નવી દિલ્હી – 16 ઓગસ્ટ : ભારતીય રિઝર્વ બેંક સમયાંતરે દેશના લોકોને જરૂરી માહિતી પૂરી પાડતી રહે છે જેથી કરીને તેમના બેંક ખાતાં સુરક્ષિત રહી શકે. આ અંતર્ગત દેશભરના અનેક અખબારોમાં એક જાહેરાત આપવામાં આવી છે. આ જાહેરાતનો હેતુ દેશના લોકોના ખાતાં સુરક્ષિત કરવાનો છે. આ જાહેરાતની ટેગ લાઇન આપવામાં આવી છે. મની ફ્યૂલ ન બનો!, તે જણાવે છે કે મની ફ્યૂ તરીકે કામ કરવું એ ગુનો છે.
મની ફ્યૂલ ન બનો! કેમ્પેઈન હેઠળ, ભારતીય રિઝર્વ બેંક અને નેશનલ સાયબર પોર્ટલે એક અભિયાન શરૂ કર્યું છે. આ દ્વારા સેન્ટ્રલ બેંક એવા લોકોને ચેતવણી આપવા માંગે છે જેઓ વિચાર્યા વગર કોઈના ખાતામાં પૈસા ટ્રાન્સફર કરે છે અને પછી છેતરપિંડીનો શિકાર બને છે.
શું હોય છે મની ફ્યૂલ?
મની ફ્યુલ એ એવી વ્યક્તિ છે જે કોઈ અન્ય વ્યક્તિ વતી ગેરકાયદેસર રીતે કમાયેલા નાણાંનો સોદો કરે છે અથવા ટ્રાન્સફર કરે છે. આવી વ્યક્તિ અથવા આવી પ્રવૃત્તિઓને રોકવા માટે આરબીઆઈએ જાહેરાતમાં જણાવ્યું છે કે તમારી સાથે કેવી રીતે છેતરપિંડી થઈ શકે છે. આ જાહેરાત દ્વારા લોકોને કહેવામાં આવ્યું છે કે તેઓ તેમના ખાતાનો ઉપયોગ અન્ય લોકોના પૈસાની હેરફેર માટે ન કરવા દે.
જેલ થઈ શકે છે
રિઝર્વ બેંક ઓફ ઈન્ડિયાની આ જાહેરાતમાં સ્પષ્ટ કરવામાં આવ્યું છે કે અન્ય વ્યક્તિ દ્વારા તમારા બેંક ખાતામાં પૈસા મેળવવા અથવા ફોરવર્ડ કરવાનો પ્રસ્તાવ તમને જેલ પહોંચાડી શકે છે. રિઝર્વ બેંકે દેશની જનતાને ચેતવણી આપી છે કે તમે જેને ઓળખતા નથી તેને ક્યારેય તમારા ખાતાની વિગતો ન આપો. જો તમારી સાથે કોઈપણ પ્રકારની છેતરપિંડી થાય છે, તો તમે આવા કેસની જાણ તમારી બેંક અથવા નેશનલ સાયબર ક્રાઈમ પોર્ટલ અથવા સાયબર હેલ્પલાઈન નંબર 1930 પર કરી શકો છો. વાસ્તવમાં, ભારતીય રિઝર્વ બેંક સમયાંતરે દેશના લોકોને અલગ-અલગ રીતે માહિતી આપતી રહે છે. જેથી લોકો કોઈપણ પ્રકારની સાયબર ફ્રોડથી બચી શકે. રિઝર્વ બેંક ઓફ ઈન્ડિયા ટ્વિટર અને અન્ય સોશિયલ મીડિયા પ્લેટફોર્મ દ્વારા બેંક ગ્રાહકોને ચેતવણી આપતી રહે છે. જેથી દેશની બેંકિંગ સિસ્ટમમાં છેતરપિંડી ઓછી થઈ શકે.
આ પણ વાંચો : કોલકાતા રેપ કેસ મામલે આરોપીના સાયકોલૉજીકલ ટેસ્ટ માટે CBIનું લિસ્ટ તૈયાર
