સ્વિગી ડિલિવરી બોયે એવું તો શું કર્યું કે રોનિત રોય લાલ ઘુમ થઈ ગયો?

• ટીવી અને ફિલ્મોના જાણીતા અભિનેતા રોનિત રોયે સોશિયલ મીડિયા પર એક પોસ્ટ કરીને સ્વિગી ડિલિવરી બોય પર ગુસ્સો વ્યક્ત કર્યો છે

મુંબઈ, 26 ફેબ્રુઆરી: પોતાની જોરદાર એક્ટિંગથી બોલિવૂડ અને ટીવીની દુનિયામાં પોતાનું નામ બનાવનાર રોનિત રોયને આમ તો દરેક જાણે જ છે. અભિનેતા તેમના દેખાવ અને દમદાર અભિનયના કારણે ચાહકોના દિલો પર રાજ કરે છે. હાલમાં, અભિનેતાએ સોશિયલ મીડિયામાં એક પોસ્ટને લઈને ચર્ચામાં આવ્યા છે. આ પોસ્ટમાં રોનિતે જણાવ્યું છે કે એક ડિલિવરી બોય તેમના હાથેથી મરતા મરતા બચ્યો છે. શું હતો આ આખો મામલો, એક્ટરે પોતાની પોસ્ટમાં આખી વાત કહી છે. ચાલો જાણીએ શું છે સમગ્ર મામલો.

રોનિત રોય ડિલિવરી બોય પર થયો લાલ ઘુમ

રોનિત રોયે શેર કરેલી પોસ્ટમાં લખ્યું છે કે સ્વિગી, આજે મારા હાથે તમારો ડિલિવરી બોય મરતા-મરતા બચ્યો છે. તેનું કારણ જણાવતાં રોનિતે પોતાના ટ્વીટમાં લખ્યું છે કે, ‘તેને ચોક્કસપણે ડ્રાઈવિંગ વિશે સમજણની જરુર છે. ઈલેક્ટ્રિક મોપેડ ચલાવવાનો મતલબ એ નથી કે તે ગમે તેમ રોંગ સાઈડ પર પણ મોપેડ ચલાવે.’ વધુમાં તેમણે કહ્યું કે, ‘શું તમને તેના જીવની પરવા છે કે પછી આ ધંધો છે બધું રોજની જેમ ચાલતું જ રહેશે?’

@Swiggy I almost killed one of your riders. They definitely need instructions on riding.Riding those small electric mopeds doesn’t mean that they ride on the wrong side of the road onto oncoming traffic. But then, Do you even care for their lives or is it just business as usual?

— Ronit Bose Roy (@RonitBoseRoy) February 25, 2024

સ્વિગીએ રોનિત રોયના ટ્વીટનો જવાબ આપ્યો

જ્યારે રોનિત રોયનું આ ટ્વિટ વાયરલ થયું ત્યારે સ્વિગીએ તેના પર પ્રતિક્રિયા આપી છે. અભિનેતાને જવાબ આપતા સ્વિગીએ લખ્યું- હે રોનિત, અમે અમારા ડિલિવરી પાર્ટનર્સ પાસેથી તમામ ટ્રાફિક નિયમોનું પાલન કરવાની અપેક્ષા રાખીએ છીએ, અમે હંમેશા આનું ધ્યાન રાખ્યું છે. જો તમારી પાસે આ બાબતે પગલાં લેવા માટે અન્ય કોઈ માહિતી ઉપલબ્ધ હોય, તો કૃપા કરીને અમારી સાથે શેર કરો.’

Hey Ronit, we expect our delivery partner to follow all traffic rules and have noted this to be looked into, do share any details if available for the necessary action to be taken.
^Luv

— Swiggy Cares (@SwiggyCares) February 25, 2024

રોનિત રોયનું વર્ક ફ્રન્ટ

રોનિત રોયના વર્ક ફ્રન્ટ વિશે વાત કરીએ તો, તે ટીવી પરના સૌથી લોકપ્રિય કલાકારોમાંથી એક છે. તેમણે ટીવી સિરિયલ ‘કસૌટી ઝિંદગી મેં’માં મિસ્ટર બજાજનું પાત્ર ભજવ્યું હતું. તેમના આ પાત્રે તેમને ઘણી ઓળખ અપાવી છે. આ શો સિવાય રોનિત ‘જાન તેરે નામ’, ‘કહને કો હમસફર’, ‘કાબિલ’, ‘બોસ’ જેવા ઘણા શોમાં જોવા મળ્યા છે. ટીવી શો સિવાય રોનિત રોય બોલિવૂડની ઘણી ફિલ્મોમાં કામ કરી ચુક્યા છે.

આ પણ વાંચો: લગ્ન પછી રકુલ અને જેકી માટે અયોધ્યાના રામ મંદિરથી આવ્યો પ્રસાદ