નવા વર્ષમાં WhatsApp યુઝરને ઝટકો: જૂના ફોનમાં વોટ્સએપ નહીં ચાલે

નવી દિલ્હી, ૧ જાન્યુઆરી, નવા વર્ષ 2025માં ઘણા વોટ્સએપ વપરાશકર્તાઓને આંચકો લાગી શકે છે. નવા વર્ષમાં ઘણા લોકોના ફોનમાં વોટ્સએપ કામ કરવાનું બંધ થઈ જશે. આ વિશ્વમાં સૌથી વધુ ઉપયોગમાં લેવાતા ઇન્સ્ટન્ટ મેસેજિંગ પ્લેટફોર્મ પૈકીનું એક છે.  WhatsAppની પેરેન્ટ કંપની Meta એ ઘણા જૂના ઉપકરણો માટે એપ સપોર્ટ સમાપ્ત કરવાનો નિર્ણય લીધો છે જેથી અન્ય વપરાશકર્તાઓને વધુ સારી સુરક્ષા અને કાર્યક્ષમતાનો લાભ મળી શકે.

આજે વર્ષનો પહેલો દિવસ છે, આજથી કેલેન્ડર બદલાયું છે. 2025માં 13 મહત્ત્વની બાબતો પણ બદલાઈ રહી છે. નવા વર્ષની શરૂઆત સાથે લોકપ્રિય મેસેજિંગ પ્લેટફોર્મ વોટ્સએપ ઘણા જૂના સ્માર્ટફોન માટે એપ સપોર્ટ બંધ કરી રહ્યું છે. મતલબ કે જે યુઝર્સની પાસે આ જૂના સ્માર્ટફોન છે તો તેમણે હવે WhatsAppનો ઉપયોગ કરવા માટે નવો ફોન ખરીદવો પડશે.WhatsApp સતત નવા ફીચર્સ એડ કરી રહ્યું છે, જેના કારણે કેટલાક જૂના ડિવાઇસ હવે તેને સપોર્ટ કરશે નહીં. આનો અર્થ એ છે કે WhatsApp કેટલાક જૂના એન્ડ્રોઇડ ઉપકરણો પર કામ કરશે નહીં.

મેસેજિંગ એપના વિશ્વભરમાં લગભગ બે અબજ યુઝર્સ છે અને ભારતમાં તેનો મોટો યુઝરબેઝ છે. 1 જાન્યુઆરી 2025થી શરૂ કરીને 20થી વધુ Android ફોન્સ માટે WhatsApp સપોર્ટ સમાપ્ત થઈ રહ્યું છે. આવું એટલા માટે થઈ રહ્યું છે કારણ કે આ ઉપકરણો જૂના જૂના Android વર્ઝન પર કામ કરે છે. ઉદાહરણ તરીકે, Android 4.4 Kitkat અથવા જૂના સોફ્ટવેર વર્ઝન પર ચાલતા ફોનમાં WhatsApp પર ચેટિંગ હવે શક્ય બનશે નહીં.

જાણો કયા ફોનમાં નહિ ચાલે વોટ્સએપ
જૂના એન્ડ્રોઈડ ફોન પર આજથી વોટ્સએપ સપોર્ટ બંધ થઈ રહ્યું છે. આ ફોન્સમાં Samsung Galaxy S3, Samsung Galaxy Note 2, Samsung Galaxy S4 Mini, Motorola Moto G (1st જનરેશન), Motorola Razr HD, Moto E 2014, HTC One X, HTC One X+, HTC Desire 500, HTC Desire 601, LGનો સમાવેશ થાય છે. Optimus G, LG Nexus 4, LG G2 Mini, LG L90, Sony Xperia Z, Sony Xperia SP, Sony Xperia T અને Sony Xperia V જેવા ઘણા જૂના Android ફોનનો સમાવેશ થાય છે.

આ પણ વાંચો..નવા વર્ષના પ્રથમ દિવસે સોનું-ચાંદી થયું સસ્તું, જાણો આજનો લેટેસ્ટ ભાવ