પશ્ચિમ બંગાળના મુખ્યમંત્રી મમતા બેનર્જીએ આરોપ લગાવ્યો હતો કે BJP ગુજરાતમાં આગામી વિધાનસભા ચૂંટણીને ધ્યાનમાં રાખીને સુધારેલા નાગરિકતા અધિનિયમ (CAA) અને નેશનલ રજિસ્ટર ઑફ સિટિઝન્સ (NRC)નો ઉપયોગ કરી રહી છે. TMCના વડા બેનર્જીએ કહ્યું કે તેઓ ક્યારેય પશ્ચિમ બંગાળમાં CAA લાગુ થવા દેશે નહીં. બેનર્જીએ ભાજપ પર પશ્ચિમ બંગાળમાં અલગ રાજ્યની માંગ ઉઠાવીને ભાગલાવાદને પ્રોત્સાહન આપવાનો પ્રયાસ કરવાનો આરોપ પણ લગાવ્યો અને કહ્યું કે તે રાજ્યને ક્યારેય વિભાજિત થવા દેશે નહીં.
મમતા બેનર્જીએ કહ્યું, “જ્યારે પણ ચૂંટણી આવે છે, ત્યારે ભાજપ CAA અને NRCને લાગુ કરવાની વાત કરે છે. આવી સ્થિતિમાં, આગામી મહિને યોજાનારી ગુજરાત વિધાનસભાની ચૂંટણી અને લોકસભાની ચૂંટણીમાં લગભગ દોઢ વર્ષ બાકી રહ્યા બાદ, તેણે ફરીથી આવું કર્યું છે. CAAના મુદ્દાને ઉશ્કેરવાનું શરૂ કર્યું છે.”
‘મતુઆ પણ આ દેશના નાગરિક છે’
ક્રિષ્ના નગરમાં પાર્ટી કાર્યકર્તાઓને સંબોધતા બેનર્જીએ કહ્યું, “શું ભાજપ નક્કી કરશે કે કોણ નાગરિક છે અને કોણ નથી? ‘મતુઆ સમુદાય પણ આ દેશના નાગરિક છે.’ ઉત્તર 24 પરગણા અને નાદિયા જિલ્લામાં રાજકીય રીતે શક્તિશાળી મતુઆ સમુદાયના ઘણા લોકો રહે છે.
‘પશ્ચિમ બંગાળનું ક્યારેય વિભાજન નહીં થાય’
પશ્ચિમ બંગાળના મુખ્યમંત્રીએ કહ્યું, “ભાજપ પશ્ચિમ બંગાળમાં રાજ્યના ઉત્તરીય ભાગોમાં રાજવંશીઓ અને ગોરખાઓને ભડકાવીને અલગતાવાદને પ્રોત્સાહન આપી રહી છે. અમે પશ્ચિમ બંગાળના વિભાજનને ક્યારેય મંજૂરી આપીશું નહીં.” તેમણે દાવો કર્યો હતો કે ભાજપ 2024ની લોકસભા ચૂંટણી પછી સત્તામાં પાછા નહીં આવે. બેનર્જીએ કહ્યું કે 2019માં દેશની રાજકીય સ્થિતિ અલગ હતી અને ત્યારથી તે બદલાઈ ગઈ છે. “2019માં, દેશની રાજકીય પરિસ્થિતિ અલગ હતી, બિહાર, ઝારખંડ અને અન્ય ઘણા રાજ્યોમાં ભાજપ સત્તામાં હતો. પરંતુ હવે, દેશભરમાં તેની રાજકીય હાજરી ઘટી ગઈ છે, તે હવે ઘણા રાજ્યોમાં સત્તામાં નથી.
