મેઘાલય વિધાનસભા ચૂંટણી માટે આવતીકાલે મતદાન, જાણો કેટલી મહિલાઓ મેદાનમાં

મેઘાલય વિધાનસભા ચૂંટણી માટે મતદાન થશે. ચૂંટણી પંચે મતદાનની તમામ તૈયારીઓ પૂર્ણ કરી લીધી છે. અહીં મુકાબલો મુખ્યત્વે કોનરાડ સંગમાની આગેવાની હેઠળની નેશનલ પીપલ્સ પાર્ટી અને કોંગ્રેસ વચ્ચે છે. જ્યારે યુનાઈટેડ ડેમોક્રેટિક પાર્ટી, ભાજપ અને તૃણમૂલ રાજ્યમાં પોતાની હાજરી નોંધાવવાનો પ્રયાસ કરી રહ્યા છે. જાણો ચૂંટણી સાથે જોડાયેલી મોટી વાતો

#meghalayaelection2023 #AssemblyElection2023 #MeghalayaNews #newsupdate #Meghalaya #election2023 #ElectionCommissionOfIndia #westkhasihills #ceomeghalaya @ceomeghalaya @wkhpolice @ECISVEEP @SpokespersonECI pic.twitter.com/Htf1HCMij4

— Highland Post (@PostHighland) February 26, 2023

1. મેઘાલયમાં 60 વિધાનસભા સીટો માટે 375 ઉમેદવારો મેદાનમાં છે. તેમાંથી 233 રાષ્ટ્રીય પક્ષોમાંથી, 69 રાજ્ય પક્ષોના છે. બાકીના પણ અપક્ષ ઉમેદવારો છે. સેન્ટ્રલ આર્મ્ડ પોલીસ ફોર્સ (CAPF)ની 119 કંપનીઓ મતદાન માટે તૈનાત કરવામાં આવી છે.
2. ફોજદારી કેસ ધરાવતા ઉમેદવારોની કુલ સંખ્યામાં થોડો ઘટાડો થયો છે. 375 ઉમેદવારોમાંથી, 21એ પોતાની સામે ફોજદારી કેસ જાહેર કર્યા છે જ્યારે અગાઉની ચૂંટણીમાં 25 ઉમેદવારો હતા.
3. 2018ની સરખામણીમાં ચૂંટણી લડતી મહિલા ઉમેદવારોની સંખ્યામાં પણ થોડો સુધારો થયો છે. 2018માં 33 મહિલા ઉમેદવારો મેદાનમાં હતી. જ્યારે આ વખતે આ સંખ્યા 36 પર પહોંચી ગઈ છે.
4. ઓછામાં ઓછા 47 ટકા (177) ઉમેદવારો સ્નાતક છે. જ્યારે 58 પાસે પોસ્ટ ગ્રેજ્યુએટ ડિગ્રી અથવા ડોક્ટરેટ છે. 34 ઉમેદવારોએ તેમનું માધ્યમિક શિક્ષણ પૂર્ણ કર્યું છે. જ્યારે એક ઉમેદવારે પોતાને અશિક્ષિત જાહેર કર્યા છે.
5. UDPના વરિષ્ઠ નેતા મેટબાહ લિંગદોહ રૂ. 146 કરોડથી વધુની સંપત્તિ સાથે આ ચૂંટણીમાં સૌથી ધનિક ઉમેદવાર છે. કોંગ્રેસના વરિષ્ઠ નેતા વિન્સેન્ટ પાલા 125 કરોડની સંપત્તિ સાથે આ યાદીમાં બીજા ક્રમે છે.
6. મેઘાલયના તમામ ઉમેદવારોમાં કોંગ્રેસના ઉમેદવાર અરબિયાંગકામ ખારસોમત પાસે સૌથી ઓછી જાહેર સંપત્તિ છે. અરેબિયાંગકામ ખારસોમતની જાહેર કરેલી સંપત્તિ 9000 રૂપિયા છે. આ વખતે મેઘાલય વિધાનસભા ચૂંટણીમાં કુલ ઉમેદવારોમાંથી લગભગ 8 ટકા (29) ઉમેદવારો 25-30 વર્ષની વય જૂથના છે.
7. આ વખતે 61 ધારાસભ્યો છે (જેઓ પાછળથી પેટાચૂંટણી જીત્યા હતા તે સહિત) જેઓ 2023 માં ફરીથી ચૂંટણી લડી રહ્યા છે. 2018 અને 2023 ની વચ્ચે પુનઃચૂંટણી કરવા માંગતા ધારાસભ્યોની સંપત્તિમાં સરેરાશ 77 ટકાનો વધારો થયો છે. 2023માં ફરીથી ચૂંટણી લડનારા આ 61 ધારાસભ્યોની સરેરાશ સંપત્તિ 2018માં 6.97 કરોડ રૂપિયાથી વધીને 12.31 કરોડ રૂપિયા થઈ ગઈ છે.
8. આ ચૂંટણીના સૌથી ધનિક ઉમેદવાર મેટબાહ લિંગદોહની સંપત્તિમાં 2018 અને 2023ની વચ્ચે 59.04 કરોડ રૂપિયાનો વધારો થયો છે. ઉમેદવારોમાં રૂપિયાની દ્રષ્ટિએ આ સૌથી વધુ વધારો છે.
9. ચૂંટણી પંચ દ્વારા જારી કરાયેલ એડવાઈઝરી મુજબ, રાજ્યના કોઈપણ મતદાન મથક પર મતદાન મથકની અંદર મોબાઈલ ફોનને મંજૂરી આપવામાં આવશે નહીં.
10. કમિશન મુજબ, રાજ્યમાં 3,419 મતદાન મથકો સ્થાપિત કરવામાં આવ્યા છે, જેમાંથી 640 સંવેદનશીલ તરીકે વર્ગીકૃત કરવામાં આવ્યા છે.

આ પણ વાંચો : જાણો મનીષ સિસોદિયા સામે કઈ કલમો હેઠળ કેસ નોંધાયો, જો દોષિત સાબિત થશે તો કેટલા વર્ષની જેલ થશે