PM નરેન્દ્ર મોદીએ શું પ્રતિભાવ આપ્યા વચગાળાના બજેટ વિશે?
નવી દિલ્હી, 01 ફેબ્રુઆરી :કેન્દ્રીય બજેટ 2024 લોકસભા ચૂંટણી પહેલા કેન્દ્રીય નાણા મંત્રી નિર્મલા સીતારમણે આજે વચગાળાનું બજેટ રજૂ કર્યું. નાણામંત્રી તરીકે આ તેમનું છઠ્ઠું બજેટ હતું અને મોદી સરકારના બીજા કાર્યકાળનું આ છેલ્લું બજેટ. લોકસભાની ચૂંટણી પછી સરકાર રચાય ત્યાં સુધી વચગાળાનું બજેટ દેશની નાણાકીય જરૂરિયાતોને પૂરી કરશે. નવી સરકારની રચના બાદ સંપૂર્ણ બજેટ રજૂ કરવામાં આવશે. વચગાળાના બજેટ અંગે વડાપ્રધાન નરેન્દ્ર મોદીની પ્રતિક્રિયા, આ બજેટ સૌના વિકાસ માટે છે, આ બજેટ યુવા ભારતની યુવા આકાંક્ષાઓનું પ્રતિબિંબ છે. બજેટમાં બે મહત્ત્વના નિર્ણયો લેવામાં આવ્યા છે. સ્ટાર્ટઅપ્સને પણ છૂટની જાહેરાત કરવામાં આવી છે. તેમજ, નાણાકીય ખાધ પર પણ નિયંત્રણ રાખવામાં આવ્યું છે.
View this post on Instagram
બજેટ બાદ પ્રતિક્રિયા આપતા વડાપ્રધાન નરેન્દ્ર મોદીએ કહ્યું કે, આ બજેટમાં સાતત્યનો વિશ્વાસ છે. આ બજેટ વિકસિત ભારતના ચાર સ્તંભો (યુવા, ગરીબ, મહિલા અને ખેડૂતો)ને મજબૂત બનાવશે. દેશનું ભવિષ્ય ઘડવાનું આ બજેટ છે. આ 2047ના સમૃદ્ધ ભારતનો પાયો મજબૂત કરવાની ખાતરી આપે છે. આ માટે નાણામંત્રી નિર્મલા સીતારમણ અને તેમની ટીમને અભિનંદન. આ બજેટ યુવા ભારતની યુવા આકાંક્ષાઓનું પ્રતિબિંબ છે. આ અંગે અમે બે મહત્વપૂર્ણ નિર્ણયો લીધા છે. રિસર્ચ અને ઈનોવેશન માટે 1 લાખ કરોડ રૂપિયાનું ફંડ રાખવામાં આવ્યું છે. બજેટમાં સ્ટાર્ટ-અપ માટે ઉપલબ્ધ કર મુક્તિનો વિસ્તાર કરવામાં આવ્યો છે. મૂડીખર્ચને ઐતિહાસિક ઉચ્ચ સ્તર આપવામાં આવ્યું છે.
#ViksitBharatBudget is a reflection of the aspirations of India's youth. pic.twitter.com/u6tdZcikzY
— PMO India (@PMOIndia) February 1, 2024
પીએમ મોદીના કહેવા પ્રમાણે, આપણે એક મોટું લક્ષ્ય નક્કી કરીએ છીએ અને તેને હાંસલ કરીએ છીએ અને પછી તેનાથી પણ મોટું લક્ષ્ય નક્કી કરીએ છીએ. અમારી સરકારે ગરીબો માટે ચાર કરોડ ઘર બનાવ્યા. બે કરોડ વધુ મકાનો બનાવવાનો લક્ષ્યાંક છે. બે કરોડ મહિલાઓને લખપતિ દીદી બનાવવાનો ટાર્ગેટ હતો, હવે આ ટાર્ગેટ વધારીને ત્રણ કરોડ કરવામાં આવ્યો છે. આયુષ્માન ભારત યોજનાએ ગરીબોને ઘણી મદદ કરી છે. આંગણવાડી અને આશા વર્કરોને આ યોજનાઓનો લાભ મળશે. ગરીબ અને મધ્યમ વર્ગના સશક્તિકરણ અને તેમના માટે આવકની નવી તકો ઊભી કરવા પર ભાર મૂકવામાં આવ્યો છે. બજેટમાં ખેડૂતો માટે મોટા નિર્ણયો લેવામાં આવ્યા છે અને ખેડૂતોની આવક વધારવા અને ખર્ચ ઘટાડવાના પગલાં લેવામાં આવ્યા છે.
#ViksitBharatBudget focuses on empowering the poor and middle-class. pic.twitter.com/sprpldA0wo
— PMO India (@PMOIndia) February 1, 2024
જો કે મોટાભાગના વિપક્ષી દળોએ આ બજેટને નિરાશાજનક ગણાવ્યું હતું. જ્યાં કોંગ્રેસના પૂર્વ વચગાળાના અધ્યક્ષ સોનિયા ગાંધીએ આ સાથે જોડાયેલા સવાલોના જવાબ આપ્યા ન હતા.
રાષ્ટ્રપતિએ 2023ને દેશ માટે ઐતિહાસિક વર્ષ ગણાવ્યું
આ ઉપરાંત, બુધવારે રાષ્ટ્રપતિ દ્રૌપદી મુર્મુએ સંસદના બંને ગૃહોની સંયુક્ત બેઠકને સંબોધિત કરતાં કહ્યું હતું કે, 2023 દેશ માટે ઐતિહાસિક વર્ષ હતું અને દેશે વૈશ્વિક કટોકટી ઉપરાંત પણ સૌથી ઝડપથી વિકસતી મોટી અર્થવ્યવસ્થા બનવાની ગતિ જાળવી રાખી છે. તેમજ, ભારતે સતત બે ત્રિમાસિક ગાળામાં લગભગ 7.5 ટકાની વૃદ્ધિ હાંસલ કરી છે.
આ પણ વાંચો : LIVE BUDGET 2024: મધ્યમ વર્ગને મોદી સરકારની મોટી ભેટ, મકાન ખરીદવા માટે સરકાર લાવશે આવાસ યોજના
