NCERT પુસ્તકોમાંથી ડાર્વિનની થિયરી હટાવવા પર શિક્ષણ મંત્રીએ શું કહ્યું?
નવી દિલ્હી: એનસીઈઆરટીની પાઠ્યપુસ્તકોથી ચાર્લ્સ ડાર્વિનના વિકાસવાદના સિદ્ધાંતને હટાવવાને લઈને કેન્દ્રીય શિક્ષા મંત્રી ધર્મેન્દ્ર પ્રધાને નિવેદન આપ્યું છે.
તેમણે કહ્યું કે, “હું જાહેરમાં કહેવા માંગુ છું કે આવું કંઈ જ થયું નથી.”
મંગળવારે પુણેના ભંડારકર ઓરિએન્ટલ રિસર્ચ ઈન્સ્ટિટ્યૂટના એક કાર્યક્રમમાં બોલતા ધર્મેન્દ્ર પ્રધાને કહ્યું કે વિવાદ વધ્યા બાદ તેમણે NCERT પાસેથી માહિતી માંગી હતી.
પ્રધાને કહ્યું, “તેમના કહેવા પ્રમાણે, નિષ્ણાતોએ સલાહ આપી હતી કે કોવિડ-19 દરમિયાન પુનરાવર્તિત ભાગોને ઘટાડી શકાય છે અને પાછળથી તેને પાછા સમાવી શકાય છે. તેથી ધોરણ આઠ અને નવની સામગ્રીમાં કંઈ બદલાયું નથી. ધોરણ દસની પુસ્તકોમાં ઈવોલ્યૂશનની થ્યોરીથી સંબઁધિત કેટલાક ભાગોને પાછલા વર્ષે હટાવવામાં આવ્યા હતા, જ્યારે ક્લાસ ગ્યારવી અને બારમીમાં કોઈ પરિવર્તન કરવામાં આવ્યું નથી.”
તેમને માન્યું કે એવું જરૂરી છે કે જે બાળકો દસમા ધોરણ પછી વિજ્ઞાનનો અભ્યાસ કરશે નહીં, તેમને ચાર્લ્સ ડાર્વિનનો વિકાસવાદના સિદ્ધાંતનો કેટલાક હિસ્સો છૂટી જાય છે.
પ્રધાને કહ્યું, “આવર્ત કોષ્ટક વર્ગ 9, 11 અને 12 માં શીખવવામાં આવે છે અને NCERT મુજબ ઉત્ક્રાંતિ સાથે સંબંધિત એક કે બે ઉદાહરણો દૂર કરવામાં આવ્યા હતા, પરંતુ હું તમને ખાતરી આપવા માંગુ છું કે રાષ્ટ્રીય શિક્ષણ નીતિ લાગુ કરવામાં આવી રહી છે અને નવી પાઠયપુસ્તકો બનાવવામાં આવી રહી છે. તે નીતિ હેઠળ તૈયાર છે.”
આ પણ વાંચો- PM નરેન્દ્ર મોદીની મુલાકાતની સાથે જ એલન મસ્કને 10 બિલિયન ડોલરનો થયો ફાયદો
