કોલકાતા રેપ-મર્ડર કેસ વચ્ચે ચર્ચામાં આવી આ વેબ સીરિઝ, ક્રૂરતા જોઈને હૃદય કંપી ઊઠશે

કોલકાતા – 23 ઑગસ્ટ:  કોલકાતામાં મહિલા ડૉક્ટરની બળાત્કાર-હત્યાની ઘટના બાદ દેશભરમાં સતત વિરોધ થઈ રહ્યો છે. કોલકાતાની આરજી કાર મેડિકલ કોલેજ અને હોસ્પિટલમાં ટ્રેઈની મહિલા ડોક્ટર સાથે જે થયું તે પછી લોકોમાં ભારે ગુસ્સો છે. આ મામલાની વચ્ચે હવે બે વેબ સિરીઝ ચર્ચામાં આવી છે, જેમાં રેપ અને મર્ડર સાથે જોડાયેલા ઘણા સીન જોવા મળશે. ફિલ્મ એ સમાજનું દર્પણ છે, સમાજના અનેક પ્રશ્નોને ફિલ્મો દ્વારા ઉજાગર કરવાનો પ્રયાસ હંમેશા કરવામાં આવ્યો છે. તેમાંથી, કેટલીક સીરિઝ એવી છે જે બળાત્કાર જેવા જઘન્ય અપરાધો સામે બનાવવામાં આવી છે.

દિલ્હી ક્રાઈમ
કોલકાતા રેપ-મર્ડર કેસ વચ્ચે ‘દિલ્હી ક્રાઈમ’ અને ‘ઈન્ડિયન પ્રિટેન્ડર’ વેબ સિરીઝ લોકોમાં ચર્ચામાં આવી છે. ક્રાઈમ ડ્રામા વેબ સિરીઝ ‘દિલ્હી ક્રાઈમ’ લોકોને એટલી પસંદ આવી કે તેની બે સીઝન આવી ગઈ છે. રિચી મહેતા દ્વારા નિર્દેશિત આ સિરીઝમાં સાચી ઘટનાને ખૂબ જ સારી રીતે રજૂ કરવામાં આવી છે. તેમાં શેફાલી શાહ, રસિકા દુગ્ગલ, આદિલ હુસૈન અને રાજેશ તૈલાંગ મુખ્ય ભૂમિકામાં છે. આ સિરીઝમાં દિલ્હી ગેંગ રેપની ઘટનાઓ બતાવવામાં આવી છે. આ સીરિઝમાં ક્રૂરતાના એવા દ્રશ્યો જોવા મળ્યા છે જે જોઈને આત્મા કંપી જશે.

ઈન્ડિયન પ્રિટેંડર
આ એક સૌથી લોકપ્રિય ડોક્યુમેન્ટરી સીરિઝ છે જે કોલકાતા રેપ-મર્ડર કેસ પછી ફરી એકવાર ચર્ચામાં આવી છે. તે નાગપુર (મહારાષ્ટ્ર)માં બનેલી ભારત કાલીચરણ યાદવની વાર્તા પર આધારિત છે. આ સિરીઝમાં નાગપુરના કસ્તુરબા નગરમાં રહેતી 40થી વધુ મહિલાઓ પર બળાત્કાર થયો હોવાનું દર્શાવવામાં આવ્યું હતું. 13 ઓગસ્ટ 2004ના રોજ કસ્તુરબા નગરની 200 મહિલાઓએ નાગપુર ડિસ્ટ્રિક્ટ કોર્ટની કોર્ટ નંબર 7માં પણ આ જ કારણસર અક્કુ યાદવની હત્યા કરી હતી.

કોલકાતા રેપ-મર્ડર કેસ
પશ્ચિમ બંગાળની રાજધાની કોલકાતા સ્થિત આરજી કાર મેડિકલ કોલેજમાં ટ્રેઇની ડૉક્ટરની બળાત્કાર-હત્યા કેસમાં દરરોજ નવા અપડેટ્સ સામે આવી રહ્યા છે. ઉલ્લેખનીય છે કે આ કેસમાં અત્યાર સુધી એક આરોપી સંજય રોયની ધરપકડ કરવામાં આવી છે.

આ પણ વાંચો : અમદાવાદમાં તબીબો પર હુમલાને પગલે સ્ટેન્ડિંગ કમિટીમાં નિર્ણય, નવી વિઝિટર પોલિસી આવશે