ચંદ્રયાન 3ની આજે છેલ્લી સાંજ, આ 4 તબક્કા ભારે, લૈડિંગની છેલ્લી 15 મિનિટમાં શું થશે?

• ચંદ્રયાન-3ના લૈડિંગ પહેલા આખો દેશ પ્રાર્થના કરી રહ્યો છે. ચાર વર્ષ પહેલા જે મિશન અધૂરું રહી ગયું હતું તે હવે પૂર્ણ થવાની આશા છે. ચંદ્રયાન-3ના લેન્ડિંગની છેલ્લી ક્ષણો ખૂબ જ મહત્વપૂર્ણ બની રહી છે.

ભારતનું મિશન ચંદ્રયાન-3 બુધવારે સાંજે 6.40 કલાકે ચંદ્રની સપાટી પર ઉતરશે. તે ક્ષણ હવે આવવાની જ છે, જેની રાહ માત્ર ભારતના 140 કરોડ લોકો જ નથી, પરંતુ સમગ્ર વિશ્વ પણ રાહ જોઈ રહ્યું છે. જ્યારે વિક્રમ લેન્ડર ચંદ્રના દક્ષિણ ધ્રુવ પર પગ મૂકશે, ત્યારે ત્રિરંગો ગર્વથી અહીં લહેરાશે અને થોડા સમય પછી પ્રજ્ઞાન રોવર ફરીથી પોતાનું કામ શરૂ કરશે. પરંતુ ચંદ્રની સપાટી પર લૈડિંગ પહેલાની 15 મિનિટ ચંદ્રયાન-3 માટે ખૂબ જ મહત્વપૂર્ણ રહેશે.

લેન્ડિંગના થોડા સમય પહેલા જ ઓટોમેટિક સિસ્ટમ ચાલુ કરાશે:

સાંજે 5.44 કલાકે ISROના સ્પેસ સેન્ટરમાંથી વિક્રમ લેન્ડરને છેલ્લો આદેશ મોકલવામાં આવશે, માત્ર આ આદેશ અંતિમ છે અને તે પછી વિક્રમ લેન્ડરે બધું જાતે જ કરવાનું રહેશે. એટલે કે લૈડિંગની જગ્યા પસંદ કરવાથી માંડીને સપાટી પર ઉતરવા અને પ્રજ્ઞાન બહાર આવવા સુધીના તમામ નિર્ણયો તે પોતે જ લેશે. ઈસરોએ માહિતી આપી છે કે તે લેન્ડિંગના થોડા સમય પહેલા ઓટોમેટિક સિસ્ટમ ચાલુ કરશે.

વિક્રમ લેન્ડરના લૈડિંગ પહેલાની છેલ્લી 15 મિનિટ, જે ખૂબ જ મહત્વપૂર્ણ છે, આ ચાર તબક્કા સૌથી મહત્વપૂર્ણ છે:

• પ્રથમ રફ બ્રેકિંગ તબક્કો: આ ત્યારે શરૂ થશે જ્યારે ચંદ્રયાન 745.5 કિમી દૂર અને લેન્ડિંગ સાઇટથી 30 કિમી ઉપર હશે.
• સેકન્ડ એટીટ્યુડ હોલ્ડ તબક્કો: તે લૈડિંગ સ્થળથી 32 કિમી દૂર અને 7.4 કિમીની ઉંચાઈથી શરૂ થશે.
• ત્રીજો ફાઇન બ્રેકિંગ તબક્કો: તે લેન્ડિંગ સાઇટથી 28.52 કિમી અને 6.8 કિમીની ઉંચાઈથી શરૂ થશે.
• ચોથો ટર્મિનલ ડિસેન્ટ ફેઝઃ જે લેન્ડિંગ સાઇટથી માત્ર 800 થી 1300 મીટરની ઊંચાઈ પર હશે. આ તબક્કામાં ચંદ્રયાન લેન્ડિંગ સાઇટ પર ઉતરશે.

આ પણ વાંચો: Chandrayaan 3 Landing: જો આખી યોજના સફળ રહી તો ભારતનો વાગશે દુનિયામાં ડંકો