂર્વ મુખ્યમંત્રી કે ચંદ્રશેખર રાવની પાર્ટી BRSનો ભાગ હતા. 16 ફેબ્રુઆરી, 2024 ના રોજ, તેઓ BRS છોડીને કોંગ્રેસમાં જોડાયા. ચંદ્રશેખર રેડ્ડી લાંબા સમયથી નાલગોંડાના નાગાર્જુન સાગરમાં બીઆરએસ નેતા છે. કાંચરલા ચંદ્રશેખર રેડ્ડીની પુત્રી સ્નેહા રેડ્ડીના લગ્ન અલ્લુ અર્જુન સાથે થયા છે.
ઉલ્લેખનીય છે કે 4 ડિસેમ્બરે હૈદરાબાદના સંધ્યા થિયેટરમાં હંગામો થયો હતો. ત્યાં અલ્લુ અર્જુનની ફિલ્મ પુષ્પા 2નું સ્ક્રીનિંગ ચાલી રહ્યું હતું. આ અકસ્માતમાં 35 વર્ષની મહિલાનું અવસાન થયું હતું. આ મામલામાં પોલીસે અલ્લુ અર્જુન અને થિયેટર મેનેજમેન્ટ વિરુદ્ધ FIR નોંધી હતી. હવે આ કેસમાં અલ્લુ અર્જુનની ધરપકડ કરવામાં આવી છે.
આરોપ છે કે તેલંગાણા પોલીસને એ વાતની જાણ નહોતી કે અલ્લુ અર્જુન સ્ક્રીનિંગ માટે થિયેટરમાં આવવાનો છે. જ્યારે થિયેટર મેનેજમેન્ટને આ અંગેની જાણ હતી. જો પોલીસને જાણ હોત તો વધુ સુરક્ષા વ્યવસ્થા ગોઠવી શકાઈ હોત. આ સિવાય દર્શકો માટે અલગથી પ્રવેશ કે બહાર નીકળવાની કોઈ વ્યવસ્થા નહોતી. થિયેટરમાં ભારે ભીડ આવતા અને સુરક્ષાના અભાવે નાસભાગ મચી ગઈ હતી.
આ પણ વાંચો : પોતાની સોનાની ચેન કેમ વેચી રહ્યાં છે ફેસબુકના માલિક માર્ક ઝકરબર્ગ? જાણી લો કિંમત
ઝડપથી સમાચાર મેળવવા માટે જોઈન કરો અમારા વોટ્સઅપ ગ્રુપમાં
