ગરમીએ અમેરિકાના આ બ્રિજની શું હાલત કરી! જૂઓ વીડિયો

• ન્યૂયોર્કના બ્રોન્ક્સથી મેનહટનને જોડતો થર્ડ એવન્યુ બ્રિજ ભારે ગરમીને કારણે ખુલ્લો રહી ગયો!

ન્યુયોર્ક, 10 જુલાઇ: ન્યૂયોર્કના બ્રોન્ક્સથી મેનહટનને જોડતો થર્ડ એવન્યુ બ્રિજ ભારે ગરમીને કારણે સોમવારે ખુલ્લો રહી ગયો હતો. જેને પગલે ફાયર ડિપાર્ટમેન્ટ ઓફ ન્યુયોર્ક (FDNY) અધિકારીઓ બોટમાં આવ્યા અને સ્ટીલને ઠંડુ કરવા માટે સ્ટ્રક્ચર પર પાણી ફેંકવા લાગ્યું હતું, જેનું શહેરમાં ગરમ તાપમાનના સંપર્કમાં આવતા વિસ્તરણ થઈ ગયું હતું તેમ અધિકારીઓએ જણાવ્યું હતું. આ ઘટનાને કારણે ન્યૂયોર્કમાં વર્ષના સૌથી ગરમ દિવસોમાં ટ્રાફિકમાં ભારે વિલંબ થયો હતો, પરંતુ તે જ દિવસે ફરી વાહન-વ્યવહાર શરૂ થઈ ગયો હતો.

 

Third Avenue Bridge Closed in All Directions Due to Overheating Equipment, Causing it to Become Stuck in the Open Position #NewYork pic.twitter.com/GLT89m7j7I

— William John (@Johnwilliam_123) July 9, 2024

ઉલ્લેખનીય છે કે, 1898માં બનેલો થર્ડ એવન્યુ બ્રિજ હાર્લેમ નદી પર બનેલો કરે છે અને બે શહેરો વચ્ચેની કડી તરીકે કામ કરે છે. સોમવારે, તાપમાન 35 ડિગ્રી સેલ્સિયસ સુધી પહોંચ્યું, જેના પરિણામે મેટલ મશીનરી વધુ ગરમ થઈ અને ફૂલી ગઈ.

FDNYના કર્મચારીઓએ બોટ પરથી પાણીનો છંટકાવ કર્યો 

ફોક્સ ન્યૂઝ અનુસાર, 126 વર્ષ જૂના પુલ પરની ધાતુ લગભગ બપોરે 3 વાગ્યે ભારે ગરમીને કારણે વિસ્તરી ગઈ હતી અને તે અટકી ગયો હતો. બોટ પરના કર્મચારીઓએ ધાતુને ઠંડુ કરવા માટે પુલ પર પાણીનો છંટકાવ કરવામાં કલાકો ગાળ્યા જેથી તેઓ તેને રોડ ડેક સાથે ફરીથી ગોઠવી શકે. એરિયલ ફૂટેજમાં FDNYની બોટ ખુલ્લા પુલના સ્પાન અને તળિયે તેને ઠંડું કરવા માટે પાણીનો છંટકાવ કરતી જોવા મળી હતી.

 

Update: The Third Avenue Bridge is now open for vehicles in both directions. https://t.co/QFLaIaPPKM

— NYPD NEWS (@NYPDnews) July 8, 2024

આ ઉનાળામાં ન્યૂયોર્કમાં આ બીજી હીટવેવ છે. મેટ્રો મુજબ, હાલમાં બ્રોન્ક્સ, બ્રુકલિન, મેનહટન, નોર્ધન ક્વીન્સ, સ્ટેટન આઇલેન્ડ અને સધર્ન ક્વીન્સ કાઉન્ટીઓ માટે બુધવારે રાત્રે 8 વાગ્યા સુધી હીટ એડવાઇઝરી અમલમાં છે.

આ પણ જુઓ: PM નરેન્દ્ર મોદીને મળ્યું રશિયાનું સર્વોચ્ચ નાગરિક સન્માન