ભારત અને ઈંગ્લેન્ડની પ્રથમ ટેસ્ટ મેચ કેટલા વાગે શરુ થશે? ક્યાં જોઈ શકાશે લાઈવ?

• ભારત અને ઈંગ્લેન્ડ વચ્ચે 25મી જાન્યુઆરીથી 5 મેચની ટેસ્ટ શ્રેણી રમાશે. ટેસ્ટ શ્રેણીની પ્રથમ મેચ હૈદરાબાદના રાજીવ ગાંધી ક્રિકેટ સ્ટેડિયમમાં રમાશે

IND vs ENG 1st Test: ભારત અને ઈંગ્લેન્ડ વચ્ચે 5 મેચની ટેસ્ટ શ્રેણી 25 જાન્યુઆરીથી શરૂ થઈ રહી છે. સિરીઝની પ્રથમ મેચ હૈદરાબાદના રાજીવ ગાંધી ક્રિકેટ સ્ટેડિયમમાં રમાવાની છે. ઈંગ્લેન્ડની ટીમે આ મેચ માટે પોતાની પ્લેઈંગ 11ની જાહેરાત પણ કરી દીધી છે. ત્યારે ભારતીય કેપ્ટન રોહિત શર્મા ટોસ સમયે ભારતીની પ્લેઇંગ 11 જાહેર કરશે. ચાલો તમને જણાવીએ કે ભારત અને ઈંગ્લેન્ડ વચ્ચે રમાવા જઈ રહેલી પ્રથમ ટેસ્ટ મેચ ક્યારે, ક્યાં અને કયા સમયે જોઈ શકશે.

પ્રથમ ટેસ્ટ મેચ કયા સમયે રમાશે?

ભારત અને ઈંગ્લેન્ડ વચ્ચે 5 મેચની ટેસ્ટ શ્રેણીની પ્રથમ મેચ 25 જાન્યુઆરીએ ભારતીય સમય અનુસાર સવારે 9.30 વાગ્યે શરૂ થશે. જ્યારે પ્રથમ ટેસ્ટ મેચનો ટોસ ભારતીય સમય અનુસાર સવારે 9 વાગ્યે થશે. આ મેચ દરમિયાન, રમતનું પ્રથમ સત્ર સવારે 9.30 થી 11.30 સુધી ચાલશે. બીજા સત્રની રમત બપોરે 12.10 થી 2.10 દરમિયાન રમાશે. જ્યારે ત્રીજું સત્ર બપોરે 2.30 થી 4.30 સુધી ચાલશે.

મફતમાં લાઈવ મેચ કેવી રીતે જોવી?

બંને ટીમો વચ્ચે રમાતી આ ટેસ્ટ સિરીઝનું સ્પોર્ટ્સ-18 નેટવર્ક પર જીવંત (લાઈવ) પ્રસારણ કરવામાં આવશે. તે જ સમયે, Jio સિનેમા પર લાઇવ સ્ટ્રીમિંગ બતાવવામાં આવશે. જેને ક્રિકેટ ચાહકો ફ્રીમાં જોઈ શકશે.

પ્રથમ બે ટેસ્ટ માટે ઈન્ડિયાની ટીમ

રોહિત શર્મા (C), જસપ્રીત બુમરાહ, શુભમન ગિલ, યશસ્વી જયસ્વાલ, રજત પાટીદાર, શ્રેયસ ઐયર, કેએલ રાહુલ, કેએસ ભરત (W), ધ્રુવ જુરેલ (W), આર અશ્વિન, રવીન્દ્ર જાડેજા, અક્ષર પટેલ, કુલદીપ યાદવ, મોહમ્મદ સિરાજ, મુકેશ કુમાર અને અવેશ ખાન.

ટેસ્ટ શ્રેણી માટે ઈંગ્લેન્ડની ટીમ

બેન સ્ટોક્સ (C), રેહાન અહેમદ, જેમ્સ એન્ડરસન, ગુસ એટકિન્સન, જોની બેયરસ્ટો (W), શોએબ બશીર, ડૈન લોરેન્સ, જેક ક્રોલી, બેન ડકેટ, બેન ફોક્સ, ટોમ હાર્ટલી, જેક લીચ, ઓલી પોપ, ઓલી રોબિન્સન, જો રૂટ અને માર્ક વુડ.

આ પણ વાંચો: IND vs ENG: વિરાટ કોહલી નહીં રમે પ્રથમ બે ટેસ્ટ મેચ, જાણો કેમ લીધો અચાનક નિર્ણય